EPESUS 4:32 - Nanduk Ngget Tul Pidnak Wene

³² Are, kit na kit-net nanggau kanggau yogolat, kinndi yanggorak wolmer-o. Mbal Pem Nagawan-nen Kerisut ebem kit meya yidnak amberam tak puruk urugom tak kinpid nggal, iri nggal-et kit na kit-net meya rak kinpidnak ala-ge, ”Ob-o. Ereba mag-o” luk yanggosa keya burag-o.

EPESUS 4:32 ပူးပေါင်းရင်းမြစ်များ

2 SEMUEL 7:21

Kat kondomok kindi-nen: ’Irit kwareyeg-o’ peraruk, urul pigen pem-et ndegel koboso nap mul norosolar-e, kat-nen kwaroso mende kwiye worak ereba kwat nibigen-o.

NDAWI ENGGA 112:9

At arengge-ge we irit insilobulo lak nap tembesa wok undusu-o. Ar-e pempa konak nak kwarosolat me, at nak mondok kek tak obogolat wolma-o.

NDAWI ENGGA 145:9

At iri-ge ap enariktak inmin-e indi konak nak yoso-nen yusu-o. At-nen ndak worak pidnak oboksa enabuwa yoso-nen yusu-o.

YEREMIA 38:12

Nde, Ebet-melek-nen yak norosolar-e: ”Sum umbuk mberak pil ngguwaige ereba na-ge kere-nen kaboro turuk tak puwa naru, kere mak mak karing lapmu purag-o” luk yak nirij-o. Yosoloma, an-e Ebet-melek-nen yak nirid iri na-t kwarigi-o.

MATIUS 6:12

Ap-nen nit meya rak ninpidnak na nenmberam tak pili nggal, kat-nen na nit meya yidnak kamberam tak pi-o.

MARAKUS 11:25

Nde, kit-nen tepan yuwokluk yukmu, ap-nen meya rak kinpidnak pem kinndi puru yidnak mbi worala-ge, Kineid aid arem woraso-nen kit meya yidnak amberam tak puwakluk, kit-nen na meya rak kinpidnak iri-ge kenmberam tak per-o.

LUKAS 1:78

Nde, nit Nenmbal Pem Nagawan-e indi konak, enabuwa kaso me, nit ninmiri yeklug-e, o kuplila molengen kona pil wasu iri nggal lobok yij-o.

LUKAS 11:4

Ap-nen meya rak ninpidnak nenmberam tak pili me, kat-nen na nit meya yidnak kamberam tak pi-o. Nit ninndi ngaruwakluk keya nunpurak pug-o’ ” luk yij-o.

LUKAS 17:4

O misik pem nag-et nde kanggam-nen nde tuju bem-et meya rak kuburuk, tuju bemet kat keram lobok yosolat-nen ’Nab-o. Kat kimin meya yigi-o’ luk yosola-ge, at meya yidnak kamberam tak purag-o” luk yak indij-o.

LUKAS 6:35

Lag-o! Kir-e kunuwim nap enabuwa kagolat, it inmin konag-et kwarogolat yugup na-e. Kunuang luru wok unduruk, uwi yagurak yebet kudtak pug-o. Iri kwarugup ala-ge, onggo nggulok wanogolat, Kek tak Woraso Mbal Pem Nagawan ilirak kwat yugub-o. Mbal Pem Nagawan-nen-e wa yugwi buk nap min meya yugwi nap min-e enabuwa nak kaso-o.

LUKAS 6:37

Yuruk, at-nen yosolar-e: ”Mbal Pem Nagawan-e kit kenpem wene mbaruwa naru, kit-nen ap enpem wene mbarurak pug-o. Nde, Mbal Pem Nagawan-nen kit meya yidnak onggo kenpem puwa naru, kit-nen na it nin meya yidnak onggo enpem purak pug-o. Mbal Pem Nagawan-nen kit meya yidnak amberam tak puwakluk, kit-nen na nin nap meya yidnak kenmberam tak per-o.

YIDNAK YIDNAK WENE 28:2

Iri me woragwi nab-e wa kwarat yak nunduruk, talme mbosolat me, toro ala karuk, nenmanggim kan maburuk, nit pidsa wok ninpiga-o.

OROMA 12:10

Enambik onowe onowot enabuwa kagwi nggal nabuwa kabuwa yogolar-e, kit na kit-net kek tak pegerak mbogolat wolmer-o.

1 KORINTUS 13:4

Ap enabuwa kagwi-ge indi mamak puruk woraso min ap inmin konak nak yoso min-nen yusu-o. Ap enabuwa kagwi-ge erengen ale yoso buk, indi kek tak puruk, ambik erembel wanoso buk-nen yusu-o.

2 KORINTUS 2:10

Kit-nen nde ap misik-nen meya yidnak kenmberam tak pogola-ge, an-nen na nemberam tak pimin-o. Nde, an-nen nde ap meya yidnak nemberam tak posola ge, – an-e nemberam tak purak mbi mondok worala-ge – iri-ge kit kenpem ala Kerisut inmbiri bem-et nemberam tak pimin-o.

2 KORINTUS 2:7

Yawo-nen perak nde, kit-nen-e at iri na kunlugom tak puruk, at indi abi-nen wat kurujwa naru, at indi yungunugup na-e.

2 KORINTUS 6:6

Nit-nen kwarugwi-ge yu nggal-o: Ninndi mbek tak pem na, nenaru yidnak pem na, ninndi mamak puruk woragwi bem na, ninndi lubug-et kwarugwi bem na, Konak Indi nit nenarem worasu bem na, ndemeret ap enabuwa kagwi bem na,

EPESUS 5:1

Nde, kir-e Mbal Pem Nagawan ilirak kenabuwa worak-nen yili me, at-nen kwaroso nggal-et kwarer-o.

YAKOBUS 5:11

Ir-e mamak puruk woraidnak me, ir-e imbiringgat-nen yili-o luk nir-e yugwi-o. Ayub-nen mamak puruk woragaij-e kir-e kulugwi nar-o. Nagawan Indo iri-ge mondok enabuwa kaso, indi konak me, abok nggwe-ge Ayup na imbiringgat tak pid iri-ge kenaru nar-o.

2 PETERUS 1:7

Nde, Mbal Pem Nagawan-nen kwaroso nggal kwarugwi na lombok tak pogolar-e, konowe konowosi enabuwa kagwi na lambuksa waner-o. Nde, konowe konowosi enabuwa kagwi na min lombok tak pogolar-e, ap pidsa enabuwa kagwi elem lambuksa waner-o.

1 YOANES 1:9

Mbal Pem Nagawan-e mot mot nak, ndung tak na kwaroso me, nit-nen meya yidnak para yak togola-ge, nit meya yidnag-e at amberam tak puruk, nit meya yugwi mende pidsa marak nunpuwa-o.

1 YOANES 2:12

Nilirak wa-e. Kerisut unu bem kit meya yidnak amberam tak pidnak me, engga yu mbal kundusu-o.

URUT 2:20

Naomi-nen yosolar-e: ”Nowor-o. Ap iri-ge nit winder-o. Nit yongga nunduwa nab-e irir-o. At iri-ge Nagawan Indo-nen imbiringgat tak ubuwag-o. Nde, Nagawan Indo-ge unluk worali na irit wat yidnak na irit kwat kinpimin-o luk urul yak undurug-e, urul yak indidnak iri na ndak ndag-et kwaroso-nen yusu-o” luk yij-o.