EPESUS 4:6 - Nanduk Ngget Tul Pidnak Wene

⁶ ab-e ap oboksa Ineid Mbal Pem Nagawan na misiget-net yusu-o. At iri na-ge yi mende ndi mende pidsa ombol pem kek tak woraso Mbal Pem Nagawan yilik, yi mende ndi mende pidsa ebem woralik, yi mende ndi mende pidsa arem woralik yusu-o.

EPESUS 4:6 ပူးပေါင်းရင်းမြစ်များ

NDAK WIRIDNAK WENE 14:19

Abaram na imbiringgat tak obosolat-nen yosolar-e: ”Mbal Pem Nagawan Mondok Kek tak mbal min nggweyak min ndak worak pid iri na-nen Abaram kimbiringgat tak kubuwag-o!

NDAWI ENGGA 95:3

Nagawan Indo iri-ge Mbal Pem Nagawan mondok kek tak-nen yusu-o. Ar-e nagawan mondok amawi worak, erembel wanugwi mende oboksa ombol pem kek tak-nen yusu-o.

YESAYA 63:16

Kar-e nit nineid-net yusu-o. Abarakam min Yakup min-e nir-e enaru bug-et nde, Nagawan Indo wa-e. Kar-e nit nineid, o nanduk ereba-net nit ninmiri yoso-nen yusu-o.

MALEAKI 2:10

Nit oboksa nineij-e misiget nak-nen yusu-o. Nit oboksa Mbal Pem Nagawan misiget iri na-nen ndak worak ninpidnak-nen yili-o. Iri ala-ge, nir-e noluk-nen nir-e nennggam min-e ”Iri nggal kwarul-o” luk urul pidnak ereba na kwarigit lak yil lobok yogolar-e, Mbal Pem Nagawan-nen nit nonmborak inmin urul pid ereba na iri nggal-et ninsili rak pili-o.

MATIUS 6:13

Nit ninndi ngaruwakluk keya nunpurak pug-o. Are, Sere inggem-nen ninmiri yi-o.

MATIUS 6:9

Kit-nen tepan yogolar-e, yu nggal yurag-o: Nit Nineid aid arem woraso wa-e. Kat kunu-ge kek tak irit wolmag-o.

YOANES 14:23

Yosoloma-ge, Yesus-nen at yak tosolar-e: ”An nabuwa kaso nap-nen-e an-nen yidnak yidnak nak kwaruwa-o. An Neid-nen-e at abuwa kasolat, nde, an Neid nenmbereg-e at eram lobok yulndik, at imin wulmul-o.

YOANES 17:26

Kat-nen an nabuwa kaso elem na it enarem worasolat, an na it enarem worasolat makluk, an-nen kat kunu mirik onposo-o. Nde, iri nggal-et kat kunu-ge mirik onposolat woramin-o” luk yij-o.

YOANES 20:17

Yosoloma-ge, Yesus-nen kwe na yak tosolar-e: ”An Neid eram awo lagit lak me, an tena nubusu meyog-o. Are, an nowosirak endam mburugundik, an-nen yidnak wene yu yak ondosolar-e: ’An min kit min Nineid Mbal Pem Nagawan na eram-et lasu-o’ yij-o luk yak undugun-o” luk yak tij-o.

OROMA 11:36

Nde, yi mende ndi mende pidsa-ge at nak-nen ndak worak posolat, at-nen nak yidnag-o, nde, at amanggim nak worasu-o. At unu-ge kek tak irit woralik nalik mag-o. Amen.

1 KORINTUS 12:6

Yabu wanugwi mende-ge arik tik arik tak worasu-t nde, Mbal Pem Nagawan misiget iri na-net ap pidsa enpem nggwe-nen pidsa wanusu-o.

1 KORINTUS 8:6

nit nenmanggim-e Nineid Mbal Pem Nagawan misiget nak, yi mende ndi mende pidsa ndak wirid nap, at ariget nak worasu me, at amanggim-e nir-e worali-o. Nde, nit nenmanggim-e Nagawan Indo misiget nak, Yesus Kerisut iri-ge yi mende ndi mende pidsa ndak wirid nap at ebem-et nir-e worali-o.

2 KORINTUS 6:16

Mbal Pem Nagawan uwi min kugiwak min erep kundik wolma, lak? Nde, nir-e uruk nak woraso Mbal Pem Nagawan uwi-nen yili-o. Mbal Pem Nagawan-nen yosolar: ”An-e it inmin woralat, it ennggenggerak woralar-e, An-e it Enmbal Pem Nagawan kwat yosolat, Nde, ir-e an nelem nab-et kwat yogolat ma-o” luk yij-o.

EPESUS 1:21

Kerisut na iri me kek tak ibidnak worasu-ge, pemerinta nagawan min amawi worak nagawan min enmawi yugwi nagawan min nagawan-nen tenagaidnak wi min unnu worak nagawan nagawan min yawo worali na irit, abok wolma nap na irit, it oboksa-ge teberak woragola, terak minik ombol pem kek tak woraso-ge Kerisut irir-o.

EPESUS 2:22

Kerisut ebem-net kit na irit, it erep inmin wok kunpuruk, Konak Indi ebem Mbal Pem Nagawan woraso uwi irit wurusu-o.

EPESUS 3:17

it inndi angin tubu yidnak pem Kerisut-e it inndi arem wolmag-o” luk kenmanggim tepan yoso-o. Kir-e ap enabuwa kagwi elem iri na bem kenmengen kwen yogolat, iri bem na tugup lak woragolar-e,

EPESUS 6:23

Nineid Mbal Pem Nagawan min Nagawan Indo Yesus Kerisut min-nen wok ondoso lambuksa woragwi elem min ap enabuwa kagwi elem min inndi angin tubu yugwi elem min-e nennggamirak oboksa inmin wolmag-o.

TUGURUK YIDNAK WENE 6:4

Isarael nap wa-e. Kwara koler-o. Nagawan. Indo-ge nit Nenmbal Pem Nagawan, Nagawan Indo misiget iri nak worasu-o.

1 YOANES 3:24

Nde, Mbal Pem Nagawan-nen yidnak yidnak kwarusu nab-e ar-e Mbal Pem Nagawan arem-et worasu-o. Nde, Mbal Pem Nagawan na at arem worasu-o. Nde, Mbal Pem Nagawan-e nit nenarem worasu iri-ge at-nen wok nindidnak Konak Indi nenarem worasu iri bem-net nenaru yili-o.