EPESUS 5:25 - Nanduk Ngget Tul Pidnak Wene

²⁵ Konkwerak worak nap oboksa wa-e. Kerisut-nen lambuk tak inpidnak nap enabuwa kasolar-e, it enmanggim at-net at ondomok indi wisirik pid nggal, iri nggal-et kit na kit konkwerak enabuwa kagolat wolmer-o.

EPESUS 5:25 ပူးပေါင်းရင်းမြစ်များ

NDAK WIRIDNAK WENE 2:24

Iri-nen ndowaga ab-e eid ija keya buruk, ogwe min misiget luk, it enmbereg-e misiget kwat yili-o.

NDAK WIRIDNAK WENE 24:67

Iri lug-e, Isak-nen-e kwe Iripka na-ge ija Sara woraso o lije sum wi iri na me imin nggwarik, wanij-o. Nde, Isak-nen Iripka abuwa kasolat-nen ija wat yidnak me, indi angabanga rak woragid iri na-ge kondok yij-o. 25:1-6 Ayat ya arem-e Abarakam ilirak kwe misik-nen nderak ereba na unnu mbarak worasu-o.

2 SEMUEL 12:3

Nde, ap arengge lak iri na-ge olomba wam misiget nak onggo puruk, ilirak inmin ama irit imin woralar-e, nunggwi mende-ge it-nen nunggwi ereb-et mak tosolat, yi na at-nen naso embe arem-et mak tosolat, nene yosolar-e, ap iri na urugom-et nene yosolat, iri kwat tenak woragij-o. Nde, wene iri nggaruksa yosolar-e, at ondomok ara kwat ibidnak nggal-et kwat obosolat woragij-o.

MATIUS 20:28

Iri nggal-et Ap Ambara lobok yid iri-ge ap yongga wuruwakluk lobok yigir-e lag-o. Are, ap yongga endeyekluk, ap kwarat onnggo posolat iminep wesel korayekluk-nen lobok yij-o” luk yij-o.

YOANES 6:51

An-e aid arem-nen mbuwaidnak unluk yaga wok ondoso mburu-nen yusu-o. Nde, ap-nen mburu yu nujwa nab-e unlug-et pem-et woralik nalik ma-o. Nde, ki nap pidsa unlug-et wolmaklug-e, wok indimin mburu iri-ge an nebe nde yigi-o” luk yij-o.

YIDNAK YIDNAK WENE 20:28

Iri bem-e, kit na kit-net yik karok woragolat, Konak Indi-nen lomba wam ndok worak pidsa iri yik eneyarok wolmakluk mendak kinpidnak me, Mbal Pem Nagawan-nen at ambik Ambara eyabi bem-nen winde yidnak lambuk tak inpidnak nap iri na kit-nen-e lomba wam yik karok woragwi nap kwasa yik eneyarok wolmer-o.

NGGALATIA 1:4

Kerisut-nen-e nit meya yidnak pem yawo worasu nggweyak ma meya yu me-nen wisirik nenpeyeklug-e ar-e ondomok iminep wisirik pamu-o. Iri kwarosolar-e, Nineid Mbal Pem Nagawan indi-n pidnak ndak ndag-et kwarij-o.

NGGALATIA 2:20

An nuruk worasu yu-ge an-nen nuruk worasu-ge lag-o. Are, Kerisut perak nde an narem uruk worasu-o. Nde, yawo an nuruk worasu yu-ge, an nabuwa-nen at-net at ambikpebe iminep wesel koragaid nap, Mbal Pem Nagawan Ambara ebem nindi angin tubu yidnak pem-net nuruk worasu-o.

EPESUS 5:2

Kerisut na-ge nit nenabuwa kagaid nggal, iri nggal kir-e ap enabuwa kagwi elem pem-et waring kagolat wolmer-o. Kerisut-e nit nenabuwa kasolar-e, nit nenmanggim at-nen at ondomok indi wisirik posolar-e, Mbal Pem Nagawan indi alen tak poso emben konak mende nggal luk, at eyabi Mbal Pem Nagawan amanggim pij-o.

EPESUS 5:24

Alat nde, lambuk tak inpidnak nab-e Kerisut urugom tebe yili nggal, iri nggal-et ununtak worak kwami-nen-e yi mende ndi mende bem-e ununtak unlugom teberak wolmomtag-o.

EPESUS 5:28

Iri nggal-et ap-nen it ondomok enpe abuwa kali nggal, iri nggal-et onkwerak na enabuwa kujwag-o. At ogwe abuwa kasu nab-e at ondomog-et abuwa kasu-o.

EPESUS 5:33

Irit nde, wene iri-ge kit kinmin yidnak-net yusu-o. Kit kenambik kenabuwa kali nggal, kit kondomoktak-nen konkwerak enabuwa ker-o. Nde, ogwe-nen-e at un kek tak ubuwag-o.

KOLOSE 3:19

Konkwe worak nap wa-e. Kit konkwerak enabuwa kagolat, it inmin yanggonak nak wolmer-o.

1 TIMOTIUS 2:6

Ap pidsa meya inggem-nen wisirik enpeyekluk onnggo posolar-e, Yesus-e at ambikpebe iminep wisirik pamu-o. At wat yid iri-ge, Mbal Pem Nagawan-nen ap pidsa inmiri yurak yidnak iri na yenggerak purak pem iri tarem-et wat yij-o.

1 PETERUS 3:7

Konkwe la worak nap wa-e. Iri nggal-et kit na konkwe la inmin woragolar-e, kwami yu-ge ndeyak-net yili-o enperaruk, Mbal Pem Nagawan-nen we wok ondoso unlug-et woralik nalik momtak elem iri-ge konkwe la inmin-et lambuksa winde rak kunpuwa me, kwara enabuwa kagolat wolmer-o. Iri kwarugup ala-ge, kit-nen tepan yugub-e abi sud mud yuwa bug-o.

NAM PARA WENE 5:9

It-nen ndawi ngget misik yogolar-e: ”Kar-e mondok kirikma, wat yigen iri bem-nen-e Mbal Pem Nagawan amanggim ap enlem ndomok oboksa min ap enne ndomok oboksa min ab-e ap oboksa min ap enlem oboksa min onnggo pigen pem-e kat-nen-e engga na wanuruk, lop nok tak pugwi mende, iri na punggururag-e kabam-net yusu-o.