EPESUS 4:18 - Nanduk Ngget Tul Pidnak Wene

¹⁸ It inndi na ndamuk, ir-e enaru buk woragolat, inndi tulubuk kerep nggal woragwi iri-nen ndowaga ir-e Mbal Pem Nagawan imin kundik woragit lak, nuruk tak woragwi-o

EPESUS 4:18 ပူးပေါင်းရင်းမြစ်များ

NDANIEL 5:20

Alat nde, Nagawan Nebukatnesat iri na indi kek yosolat, wene koloso buk kwat yosolat, isilepma worak erengen lamburak nak kwaroso yosolat, kwarosola-ge, at-nen nagawan woraso iri na-ge lak tak ibij-o. Iri yosola-ge, at-nen nggok kek tak woraso iri na-ge lak yij-o.

MATIUS 13:15

It ap elem yu-ge inndi-ge ebebeyal wat yogolat, it eneyanggo lak lembeng yogolat, iri enlengen muruk tak pili-o. Iri yili iri-ge, it enlengen-nen kul naru, it eneyanggo-nen kulul naru, it inndi-nen yenggerak puruk, kondok yogola, an-nen ki rak unpuwa naru iri yili-o.’

MARAKUS 3:5

Enne lak alama-ge, Yesus na isilepma min lembena keya unpuruk, it na inndi amawi alama karuk, at indi puru agaij-o. Yurug-e, ap iri na yak tosolar-e: ”Kinggi mbung tak pi-o” luk yak tosoloma-ge at inggi mbung tak pidnggal-e, at inggi na ki agaij-o.

YOANES 12:40

”Mbal Pem Nagawan-nen yosolar-e: ’It-nen an neram lobok yogola, an-nen ki yaga wok indimin naru, it enlengen-nen kujwa naru, it inndi-nen yebet kujwa naru, an-nen it enlengen ngguru rak posolat, it inndi amawi rak posolat yigi-o’ luk yij-o.”

YIDNAK YIDNAK WENE 17:30

It enaru buk woraiga tarem-e Mbal Pem Nagawan-nen we yik nak eneyaruk keya inpij-et nde, yawo-nen-e yi wi ndi wi worali nap pidsa ’Kondok yer-o’ luk yak undusu-o.

YIDNAK YIDNAK WENE 3:17

Nowe nowosi wa-e. Kit-nen na, kit konowerak nagawan-nen na kwarigep iri-ge kenaru buk-net kwarigeb-o luk an-e naru-o.

OROMA 1:28

Ab-e Mbal Pem Nagawan enaru yurag-e insili rak puruk keya bogola-ge, it inndi-ge meya nak peragolat, kwarugwi buk mende kwat tenak woragolat makluk-nen Mbal Pem Nagawan-nen-e keya inpij-o.

OROMA 11:25

Nowe nowosi wa-e. Kit-nen-e: ”Nir-e ninndi nggat ponok tak-net yili-o” luk peragup naru-nen kit kenaru tobok-nen kura wene misik yak kendeyeg-o. Isarael nap ereb-e inndi amawi irit worakmu, enlem nin nap abu ndegera Mbal Pem Nagawan eram wok yogola-net inndi ndeyak ma-o.

OROMA 11:7

Iri ala-ge, no nde yul-o? Isarael nap-nen kore yogolat woraiga mende iri-ge wanigit lak yiga-o. Mbal Pem Nagawan-nen len inpidnak nap wonarak nggal nak-nen perak nde waniga-o. Nde, it erep iri-ge inndi amawi-t yiga-o.

OROMA 2:19

Kit-nen peragolar-e: ”Nir-e enlengen ngguru nap ininggi waruk mborogolat, ndamuk arem worali nap na yaya rak onpogolat,

1 KORINTUS 1:21

Mbal Pem Nagawan indi lid tak elem pem me, ap inndi lid tak elem iri na bem-nen at enaru momtag-e meya-o. Are, nit-nen yili wene, wid wene nggal tak pili yu bem inndi angin tubu yili nap iri perak nde Mbal Pem Nagawan-nen inmiri yurak peragaij-o.

1 KORINTUS 2:8

Nde, iri-ge, indi tenggerak elem iri-ge nggweyak ma nagawan nagawan misiger-o luk tet enaru buk woraikma-o. Enaru woralep nggal-nen-e Unu Kek tak Woraso Nagawan Indo na e lang pang tak pem wirigit lak yeleb-o.

2 KORINTUS 3:14

Ndemeret, it inndi anggat lak nggal woraiga-o. Nde, iri kuri-nen yawo na ir-e nanduk urul pidnak wene engga na kagola-ge, entare lumurak pidnak sum iri-ge worasu-o. Kerisut at nak-nen sum na waburag-e ndag-o.

2 KORINTUS 4:4

It inndi angin tubu yili buk nap inndi erengen-e nggweyak ma yu tena woraso nagawan-nen ngguru rak pidnak me, it-nen-e Kerisut kek tak woraso wene aid wene eyaya na kudtag-e meya-o. Kerisut iri-ge Mbal Pem Nagawan abage worak-nen yusu-o.

NGGALATIA 4:8

Nanduk kir-e Mbal Pem Nagawan kenaru buk woragolar-e, Mbal Pem Nagawan nggal-e lag-et nde, ebe lak kugi iri na ndegel ubugwi nap woraigeb-o.

EPESUS 2:1

Nanduk kir-e wene kuruk tidnak pem-nen na, meya yidnak pem-nen na, wat yidnag-et woraigeb-o.

EPESUS 2:12

Nanduk kir-e Kerisut imin wud tak woragolat, Isarael nap inmin-e kir-e ap sal woragolat, Mbal Pem Nagawan-nen at ilirak wok undurak urul paga yak indidnak wene na-ge kit na wanurak puk na woraigeb-o. Nggweyak ma yu me woragolar-e, kinndi mbung mbung tak na lak, Kenmbal Pem Nagawan na lag-et woraigeb-o.

KOLOSE 1:21

Nanduk kir-e Mbal Pem Nagawan imin nuruk tak woragolar-e, kit kinndi-n peragwi bem-nen na, kit meya yugwi bem-nen na, Mbal Pem Nagawan imin wim mbarak woraigeb-o.

1 TESALONIKA 4:5

Mbal Pem Nagawan enaru buk nap-nen kwatli nggal, mbabi kwarurak inndi peragwi bem-nen kwarurak pug-o.

IBERANI 5:2

Tepan ombo nggulok at na yi mende ndi mende bem ndeyak yoso me, it enaru buk, mborok tak nak kwarugwi nap inmin-e indi luruk puruk woraso-o.

IBERANI 9:7

sum-nen wiridnak wi kuri worak ponok nggwe iri me-ge at tepan ombo nggulok ariget nak, o lengen misiget pem-e misik tarem nak nggosolat woraso-o. Iri me nggosolar-e, lomba wam eyabi wanuruk at ondomok amanggim na, it ap iri-nen-e an-e meya-t nde kwarusu-o luk peragit lak ma meya yogolat woraidnak amanggim na Mbal Pem Nagawan amanggim eyabi poso-o.

YAKOBUS 4:4

Mot mot kwarugwi buk nap wa-e. Nggweyak ma mende imin panggal yili nab-e Mbal Pem Nagawan imin wim nap-nen yili-o luk kenaru bug-a? Iri bem-e, ta-nen nde nggweyak ma mende imin panggal yuwa nab-e Mbal Pem Nagawan imin wim nap kwat yusu-o.

1 PETERUS 1:14

Kir-e Mbal Pem Nagawan-nen yidnak yidnak nak kwarogolat wolmer-o. Nde, kit nanduk Mbal Pem Nagawan kenaru buk woragolat-nen kinndi-nen ukwe ukwe yoso-nen yidnak yidnak kwarugwi na kwarurak pug-o.

1 YOANES 2:11

Alat nde, at anggam isili rak poso nab-e ndamuk arem-et worasolar-e, ndamuk arem waring kasolar-e, ndamuk iri-nen at erengen ngguru rak pidnak me, at mburusu sa na an-e iri me mburusu-o luk yenggerak pusu bug-o.