EPESUS 5:21 - Nanduk Ngget Tul Pidnak Wene

²¹ Kerisut indi aye woragolar-e, kit na kit-net kenggam urugom tebe yogolat wolmer-o.

EPESUS 5:21 ပူးပေါင်းရင်းမြစ်များ

NDAK WIRIDNAK WENE 16:9

Yosoloma, aid nap na-nen yosolar-e: ”Kar-e tugurug-et Sarai eram mburugundik, ndegel-et posolat wolmin-o” yak tij-o.

NGGOMO WENE 24:21

Nambara wa-e. Kar-e Nagawan Indo indi aye worak woralat, nagawan nak kek tak posolat wolmomtag-o. It inmin eyak witli nap inmbirik mbururak pug-o.

1 KORINTUS 16:16

Iri nggal kwarugwi nap min it totno yabu wanogolat, ap ndegel onpogolat yugwi nap min-e kit-nen na it-nen yidnak yidnak kwarogolat wolmer-o luk an-e kenmengen mbarusu-o.

2 KORINTUS 5:11

Nir-e Nagawan Indo aye kagwi nenaru me, ap enmengen mbatli-o. Mbal Pem Nagawan-e nit ninndi mondok nam-et kasu-o. Nde, an-nen perasolar-e, kit-nen na nit ninndi nam-et kali, lak? perasu-o.

2 KORINTUS 7:1

Nanggamirak kenabuwa worak wa-e. Urul pidnak wene oboksa-ge nit-nen idnak me, nit na nit-net nondomok marak nap yogolar-e, nenpe min ninndi min kik tak nunpurak mende iri marak puruk, Mbal Pem Nagawan indi aye min woragolar-e, mondok marak iminep mbarak irit wolmog-o.

NGGALATIA 5:13

Nowe nowosi wa-e. Kit perak nde, wisirik kinpidnak worabok-nen wene mbo kinpid nar-o. Alat nde, wisirik kinpidnak iri na bem kit kenpe-nen ukwe yugwi mende-nen yidnak yidnak yurak pug-o. Are, nabuwa kabuwa yogolat-nen-e kit na kit-net ndegel pegerak mber-o.

EPESUS 5:22

Kununtak worak kwami wa-e. Kir-e Nagawan Indo urugom tebe yili nggal-et kununtak unlugom tebe yer-o.

EPESUS 5:24

Alat nde, lambuk tak inpidnak nab-e Kerisut urugom tebe yili nggal, iri nggal-et ununtak worak kwami-nen-e yi mende ndi mende bem-e ununtak unlugom teberak wolmomtag-o.

PILIPI 2:3

Kit kondomok kunnu kek tak purak pem, kit kondomok kentembel wanurak pem-e yi kwatlik ndi kwatlik kwarurak pug-o. Are, kinndi tebe yogolar-e, kit kondomok tebe luk, nin nab-e kek tak irit yik iniyudtag-o.

1 TIMOTIUS 2:11

It kwami-ge kondoksa inndi tebe luk woragolat-nen enaru yogolat wolmag-o.

1 TIMOTIUS 3:4

at ama woragwi nap-nen at-nen yidnak nak kwarugwi nap, ilirak-nen at indi aye min-et at ene kuluwakluk onggomo ondoso nap irit mag-o.

IBERANI 13:17

Kit kennggendumu enne kolobokluk mendak inpidnak nap-nen yidnak wene wanogolat, it-nen yidnak yidnak nak kwarogolat wolmer-o. It-nen-e kit kinndi yik karok woragolar-e, perari yili bug-o. Iri yili iri-ge ap inndi yik karok woraidnak pem Mbal Pem Nagawan-nen an nebem wene mbaruwa-o peragoluk-nen yik keneyarok worali-o. Nde, kit-nen nde it-nen yidnak yidnak kwarogola-ge, it eneyabu-ge enalen min-et wanogolat wolma-o. Nde, kit-nen iri kwarigit lak yogola-ge, it inndi puru min-et eneyabu wanuwa iri-nen kit kenmanggim-e ebe worak mende ma-ge lag-o.

1 PETERUS 2:13

Nagawan Indo ebem me, nggweyak ma worali pemerinta pidsa-nen yidnak yidnak nak kwarer-o. Yi nap ndi nap pidsa onmbol pem kek tak Kaisat na irit,

1 PETERUS 2:17

Ap oboksa kek tak onpogolat, Kerisut ebem inndi angin tubu yidnak kennggamirak na enabuwa kagolat, Mbal Pem Nagawan aye kagolat, nagawan Kaisat kek tak pogolat wolmer-o.

1 PETERUS 5:5

Nde, iri nggal-et kit ap sugwe-nen-e inndi worak-nen yidnak yidnak nak kwarurag-o. Nde, kit pidsa kinndi tebe luk yongga yongga yogolat wolmer-o. Nde, Mbal Pem Nagawan engga bem-nen yosolar-e: ”Mbal Pem Nagawan-nen-e inndi kek yugwi nap inmin-e sirid mbarak worasu-t nde, at-nen-e inndi teberak woragwi nab-e enabuwa kasu-o” luk yij-o.