EPESUS 5:15 - Nanduk Ngget Tul Pidnak Wene

¹⁵ Iri bem-e, kit-nen kwarogolat woragwi mende-ge kinndi kwara mbenarogolat wolmer-o. Wid-nen kwarugwi nggal kwarurak pug-o. Are, inndi nggat nggat worak-nen kwarugwi nggal kwarogolat wolmer-o.

EPESUS 5:15 ပူးပေါင်းရင်းမြစ်များ

AYUP 2:10

Yosoloma, Ayup-nen onggo yosolar-e: ”Kar-e inndi lak-nen yugwi nggal yusu-o. Nit-nen-e Mbal Pem Nagawan-nen konak mende wok nindidnak nak wanogolat, nde, meya wok nondosola-ge, keya burag-a?” luk yak tij-o. Nde, Ayup iri-ge andi bandi nggok ebem mbij-et nde, at-nen-e Mbal Pem Nagawan imin sirid mbarurak wene mbi mondok yak tigit lag-o.

NDAWI ENGGA 73:22

an-e wid yebet kagit lak, wam nggal kat keram nde woragi-o.

MBIRIGA WENE 23:13

Nagawan Indo an-nen yak kindigi wene-ge kwara yebet ker-o. Kir-e Mbal Pem Nagawan nin mbi erembel wanurak pug-o. Mondok unnu anggambut tet yurak pug-o” yij-o.

NGGOMO WENE 15:21

Wid-nen kwarugwi mende iri-ge wene tarugwi nap-nen-e enalen kagwi-nen yusu-o. Nde, inndi worak nap-nen-e mot mor-et kwarugwi-o.

MATIUS 10:16

”Yu nde ker-o. An-nen wirik konposolar-e, lomba wam-e ndakngge enggendumu wirik pugwi nggal wirik kunpusu-o. Iri bem-e, kir-e kinndi tenggerak waro nggal woragolat, kinndi yanggonak towe merpati nggal woragolat mer-o.

MATIUS 25:2

Mborogolar-e, it lima-ge inndi lak woraiga-o. Nde, it lima-ge inndi nggat ponok tak woraiga-o.

MATIUS 27:24

Iri yogola karuk, Pilatus-nen yik kasolar-e, wene yurag-e meya ala karuk, nde it nari wari mburak ala karuk, at-nen-e yi waga ap kwarat ereba na inmbiri bem at inggi yi marosolat-nen yosolar-e: ”Ap yu na eyabi-ge an nebem-e lag-o. Kit kenpem-o” luk yak indij-o.

MATIUS 27:4

Mberarik, at-nen yosolar-e: ”An-e mondok meya yigirig-o! Ap mondok meya yoso bug-et nde, at wuruwakluk wesel indigi-o!” luk yij-o. Yosoloma-ge, it-nen wene erep nggarogolar-e: ”Nde, iri-ge nit nenpem nde kasu-a? Kat kondomok kebem-net yusu-o” luk yiga-o.

MATIUS 8:4

Alama-ge, Yesus-nen at yak tosolar-e: ”Kat kwat kibidnak yu-ge ap mondok yak undurak pug-o. Are, tepan ombo eram mburugundik, ambut tak kibidnak iri nuk kasola-ge, ap pidsa-nen ’Ndemeret ki yamu-o’ yuwakluk, Musa-nen yidnak yidnak kwarosolar-e, Mbal Pem Nagawan amanggim pugwi mende irit pi-o” luk yak tij-o.

LUKAS 24:25

Yogolikma-ge, at-nen it yak ondosolar-e: ”Kir-e ndemeret wid-nen yili-o. Mbal Pem Nagawan ene lomboksa yugwi nap-nen yidnak wene oboksa bem kinndi kwara angin tubu yigit lak yu-ge ngge-o!

1 KORINTUS 14:20

Nanggamirak wa-e. Kit-nen yebet kagwi-ge li marik-nen yebet kagwi nggal yebet kudtak pug-o. Meya kwarugwi bem-e li marik nggal kwat yer-o. Alat nde, kit-nen yebet kagwi bem-e kinndi amburu mbarak wolmer-o.

NGGALATIA 3:1

Wid inndi worak Nggalatia nap wa-e! No mende kenarem nggwij-o? Yesus Kerisut na e lang pang tak pem wat yidnak wene kinmbiri bem nam-et yak kindidnak nar-o!

NGGALATIA 3:3

Kir-e noluk-nen wid nggal yili-o? Konak Indi bem-net tel kwirigeb-et nde, yawo-ge nggweyak ma nap-nen kwarugwi bem-nen worok tak pugub-a?

EPESUS 5:2

Kerisut na-ge nit nenabuwa kagaid nggal, iri nggal kir-e ap enabuwa kagwi elem pem-et waring kagolat wolmer-o. Kerisut-e nit nenabuwa kasolar-e, nit nenmanggim at-nen at ondomok indi wisirik posolar-e, Mbal Pem Nagawan indi alen tak poso emben konak mende nggal luk, at eyabi Mbal Pem Nagawan amanggim pij-o.

EPESUS 5:33

Irit nde, wene iri-ge kit kinmin yidnak-net yusu-o. Kit kenambik kenabuwa kali nggal, kit kondomoktak-nen konkwerak enabuwa ker-o. Nde, ogwe-nen-e at un kek tak ubuwag-o.

PILIPI 1:27

An lobok yimindik-nen-e keneyasolat, nde, lobok yigit lak-nen-e konpok kolosolar-e: ”It inndi tugup lak luk, it inndi misiget luk lambuksa woragolat, inndi angin tubu yugwi aid wene amanggim enmawi kundili-o” luk konpok kuleyek-nen kit-nen yi kwatlik ndi kwatlik kwarogolar-e, Kerisut-nen idnak aid wene iri na-nen yidnak ndak ndak nak kwarogolat wolmer-o.

KOLOSE 1:9

Iri bem-e kit konpok kulige kuri-nen yawo kuri-ge nir-e pempa kit kenmanggim tepan-e kundugu yili-o. Kit kenmanggim Mbal Pem Nagawan emengen mbarogolar-e: ”Kat kindi-n pidnak parosa enaru makluk, inndi tenggerak elem oboksa min ndemeret yebet kagwi elem min wok indi-o” luk emengen mbatli-o.

KOLOSE 4:5

It inndi angin tubu yigit lak nap inmin-e kinndi-n yebet karuk-net kwarurag-o. Kit kinmin woragola tarem iri-ge nanongga-nen yusu-o.

1 TESALONIKA 5:15

Nde, meya kwarurak pem ap-nen onggo onggo kwaruwa naru, kwara wolmer-o. Kit kennggamtak inmin konak nak wolmomtak pem na irit, ap pidsa inmin konak nak wolmomtak pem na irit, pempa kenmawi kondogolat wolmer-o.

1 TIMOTIUS 6:9

Alat nde, ”Ninsilobulo worak nap yuwog-o” yugwi nab-e it inndi ngaroso mende bem-nen wosa mbogolat, kere ma ngonok yogolat, ebe lak mende, meya rak onposo mende irit ukwe ukwe yili-o. Iri mende-nen-e ap abapno rak onposolat, ap lak tak onposolat yoso-o.

IBERANI 12:25

Iri bem-e, wene yak kundusu nap-nen yidnak wene iri-ge ”Kulimin pug-o” luk yugup naru, kwil kwalsa womer-o. Nggweyak ma yu me-nen Mbal Pem Nagawan-nen yidnak wene yak ondogola, ”Kulul pug-o” luk yiga nap ereya-ge at inggem-nen mengga mbirigit lak nar-o. Nde, nit-nen na irit aid arem-nen wene mberak pil mbuwasu iri na kuligit lak keya bogola-ge, nggesa-nen at inggem-nen mengga mburul-o? Mondok meya-o.

YAKOBUS 3:13

Kit kennggendumu ap mbi indi tenggerak, indi nggat nggat worak mbi worala-ge, at-nen woraso abage konak iri na bem-nen nam tak posolar-e, konak nak kwarosolar-e, indi teberak, indi nggat nggat worak irit kwarosolat wolmag-o.

1 PETERUS 1:22

Kir-e Mbal Pem Nagawan-nen yidnak yidnak nak kwarogolar-e, kit na kit-net mat koragolar-e, Kerisut ebem inndi angin tubu yidnak nap ndemeret enabuwa kali-o. Nde, kinndi min-net nabuwa kabuwa yogolat wolmer-o.

NAM PARA WENE 19:10

Iri yosola, an-e aid nap na eralu mbud luk, at erembel waneyekluk yigi-t nde, at-nen yak norosolar-e: ”Lag-o. An nerembel wanurag-e lag-o! An na at ndegel oboso nap Mbal Pem Nagawan-nen yidnak wene Yesus-nen yak kindidnak wene tena woragwi nap kat kanggamirak inmin iri nggal-net yusu-o. Mbal Pem Nagawan nak erembel wani-o!” luk yak nirij-o. Nde, Yesus-nen nam tak pid ndemeret wene iri-nen-e Mbal Pem Nagawan ene lomboksa yugwi nap mirik onposo-o.