EPESUS 4:28 - Nanduk Ngget Tul Pidnak Wene

²⁸ Nde, yariya wanoso nab-e tuguruk yariya wanurak pug-o. Are, at ondomok inggi-nen yabu amawisa wanuruk, konak nak kwarosolar-e, insilobulo lak nap tembesa wok endeyekluk yabu wanosolat wolmag-o.

EPESUS 4:28 ပူးပေါင်းရင်းမြစ်များ

MBIRIGA WENE 20:15

Yariya wanurak pug-o.

MBIRIGA WENE 20:17

Ap misik arengge: uwi min ogwe min ndegel ubugwi min owam min egelerai wam min at arengge mende oboksa min ukwe yurak pug-o” yij-o.

MBIRIGA WENE 21:16

Ta-nen nde ap misik kuraga wanuruk, ap enpem onggo wanuwama ala na, irit eram ama worasola na irit, ap iri kwaridnak nap iri-ge mondok wururag-o.

NGGOMO WENE 13:11

Yi mende ndi mende we ndag-et nak ndok witli iri-ge ndag-et nak tuguruk ondoro yoso-nen yusu-o. Nde, misik tarem-nen misiget, misik tarem-nen misiget ndok witli iri-ge abog-e kwarat yosolat, silobulo ombo yugwi-o.

NGGOMO WENE 30:9

Nde, an nde yi mende ndi mende ombo woralar-e: ”An-e abu mondok ndak worasu yu-t nde, no manggim-nen Mbal Pem Nagawan ukwe yimin-o?” luk nde yimin kwat ma-o. Alat nde, an-nen nde nisilobulo lak weralar-e, an-nen yariya wanosolat, Mbal Pem Nagawan kat kunu-ge emben to rak pimin nde ma-o.

NGGOMO WENE 31:20

Ar-e ininggem lak nap na wok ondosolat, inndi kabak yidnak nap na indi konag-et yongga ondoso-o.

YEREMIA 7:9

Nde, kir-e yariya wanogolat, ap worogolat, unun onkwe worak inmin meya kwarogolat, kenesiget ”Iri nggal kwarosola kagi-o” luk owak mbarogolat, Mbaal kugwi amanggim pogolat, kit-nen kenaru buk kugwiwak ereba na erembel wanogolat kwatli-o.

OSEA 4:2

Ir-e ’Irit mul-o’ luk owak mbatli-t nde, owak mbaridnak iri na ndak ndag-e kwatli bug-o. Ir-e ennesiget yogolat, ap worogolat, yariya wanogolat, mbabi kwarogolat, yi meya ndi meya kwarat kwarogolat, ap nak ebem lud lud wat tenak woragolat worali-o.

LUKAS 19:8

Nde, Sakius ama nggwigarik woragolar-e, Sakius na men luk, Nagawan Indo yak tosolar-e: ”Nagawan Indo wa-e. An narengge pidsa erep menggesa ereb-e insilobulo lak nap tembesa wok indimin-o. Nde, an-nen onmbol pem laruk enarengge wanidnak nap na enarengge uwi yak ondosolar-e, ondolmasa empat pem wok indimin-o” luk yij-o.

LUKAS 3:8

Meya kwarugwi keya buruk, kondok luk-nen kwarugwi mende mbi nam tak per-o! Kir-e: ’Abaram iri-ge nit nonmbo-nen yusu-o’ luk yurak pug-o. Yak kendeyeg-o: Mbal Pem Nagawan-nen-e kerep yeba bem-nen Abaram-nen wigarak nap nggal kwasa ndak wat unpurak na ndak-net yusu-o!

YOANES 12:6

Iri yid iri-ge, insilobulo lak nap enabuwa-nen yij-e lag-o. Are, ar-e yariya wanoso alar-e, it ontol tena wolmomtak at inggem pidnak me, ereb-e at wanurak perasolat-nen yij-o.

YOANES 13:29

Yuras iri-ge it ontol tena woraso nap me, it erep inndi-nen peragolar-e: ”Yesus-nen-e nunggwi mende nggulok sagili yu amanggim nunggwi mende mbi onggo pil mburuwakluk-nen yak tusu, lak?” Are, ”Insilobulo lak nap tol erep tembesa wok unduwakluk-nen yusu, lak?” luk peraiga-o.)

OROMA 12:13

Inndi angin tubu yidnak nap-nen ukwe peraidnak mende-ge yongga ondogolat wolmer-o. Ap sal na kinndi mbek tak pem-et kinmin tak unpuruk kenma rak enper-o.

1 KORINTUS 4:12

nit nininggi bem-net yabu kwarat wanogolat yili-o. Ap-nen nde wene meya yak nondogola, nit-nen-e konak wene nak onggo yak indili-o. Ap-nen nde lel mberel nonpogola-ge, nit-nen-e mamak puruk worali-o.

2 KORINTUS 8:12

Kir-e kenalen min-et pugup ala-ge, Mbal Pem Nagawan-nen kit kininggem woraso mende iri ndak ndak irit wanuwa-o. Nde, enarengge lak kagir-et nde, Mbal Pem Nagawan-nen ”Wok niri-o” luk yoso bug-o.

2 KORINTUS 8:2

Andi bandi mende kwarat it enpem mbosolat, inndi kwarat ngarij-et nde, it enalin enalen mondok kwarat kagolar-e, it insilobulo lag-et nde, silobulo-ge kasaba inndi lubug-et pogolat woraiga-o.

NGGALATIA 6:10

Iri bem-e, nir-e ap oboksa konak tak unpurak worala ya-t nanongga konak tak onpogolat wolmomtag-o. Nde, mondok konak tak unpurag-e, totno ninndi angin tubu yidnak pem-nen nonowe nonowot tak inpidnak nap irit konak tak unpuwog-o.

1 TIMOTIUS 6:18

”Kir-e konak nak kwarogolat, konak nak kwarurak nggok tak pogolat, kinndi konak woragolat, kenarengge ap tembet ondogolat wolmer-o” luk nggomo indi-o.

TITUS 3:14

It-nen pempa ukwe peragwi mende na ndak nak wolmakluk, nit nab-e konak nak kwarurak iri-ge mondok kwarogolat wolmag-o. Ir-e we kasabat wolmomtag-e meya-o.

TITUS 3:8

An-nen yak kurusu yu-ge ndemeret wene-o. Mbal Pem Nagawan ebem inndi angin tubu yugwi nap-nen-e ndemeret konak nak kwarogolat wolmakluk, kat-nen wene yu-ge amawi rak purak iri-ge an-e nindingen-o. Iri kwarurak iri-ge ap pidsa enmanggim mondok konak lombok-nen yusu-o.