EPESUS 5:2 - Nanduk Ngget Tul Pidnak Wene

² Kerisut na-ge nit nenabuwa kagaid nggal, iri nggal kir-e ap enabuwa kagwi elem pem-et waring kagolat wolmer-o. Kerisut-e nit nenabuwa kasolar-e, nit nenmanggim at-nen at ondomok indi wisirik posolar-e, Mbal Pem Nagawan indi alen tak poso emben konak mende nggal luk, at eyabi Mbal Pem Nagawan amanggim pij-o.

EPESUS 5:2 ပူးပေါင်းရင်းမြစ်များ

NDAK WIRIDNAK WENE 8:21

Kan pamu-ge emben konak iri na-nen Nagawan Indo indi alen tak posola karuk, Nagawan Indo indi-nen perasolar-e: ”An-e abog-e it-nen kwatli iri-nen ndowaga-ge nggweyak ma yu-ge mondok imbiri lamut tak pimin pug-er-o. Nde, it nggweyak ma nap yu-ge marikmu-net inndi-ge meya nak yebet kagwi iri-ge an-e naru-t me, yawo urugup worak oboksa lak tak pigi yu nggal-e abog-e mondok kwarimin pug-o.

AMOS 5:21

Nagawan Indo-nen yosolar-e: ”An-nen kit-nen yebet kagolat nggok sakwi ereba yik kudtag-e mondok nisili rak puruk, sok wururak nde yusu-o!

MATIUS 20:28

Iri nggal-et Ap Ambara lobok yid iri-ge ap yongga wuruwakluk lobok yigir-e lag-o. Are, ap yongga endeyekluk, ap kwarat onnggo posolat iminep wesel korayekluk-nen lobok yij-o” luk yij-o.

YOANES 13:34

An-nen-e imiri mbarak pidnak wene ngget yu wok kundusu-o: Nabuwa kabuwa nak kagolat wolmer-o. An-nen kit kenabuwa kaso nggal kit-nen na nabuwa kabuwa irit kagolat wolmer-o.

YOANES 6:51

An-e aid arem-nen mbuwaidnak unluk yaga wok ondoso mburu-nen yusu-o. Nde, ap-nen mburu yu nujwa nab-e unlug-et pem-et woralik nalik ma-o. Nde, ki nap pidsa unlug-et wolmaklug-e, wok indimin mburu iri-ge an nebe nde yigi-o” luk yij-o.

OROMA 15:16

Enlem nin nap ndegel unpuwakluk, Mbal Pem Nagawan-nen Kerisut Yesus ndegel oboso nap kwarak nibij-o. Nde, an-e tepan ombo nggal yosolar-e, enlem nin nab-e wam eyuruk Mbal Pem Nagawan amanggim pidnak nggal makluk, Mbal Pem Nagawan indingen kaso mende pidnak nggal Konak Indi-nen Mbal Pem Nagawan amanggim len inpidnak makluk, an-e Mbal Pem Nagawan-nen idnak aid wene ap yak indil nusu-o.

OROMA 4:25

Yesus na-ge nit meya yidnak pem wat makluk, weserak uburuk, nit lud tak nak nunpuwakluk uruk tak pij-o.

OROMA 8:3

Nde, ki nap enpage ndeyak me, imiri mbarak pidnak wene-nen kwarurag-e meya agaid iri-ge Mbal Pem Nagawan-net kwarij-o. Kwarosolar-e, meya kwarugwi elem lak tak puwakluk, at ambik Ambara ibil lobok yosolar-e, meya kwarugwi nap enaboro worak irit ibil lobok yid iri-nen-e meya kwarugwi elem ki nap enarem worasu iri na urugwe nggwe rak pij-o.

OROMA 8:37

Alat nde, iri mende pidsa bem-e nit nenabuwa kaso nap iri-nen mondok ombol nggwe rak nunpusu-o.

1 KORINTUS 16:14

Yi kwatlik ndi kwatlik kwarogolar-e, ap enabuwa min-et kwarer-o.

1 KORINTUS 5:7

Kir-e nanduk woraidnak meya lomboroso mende iri-ge mbo ber-o. Iri ala-ge, kir-e nggeret konidnak oroti lomboroso mende pigit lak yidnak oroti iri nggal-et kwat yobokluk. O Anggul Pandok Mbiridnak tarem lomba wam wurugwi nggal, nit Nonlomba Kerisut iri-ge nenmanggim wiriga-o.

2 KORINTUS 2:14

Alat nde, nir-e Kerisut ebem ombol nggwe yurak tulabiyem at-nen pempa wok nunpuruk mburusu bem-e Mbal Pem Nagawan wa yak tuwog-o. Emben konak mende wigaril mboroso nggal, Kerisut enaru yurak emben konak iri-ge nit nenpem nggwe-nen nin me nan me wigaril mburusu-o.

2 KORINTUS 2:15

Kerisut-nen idnak emben konak mende Mbal Pem Nagawan amanggim pidnag-e nit-nen yili me, emben iri-ge inmiri yurak nap min lak momtak nap min ennggendumu mburusu-o.

2 KORINTUS 8:9

Nit Nagawan Indo Yesus Kerisut-nen we wok ondoso elem iri-ge kir-e kenaru nar-o: At isilobulo kwarat worag-et nde, kit kenmanggim-nen isilobulo lak nap agaij-o. Iri agaid iri-ge at isilobulo lak yidnak pem-nen kit kinsilobulo kwarat winde rak kenpeyekluk-nen iri yij-o.

NGGALATIA 1:4

Kerisut-nen-e nit meya yidnak pem yawo worasu nggweyak ma meya yu me-nen wisirik nenpeyeklug-e ar-e ondomok iminep wisirik pamu-o. Iri kwarosolar-e, Nineid Mbal Pem Nagawan indi-n pidnak ndak ndag-et kwarij-o.

NGGALATIA 2:20

An nuruk worasu yu-ge an-nen nuruk worasu-ge lag-o. Are, Kerisut perak nde an narem uruk worasu-o. Nde, yawo an nuruk worasu yu-ge, an nabuwa-nen at-net at ambikpebe iminep wesel koragaid nap, Mbal Pem Nagawan Ambara ebem nindi angin tubu yidnak pem-net nuruk worasu-o.

EPESUS 1:4

Nggweyak yu ndak worak pigit lak ma-net nir-e marak nak wolmakluk, at eram-nen-e ”At yu-ge iri nggal meya yoso bug-o” luk yak nunduwakluk, nir-e at arengge rak nunpurak pem Mbal Pem Nagawan–nen-e Kerisut ebem-nen len ninpij-o.

EPESUS 3:17

it inndi angin tubu yidnak pem Kerisut-e it inndi arem wolmag-o” luk kenmanggim tepan yoso-o. Kir-e ap enabuwa kagwi elem iri na bem kenmengen kwen yogolat, iri bem na tugup lak woragolar-e,

EPESUS 3:19

At-nen nenabuwa kaidnak iri-ge mondok nenaru momtag-e meya-t nde, Kerisut-nen ap enabuwa kaso elem na kenaru yugupndig-e, Mbal Pem Nagawan arem kobong tak woraso mende iri-ge kit kobong tak kunpuwakluk tepan yoso-o.

EPESUS 4:15

Alat nde, ap enabuwa kagwi elem pem nir-e ndemeret wene puksa tena woragolar-e, yi mende ndi mende bem nir-e Kerisut na ebem iminep mbal mog-o. Nde, anggul-e at-nen yusu-o.

EPESUS 4:2

Kir-e pempa kinndi teberak woragolat, kinndi yanggonag-et woragolat, kinndi luruk puruk woragolat mer-o. Nabuwa kabuwa woragwi na nam tak pogolar-e, yongga yongga wolmer-o.

EPESUS 5:15

Iri bem-e, kit-nen kwarogolat woragwi mende-ge kinndi kwara mbenarogolat wolmer-o. Wid-nen kwarugwi nggal kwarurak pug-o. Are, inndi nggat nggat worak-nen kwarugwi nggal kwarogolat wolmer-o.

EPESUS 5:25

Konkwerak worak nap oboksa wa-e. Kerisut-nen lambuk tak inpidnak nap enabuwa kasolar-e, it enmanggim at-net at ondomok indi wisirik pid nggal, iri nggal-et kit na kit konkwerak enabuwa kagolat wolmer-o.

PILIPI 4:18

Yawo-ge an-nen ukwe peraidnak oboksa-ge kit-nen namanggim pigepma wanigi iri-ge an-nen ukwe peraidnak ombol nggwe terak menna wanigi-o. Epaporotitus-nen wok nirigep mende wok niril lobok yamu-nen an-e mondok ndak worasu-o. Nde, silobulo wok nirigep iri-ge, emben konak mende nggal Mbal Pem Nagawan-nen kujwaklug-e, Mbal Pem Nagawan indingen tak posolat, alen tak posolar-e, Mbal Pem Nagawan amanggim wam wosa eyabi pugwi nggal-nen yusu-o.

KOLOSE 3:14

Nde, mondok nggulok nanduk tak pidnag-e ap enabuwa kagwi elem-net yusu-o. Ap enabuwa kagwi elem-nen-e yi mende ndi mende lambena iminep mbarak poso-nen yusu-o.

1 TESALONIKA 4:9

”Kennggamirak inmin nabuwa kabuwa wolmer-o” luk an-nen engga mbal kundurag-e lag-o. Mbal Pem Nagawan-nen ”Ap-nen nabuwa kabuwa yugwi-ge iri nggal-o” luk mirik kinpid naro-o.

1 TIMOTIUS 2:6

Ap pidsa meya inggem-nen wisirik enpeyekluk onnggo posolar-e, Yesus-e at ambikpebe iminep wisirik pamu-o. At wat yid iri-ge, Mbal Pem Nagawan-nen ap pidsa inmiri yurak yidnak iri na yenggerak purak pem iri tarem-et wat yij-o.

1 TIMOTIUS 4:12

Kar-e ap sugwe me, ap misiger-o luk-nen te rak kuburag-e meya-o. Are, kat-nen inndi angin tubu yidnak nap kat kebage mirik onposolar-e, wene yoso bem-nen na, kat-nen kwaroso bem-nen na, enabuwa kaso bem-nen na, mot mot nak kwaroso bem-nen na, mbek tak woraso bem-nen na kat kebage irit it-nen kwaruwakluk mirik onposolat wolmin-o.

TITUS 2:14

Yesus iri-ge yi meya ndi meya kwarugwi inggem-nen ninmiri yekluk, at ondomok amanggim marak nunpuruk, at elem nap tak nenpeyekluk, ”Konak mende nak kwaruwog-o” yugwi nap tak nenpeyekluk, at-net at ambikpebe iminep nit nenmanggim wesel koragaij-o.

IBERANI 8:3

Nde, tepan ombo nggulok yuwakluk mendak unpugwi na-ge it-nen-e Mbal Pem Nagawan amanggim pogolar-e, Mbal Pem Nagawan amanggim pugwi mende min wam wosa eyabi pogolat wolmakluk mendak unpugwi-o. Iri nggal-et nit nentepan ombo nggulok na irit mondok Mbal Pem Nagawan amanggim purak mende mbi inggem wolmomtag-o.

IBERANI 9:14

Kerisut eyabi-nen-e terak minik irit kwat nonposo-o. Nde, Kerisut-nen at ondomok indi wesera Mbal Pem Nagawan amanggim posolar-e, mondok iminep mbarak mende pid iri-ge urug-et pem-et woralik nalik woraso Konak Indi bem-net pij-o. At eyabi-nen-e nir-e ebe lak mende kwarugwi ninndi iri na mat nunpuruk, nir-e uruk nak woraso Mbal Pem Nagawan na ndegel tenak wolmakluk, marak nunpurag-e ndag-o.

IBERANI 9:23

Iri mende iri-ge ebe-ge aid arem worala-t nde, we amorok ndak worak iri-ge eyabi iri nggal kwasa ebem nggweyel kaidnak pem-nen mbek tak poso-o. Alat nde, ebe aid arem worasu iri perak nde, iri mbek tak purak pem-e Mbal Pem Nagawan amanggim wam eyabi wirik pugwi iri nggal-e lag-o. Are, Mbal Pem Nagawan amanggim wosa pugwi mende terak minik konak iri nak-net mbek tak poso-o.

IBERANI 9:26

Kwarat pem wirik peyekluk-nen nggwidnggal-e, nggweyak yu ndak worak pid kuri-nen kwarat pem yane wat tenak woraleb-o. Alat nde, i worok tak purak tarem panggo yidnak worali yu tarem-nen Kerisut-e misik pem nak nam yid iri-ge at-net at iminep wesel koraruk, meya yogolat woraidnak iri-ge mondok lak tak peyekluk-nen nam yij-o.

1 PETERUS 4:8

Nanduk tak purak wene owak ndum-e yur-o. Ndemeret kinndi-net nabuwa kabuwa yer-o. Nabuwa kabuwa yugwi iri-nen-e meya yidnak kwarat limirik pusu-o.

1 YOANES 3:16

Ap enabuwa kagwi elem-e yu bem-nen nenaru yili-o: Kerisut-e nit nenmanggim at-net at iminep wisirik pij-o. Iri nggal-et nit-nen na nit nennggamirak enmanggim nit-net nit ninminep wisirik purag-o.

1 YOANES 3:23

Nde, at-nen: ”Irit kwarer-o” luk yidnag-e yu-o: At Ambara Yesus Kerisut unu bem nit ninndi angin tubu luk, Kerisut-nen yak nindid ndak ndag-et nabuwa kabuwa yogolat wolmomtag-o.

NAM PARA WENE 5:9

It-nen ndawi ngget misik yogolar-e: ”Kar-e mondok kirikma, wat yigen iri bem-nen-e Mbal Pem Nagawan amanggim ap enlem ndomok oboksa min ap enne ndomok oboksa min ab-e ap oboksa min ap enlem oboksa min onnggo pigen pem-e kat-nen-e engga na wanuruk, lop nok tak pugwi mende, iri na punggururag-e kabam-net yusu-o.