EPESUS 5:16 - Nanduk Ngget Tul Pidnak Wene

¹⁶ ”Yawo ya-ge meya momtak tarem-nen yusu-o” luk, kwarurak tarem worala yat nanongga kwarogolat wolmer-o.

EPESUS 5:16 ပူးပေါင်းရင်းမြစ်များ

NDAK WIRIDNAK WENE 29:7

Yogolikma, Yakup-nen yak ondosolar-e: ”Kir-e wam mayak pugwi ndak ndag-e awo worala, o lengge-t yu-ge noluk-nen mayak pili-o? Kir-e noluk-nen wam-e yi kenangga mak turuk, tusuangge na tuguruk nujwakluk keya bili bug-o?” luk yak indij-o.

NDAWI ENGGA 37:19

Angin worak mende enpem lobok yuwa tarem-e ir-e andi bandi kujwa bug-o. Nogoro ennggendumu mbud ma tarem-e mondok ndak irit wolma-o.

AID WENE YOSO NAP 11:2

Korol erem wolosolar-e, nin me nan me ereba me posolat, kwarat tu nin tak nan tak kore yosolat kamawi kundurag-o. Nde, ap-nen-e enpem mboso mende enpem mbigit lak ma-net awo ma lid lud tak puruk woragwi-o.

AID WENE YOSO NAP 12:1

Anggun panggun nak kagolat wolmomtak tarem olengen awo wok yigit lak ma kunsujwe woragolat ereya bem-net Ndak Worak Kinpid Nab-e kinndi yebet yebet tak wolmer-o. Nde, ereya tarem nde wok marig-e: ”An-e nalen pem-e mondok worasu bug-o” luk yugun-o.

AID WENE YOSO NAP 9:10

Kat abog-e ap watluk ndok wurugwi sa mburugun-o. Nde, iri me-ge yebet kagwi min yabu min enaru yugwi mende min inndi tenggerak woragwi min-e watluk ndok wurugwi sa-ge lak me, kat-nen yabu oboksa wanosolar-e, kamawi min-et wanosolat nak wolmomtag-o.

NDANIEL 2:8

Iri yogola kuluruk, nagawan iri na-nen yosolar-e: ”Kit-nen kwatli iri an-nen yebet keneyasu ndak ndag-et kwatli-o. An-nen nabi kagi iri na kit-nen yak nirigit lak ala karuk, an-nen kit oboksa kenpem angin worak mende mberak posolar-e, misiget erep ndak ndak nak kenpem mberak purak ala karuk, kenpe-net kunduwa naru tu kore yogolat lit kuruk mot tak pil mbitli-o. Kir-e an-nen kwarurak yemnak pigi iri na lak tak puwokluk, wene mbarak puruk, kennesiget nemberam lagolat an nimin keyari keyari rak pili-o. Iri ala-ge, ndag-et nak kir-e an-nen nabi kagi ebe-ge iri nggal-o luk para-t yuwa-o luk pereyek-nen kit-nen nabi kagi iri-na yak nerer-o” luk yak indij-o.

AMOS 5:13

Kit-nen iri kwatli iri bem-e meya iri nggal kwarugwi tarem me, indi nggat nggat worak nab-e indiyabu nak wolmomtak iri-ge ndag-o.

MATIUS 25:17

Iri nggal-et at tol mberen wanid nap na wene worosola-ge, orol na konogolar-e, tol mberen mbi nambena wanij-o.

YOANES 12:35

Yak togolikma-ge, Yesus-nen it yak ondosolar-e: ”Yaya iri-ge marig-et tarem nak kinmin wolma-o. Ndamug-e kendam mbuma naru, yaya kinmin worala ereya-t yaya na bem waring kagolat wolmer-o. Nde, ndamuk arem waring kaso nab-e ngge me nde mburusu-o luk kabag-et waring kaso-o.

OROMA 13:11

Yawo worali-ge kir-e kali me, wene yu-ge kwara kwarogolat wolmer-o. Nde, iri-ge kit nene yugwi na kunluk momtag-e abu panggo yij-o. Nde, nandug-et ninndi angin tubu yige tarem-e ninmiri yurak panggorag-e lag-et nde, yawo-nen perak nde, ninmiri yurak tarem-e panggo yij-o.

1 KORINTUS 7:26

An-nen perasolar-e, yawo ya tarem-e anggun panggun worasu me, yu nggal wolmomtag-e ob-o. Ab-e worasu iri nggal-et wolmomtag-e konag-o luk perasu-o.

NGGALATIA 1:4

Kerisut-nen-e nit meya yidnak pem yawo worasu nggweyak ma meya yu me-nen wisirik nenpeyeklug-e ar-e ondomok iminep wisirik pamu-o. Iri kwarosolar-e, Nineid Mbal Pem Nagawan indi-n pidnak ndak ndag-et kwarij-o.

NGGALATIA 6:10

Iri bem-e, nir-e ap oboksa konak tak unpurak worala ya-t nanongga konak tak onpogolat wolmomtag-o. Nde, mondok konak tak unpurag-e, totno ninndi angin tubu yidnak pem-nen nonowe nonowot tak inpidnak nap irit konak tak unpuwog-o.

EPESUS 6:13

Iri bem-e, kir-e Mbal Pem Nagawan-nen idnak wim puwokluk yurugwi mende oboksa yerer-o. Iri yurugup pem-e, meya mom tarem iri wok yosola-ge, mamak puruk woragolar-e, wim tembesa keya buruk, mondok tugup lag-et woragub-o.

EPESUS 6:15

lambuksa woragwi aid wene iri yil mbururak pem kinndi lid lud tak pidnak iri-ge kunuwok sum nggal yutluk, wolmer-o.

KOLOSE 4:5

It inndi angin tubu yigit lak nap inmin-e kinndi-n yebet karuk-net kwarurag-o. Kit kinmin woragola tarem iri-ge nanongga-nen yusu-o.