EPESUS 5:5 - Nanduk Ngget Tul Pidnak Wene

⁵ Kit-nen ”Iri-ge ndemeret wene-o” luk peragolat wolmomtak wene-ge yu-o: Mbabi yugwi nap min kop kap tobok tak woragwi nap min ukwe ukwe yugwi nap min (Nde, ukwe ukwe yugwi iri-ge kugiwak erembel wanugwi nggal-nen yusu-o) iri kwarugwi nab-e Kerisut min Mbal Pem Nagawan min-nen tenagaidnak wi-ge winde ma bug-o.

EPESUS 5:5 ပူးပေါင်းရင်းမြစ်များ

MBIRIGA WENE 20:17

Ap misik arengge: uwi min ogwe min ndegel ubugwi min owam min egelerai wam min at arengge mende oboksa min ukwe yurak pug-o” yij-o.

YIDNAK YIDNAK WENE 20:32

Nde, yawo-ge an-e Mbal Pem Nagawan min at-nen we wok ondoso wene min inggem kegera kunpusu-o. At-nen-e tugup lak tak konposolat, marak inpidnak nap pidsa enmanggim lud tak pidnak imining angge iri-ge it inmin lambuksa wok kondosolat kwarurag-e ndak-nen yusu-o.

YIDNAK YIDNAK WENE 8:21

Kat kindi-ge Mbal Pem Nagawan erengen pem-e lugud tak me, wene yu-ge kat karengge min kat kowene min-e mondok lag-o.

NGGALATIA 5:19

Ki nap-nen kwarugwi mende iri-ge nam-et kali nar-o. Ki nap-nen kwarugwi mende-nen kwarogolar-e, mbabi yugwi nde, kwami terak ya ye inpigit kwarugwi nde, ap nak ap nak yebegerak mbugwi nde,

NGGALATIA 5:21

at nak nggok yusu-a? luk insilepma yugwi nde, anggut engen amburu ndonggosa nuruk inndi wawa yugwi nde, meya kwarurak pem inik inik sakwi nde, ereba nggal erep min kwarogolat woragwi-o. Nanduk yak kindigi na nggal-et yawo na yak kundusu-o. Iri mende kwarugwi nab-e Mbal Pem Nagawan-nen tenagaidnak wi-ge winde yuwa bug-o.

EPESUS 5:3

Kir-e marak nap-nen yili me, ap onkwe yebugwi wene nde mbabi kwarugwi wene oboksa nde ap enarengge ukwe ukwe yugwi wene nde kit kennggendumu-nen-e iri obok tet yurak pug-o.

KOLOSE 1:13

At-nen-e ndamuk inggem-nen weserak nunpuruk, at Ambara abuwa worak-nen tenagaidnak wi ninpil lobok yij-o.

KOLOSE 3:5

Iri ala-ge, kir-e nggweyak ma nap woragolat-nen ukwe ukwe yugwi mende-ge mbabi yugwi nde, mbilaro ngin mende kwarugwi nde, mbabi kwarurak ukwe ukwe yugwi nde, meya nak kwarurak peragwi nde, worala-t nde ukwe nak yugwi nde, iri-ge oboksa worak pugup na-e. Nde, worala-t nde ukwe nak yugwi iri-ge kugiwak erembel wanugwi-nen yusu-o.

1 TIMOTIUS 6:10

Yi meya ndi meya pidsa elem-e uwang nak ukwe ukwe yugwi irir-o. Ap erep-nen-e uwang langgal luk mborogolar-e, it inndi angin tubu yidnak na-ge kabak tak puruk, it inndi andi bandi rak purak mende kwarat ondomok enpem pugwi-o.

1 TIMOTIUS 6:17

Nggweyak ma mende winde nap nggomo ondosolar-e: ”Kenambik kek yurak pug-o. Lak wolmomtak mende iri bem kinndi-ge mbung mbung tak wolmomtak pug-o. Are, nit nenalen kujwakluk, yi mende ndi mende kwarat tak nonposo Mbal Pem Nagawan ebem nak kinndi mbung mbung tak wolmer-o” luk nggomo indi-o.

IBERANI 13:4

Ap oboksa-nen wok kerak mbugwi iri-ge konak-net yusu-o luk pururag-o. Nde, un min ogwe min-e mbabi kwarogolat wolmomtak pug-o. Nde, terak ye unpugwi min mbabi yugwi min enpem-e Mbal Pem Nagawan-nen wene mbaruwa-o.

YOSUA 7:21

Silobulo minggige ereba enggendumu-ge sum leyok sum konak Mbabilonia-nen yagidnak misik min perak angin-e dua kilo iri min emas mbarak angin-e setenga kilo min irit mondok nindi nggosola karuk, wanigirik, an nuwi lije ma nggweyak yala kura bigirik worasu-o. Nde, perak iri-ge nggweyak arem nggal-et pukmu-o” luk yij-o.

NAM PARA WENE 21:8

Alat nde, kwiye kagwi nap min inndi angin tubu yugwi buk nap min kwarugwi buk mende kwarugwi nap min ap undugwi nap min terak terak ye unpugwi nap min kwal ombo min kugiwak erembel wanugwi min enesiget yugwi nap oboksa min it ondoro-ge emben worak kule (belerang) laso kan mare arem-nen yusu-o. Nde, iri-ge mberen pem tak posolat wat momtak elem-nen yusu-o” luk yij-o.

NAM PARA WENE 22:15

Alat nde, kwarugwi buk mende kwarugwi nap min kwal ombo min terak terak ye unpugwi min ap wurugwi nap min kugiwak erembel wanugwi nap min ininggi-nen kwarugwi mende bem-nen na, enne bem-nen na ennesiget yugwi nap it oboksa ondoro-ge mbepme nggwe wolma-o.