EPESUS 5:18 - Nanduk Ngget Tul Pidnak Wene

¹⁸ Anggut engen amburu ndonggosa nuruk, kinndi wawa yurak pug-o. Iri nunggupndig-e, ukwe ukwe rak onposo-nen yusu-o. Alat nde, kir-e Konak Indi nde kenarem kobong tak irit wolmer-o.

EPESUS 5:18 ပူးပေါင်းရင်းမြစ်များ

NDAK WIRIDNAK WENE 9:21

Nde, Nu na-ge anggut engen ereba nuruk yarig-e, indi nden kamu-o. Nde, indi nden kaidnak me, Nu na-ge sum yonggora keya buruk, inggiri koro ndesa ama sum-nen wiridnak o lije iri na me mbinggirik woragij-o.

NDAWI ENGGA 69:12

Ap ndok worak sa-nen pesel nobogolat enne manggim kwarak nibili-o. Inndi nden kaso yi nunggwi nab-e an nobok nak ndawi bem tak puruk yili-o.

NGGOMO WENE 20:1

Inndi nden kaso yi iri na-nen ndowaga ap iri na kasa kasa kwarogolat, nari wari yugwi-o. Nde, iri mende yi no no indi lak yusu nab-e wid-net kwarusu-o.

YESAYA 55:1

Nagawan Indo-nen yosolar-e: Kit yi nere-nen kinndi eberek yusu nab-e lobok yugupndik, yi kenangga lud tak pidnak yu mer-o! Kit kontol lag-e lobok yugupndik, onggo pigit lag-et nggandum mbato yeba wanugupndik mer-o! Anggut amburu min sapi wam agamo amburu min-e kenmanggim lid lud tak worasu-o. Mondok onggo pigit lag-et waner-o!

MATIUS 23:25

Kenesiget siget kwarugwi nap kit imiri mbarak pidnak wene kenaru nap min Parisi nap min wa-e. O, kenabuwa-o! Kit-nen-e kinidmbe nde kinpiring nde ombol nggwe mondok kona matli-t nde, arem nggwe-ge yariya ap enarengge mengga wanugwi min kit kondomok ukwe ukwe yugwi min-nen kobong tak worasu-o.

MATIUS 24:49

at-nen-e yabu misiget erep wanugwi anggamirak ereba na linggamburok ondosolat, anggut engen amburu ndonggosa nunggwi nap inmin-e nasolat, yi nasolat worasoma-ge,

LUKAS 1:15

Nagawan Indo-nen la na yik kasolar-e, ap nggulok irit ma-o. At iri-ge anggut engen amburu min inndi nden kaso yi erep min mondok nujwa bug-o. At iri ndesa mbosola-net Konak Indi-nen arem kobong yidnak irit wolma-o.

LUKAS 11:13

Nde, kir-e meya yugwi nab-et nde, konak mende-t kinlirak wok undugwi irir-o. Iri ala-ge, Nineid aid arem woraso-nen-e at eram Konak Indi nggi yuwa nab-e mondok wog-et unduwa-o” luk yij-o.

LUKAS 12:45

Alat nde, ndegel oboso nap na-nen-e: ’Neid iri-ge lobok yigit lag-et yusu yu-ge’ perasoluk, ndegel ubugwi nap kwami min ap min erep na ondosolat, nunggwi mende nasolat, anggut engen amburu ndonggosa nuruk, indi wawa luk worasoma-ge,

LUKAS 21:34

Yuruk, Yesus-nen yosolar-e: ”Kir-e kinndi-ge nunggwi mende nggok sakwi min enanggul nden kaso yi ndonggosa nunggwi min nak ebem pogolat, kit-nen kwarurak mende nak kunmud kagolat woragolar-e, kir-e lid lud tak pigit lak worakmu mimo wok yimin-o luk kir-e mondok kwil kwalsa wolmer-o.

YOANES 2:10

yak tosolar-e: ”Ap pidsa-nen-e anggut engen amburu undu konak mende-ge nandug-et tembesa mak unduruk, inmbitsa nuruk woragola-nen we meya nggal-e abok nggwe-nen tumburugwi-o. Alat nde, anggut engen amburu undu konak yu-ge kar-e parugu woraigendik, yanem-et mak nundusu-o!” luk yak tij-o.

YIDNAK YIDNAK WENE 11:24

At Mbaranabas iri-ge konak nap, nde, Konak Indi-ge arem kobong tak pidnak nap, nde, Yesus ebem indi angin tuburak woraso me, ap kwarat Nagawan Indo eram lesa inpil mborosolat woragaij-o.

OROMA 13:13

Nit-nen-e o lengge-nen kwarugwi konak irit kwarogolat wolmog-o. Meya kwarurak pem nggok sakwi min anggut engen amburu ndonggosa nunggwi min kwami terak ye unpugwi min meya kwarurak nak inndi yugwi min yig pugwi min enlengen ale yugwi iri oboksa-ge kwarurak pug-o.

1 KORINTUS 11:21

Nunggwi mende nonggolar-e, it ondomok tak-nen unmburu-ge nili-o. Iri nggal kwarogolar-e, ap ereb-e nere woragolat, ereb-e amburu ndonggosa nuruk enanggul nden kasolat kwatli-o.

1 KORINTUS 5:11

An yak kindigi na-ge, ap misik-nen-e: ”Kerisut ebem an-e kanggam-nen yusu-o” luk yosolar-et nde, mbabi kwarosolat, indi meya yosolat, kugi erembel wanosolat, ap onpok posolat, anggut engen amburu ndonggosa nasolat, enesiget yosolat, iri nggal kwaroso imin nde yigi-o. Iri nggal kwaroso imin-e nunggwi mende erep mondok norak pug-o.

1 KORINTUS 6:10

yariya wanugwi min inndi meya min anggut engen amburu ndonggosa nunggwi min ap onpok pugwi min ap enmberam lagwi min-e Mbal Pem Nagawan-nen tenagaidnak wi-ge winde yuwa bug-o.

1 TESALONIKA 5:7

Ap nene yogolar-e, kubu-n nene yugwi-o. Nde, anggut engen amburu ndonggosa nuruk, inndi wawa yogolar-e, kubu-nen inndi wawa yugwi-o.

TITUS 1:6

Ogore yidnak nap iri-ge ebem ambut lak nap, kwe misiget un ala, ilirak na mondok inndi angin tubu yidnak ala, ilirak na mondok mot mot kwarugwi me, onpok pugwi buk ala, ap iri nggal nak mendak unpurag-o.