EPESUS 4:15 - Nanduk Ngget Tul Pidnak Wene

¹⁵ Alat nde, ap enabuwa kagwi elem pem nir-e ndemeret wene puksa tena woragolar-e, yi mende ndi mende bem nir-e Kerisut na ebem iminep mbal mog-o. Nde, anggul-e at-nen yusu-o.

EPESUS 4:15 ပူးပေါင်းရင်းမြစ်များ

NDAWI ENGGA 32:2

Nagawan Indo-nen at meya yidnak wonaroso buk nap min ap enmberam laso buk nap min-e enalen kagolat wolmag-o.

MALEAKI 4:2

Alat nde, kit an-nen yidnak yidnak kwarugwi nap kenmanggim-e kinmiri yurak namawi-ge molengen yeberak pil wasolat nggal yimbirik konposolat, eyaya-nen-e ki rak kunpuwa-o. Iri yosola, kir-e sapi amarik ngget nderak o ma-nen mbepme nak posola, alen kaso ereba na nggal wisirik kenalen pem woragub-o.

YOANES 1:47

Nde, Natanael na Yesus eram lobok yosola karuk, Yesus-nen at imin yosolar-e: ”Ndemeret Isarael nap yu nde ker-o! At arem-e enesiget wene na yoso bug-o!” luk yij-o.

OROMA 12:9

Ap enabuwa kagolar-e, ndemeret kinndi min-et enabuwa kudtag-o. Meya mende kinsili rak puruk, konak mende iri nak tena wolmomtag-o.

1 KORINTUS 11:3

Alat nde, wene yu-ge kit-nen kenaru yurak iri-ge nindingen-o: Ap pidsa enanggul-e Kerisut-nen yusu-o. Nde, kwe anggul-e un-nen yusu-o. Nde, Kerisut anggul-e Mbal Pem Nagawan-nen yusu-o.

2 KORINTUS 4:2

Kuruwaga kwarugwi innggiri rak poso mende iri-ge nit-nen keya bige-o. Nir-e ap onmbol pem lagolat, Mbal Pem Nagawan-nen yidnak wene lugud kagolat yili-ge lag-o. Are, ndemeret wene iri na nam-et yogolar-e, ap oboksa enarem-nen konak nak nenperagola, Mbal Pem Nagawan imbiri bem worali-o.

2 KORINTUS 8:8

An-nen-e ”Iri nggal-et kwarurag-o” luk yak kundusu bug-o. Are, ap erep-nen enmawi min-et yongga undugwi wene na mirik konposolar-e, kit-nen kinndi mbek tak pem-et ap enabuwa kali, lak? luk-nen kinndi ngarusu-o.

EPESUS 1:22

Mbal Pem Nagawan-nen yi mende ndi mende oboksa-ge Kerisut indipma rak puruk, Kerisut na-ge lambuk tak inpidnak nap ennggendumu nagawan nggulok iri rak pij-o.

EPESUS 1:4

Nggweyak yu ndak worak pigit lak ma-net nir-e marak nak wolmakluk, at eram-nen-e ”At yu-ge iri nggal meya yoso bug-o” luk yak nunduwakluk, nir-e at arengge rak nunpurak pem Mbal Pem Nagawan–nen-e Kerisut ebem-nen len ninpij-o.

EPESUS 2:21

Kerisut ebem-nen o iri oboksa-ge obo nesa worosolar-e, obo ndege ndege irit wirik lasolar-e, Nagawan Indo ebem-nen Mbal Pem Nagawan uwi marak irit kwat yusu-o.

EPESUS 4:25

Nit pidsa-ge Kerisut inggi ijok kwat yidnak me, kennesiget wene yugwi iri-ge keya buruk, lud tak wene nak kennggamirak inmin-e yak kerak mbogolat wolmer-o.

EPESUS 5:23

Kerisut-e lambuk tak inpidnak nap enanggul-nen yusu nggal, un-e at ogwe anggul-nen yusu-o. Nde, lambuk tak inpidnak nap iri-ge at ebe-nen yili me, Kerisut-e at ebe Imiri Yoso Nap-nen yusu-o.

1 PETERUS 1:22

Kir-e Mbal Pem Nagawan-nen yidnak yidnak nak kwarogolar-e, kit na kit-net mat koragolar-e, Kerisut ebem inndi angin tubu yidnak nap ndemeret enabuwa kali-o. Nde, kinndi min-net nabuwa kabuwa yogolat wolmer-o.

1 PETERUS 2:2

Nde, kamo nonggolar-e, kenpe nggok yogolat, kinmiri yuwaklug-e, li nggisiya ngget nderak-nen ndemeret kamo nere yili nggal, iri nggal-et kit na ndemeret kamo Mbal Pem Nagawan-nen yidnak wene iri nere kagolat wolmer-o.

2 PETERUS 3:18

Alat nde, we wok ondoso elem wanogolat na, Nenagawan Indo Ninmiri Yoso Yesus Kerisut kenaru yogolat na kit kenarem-e anggam nambek anggam nambek kwarat mag-o. Yawo-nen na irit, woragolat nagolat-nen na irit, at nak kek tak pogolat wolmag-o! Amen.

1 YOANES 3:18

Nilirak wa-e. Nir-e ap enabuwa kagolar-e, we nenemnde bem nak-nen: ”An-e ap enabuwa kaso-o” luk yurag-e meya-o. Are, ndemeret ap enabuwa kagolar-e, nininggi-nen kwarugwi mende bem-net kudtag-o.

WENE MBENARUGWI NAP-NEN KWARIDNAK WENE 16:15

Iri ala karuk, Ndelila-nen yosolar-e: ”Kat-nen an yak norosolar-e: ’An-e kat kabuwa kasu-o’ yak nurusu iri na-ge yawo-ge kombol nggwe nak-nen yoso keyagi-o. Kenan pem-et kerengenma nggal tak nuburuk, yawo-nen na: ’An namawi-ge iri nggal-nen yusu-o’ luk yak nurusu bug-o” luk yak tij-o.