EPESUS 4:14 - Nanduk Ngget Tul Pidnak Wene

¹⁴ Iri nggal yulndig-e, nir-e li marik nggal, yi ombolwak pem abung abung waring kagwi nap nggal, ennesiget yugwi nap-nen mul undugwi wene obube nggal iri-nen puk eneyagwi nap nggal yul-e lag-o. Ennesiget yugwi nap-nen enmberel puruk, ap kabak tak unpugwi-o.

EPESUS 4:14 ပူးပေါင်းရင်းမြစ်များ

YESAYA 28:9

It-nen an nebem ujwa mbarogolat-nen yogolar-e: ”Ar-e tarak mul indimin-o luk perasu-o? Iri-nen at-nen iri nggal-o luk aru yidnak ereba na mul unduwa-ge ta-nen kuluwa-o? At indi-nen-e nit yu-ge li marik nggeret kamo mbarak nggal-nen yili-o luk nenperasu, lak?

MIKA 7:2

Nde, mot mot kwarugwi nab-e it woragwi sa-nen mondok lak yili-o. Nde, tugup lak Mbal Pem Nagawan-nen yidnak yidnak kwarugwi nab-e mondok misik mbi eneyagup pug-o. Nde, ap ondomoktak-nen-e ap wururak pem ondoro terak mbi wok yosola-nen unduwom-o luk yik karok worali-o. Ap ondomoktak-nen ennggamirak enmanggim sabu logo pil lobok yigarik worali-o.

MATIUS 11:7

Nde, Yoanes imin nugwi nap iri na mborogola ereya na-net Yesus-nen ap kwarat iri na Yoanes owene yak ondosolar-e: ”Kir-e no kujwokluk-nen karu me mbirigeb-o? Obube-nen yorowa urugup eregap tak pusu ereba na kujwokluk mbirigep, lak?

MATIUS 24:11

Nde, enesiget Mbal Pem Nagawan ene lomboksa yugwi nap kwarat men yogolar-e, ap kwarat onmbol pem lujwa-o.

MATIUS 24:24

Enesiget siget Kerisut min enesiget siget Mbal Pem Nagawan ene lomboksa yugwi nap min nam marig-e, it-nen-e wi yurak mende min kwiye worak mende min kwarat kwarogolar-e, Mbal Pem Nagawan-nen len inpidnak nap ereba na onmbol pem ludtag-e ndak nggal-e, irit kwatleb-o.

YIDNAK YIDNAK WENE 23:21

Iri yak kuruwa-t nde, it-nen nggi yak korogola-ge, kat-nen-e enne kulurak pug-o. Ab-e empat pulu ombol nggwe nggal at wuruwokluk tulabiyem pak tili-o. Pak tili nap iri-nen owak mbarogolar-e: ’Paulus na wirigit lak woragolar-e, yi min mburu min mondok nul pug-o’ luk yiga-o. Nde, yawo-ge ir-e lid lud tak puruk, kat-nen yugun nak yik karok worali-o” luk yij-o.

1 KORINTUS 12:2

Kit nanduk Mbal Pem Nagawan kenaru buk woragolar-e, kir-e kinndi kwara yebet kagit lak urugup lak kugiwak ambigit nggwe lit kunpuruk mboroso iri-ge kir-e kenaru nar-o.

1 KORINTUS 14:20

Nanggamirak wa-e. Kit-nen yebet kagwi-ge li marik-nen yebet kagwi nggal yebet kudtak pug-o. Meya kwarugwi bem-e li marik nggal kwat yer-o. Alat nde, kit-nen yebet kagwi bem-e kinndi amburu mbarak wolmer-o.

1 KORINTUS 3:19

Nggweyak ma nap inndi tenggerak elem yili na-ge Mbal Pem Nagawan erengen pem-e wid-nen yugwi nggal-nen yusu-o. Mbal Pem Nagawan engga mbarak pem-nen yosolar-e: ”Nagawan Indo-nen-e ap indi nggat nggat worak na ngonok tak obosolar-e, at ondomok indi nggat nggat iri na-net ngonok tak ubusu-o” luk,

2 KORINTUS 2:17

Ap erep kwarat-nen-e Mbal Pem Nagawan-nen yidnak wene iri na bem-nen onggo lesa wanuwokluk wene iri yil waring kali nggal, nit-nen iri nggal kwatli-ge lag-o. Are, Mbal Pem Nagawan-nen wirik ninpidnak pem-e, nit-nen wene yogolar-e, Mbal Pem Nagawan imbiri bem yidnak nggal-et Kerisut ebem-nen wene mot mot nak yili-o.

2 KORINTUS 4:2

Kuruwaga kwarugwi innggiri rak poso mende iri-ge nit-nen keya bige-o. Nir-e ap onmbol pem lagolat, Mbal Pem Nagawan-nen yidnak wene lugud kagolat yili-ge lag-o. Are, ndemeret wene iri na nam-et yogolar-e, ap oboksa enarem-nen konak nak nenperagola, Mbal Pem Nagawan imbiri bem worali-o.

NGGALATIA 3:1

Wid inndi worak Nggalatia nap wa-e! No mende kenarem nggwij-o? Yesus Kerisut na e lang pang tak pem wat yidnak wene kinmbiri bem nam-et yak kindidnak nar-o!

EPESUS 6:11

Sere-nen konmbol pem layekluk kenare posola, mamak puruk, tugup lag-et worabok-nen Mbal Pem Nagawan-nen idnak wim puwokluk yurugwi mende oboksa-t yerer-o.

1 TIMOTIUS 3:6

At iri-ge at ambikpebe kek yosola, Sere ebem ween mbarid nggal, at ebem wene mbaruwa naru, nggeret aid wene wanidnak nab-e mendak purak pug-o.

2 TIMOTIUS 1:15

O Asia woragwi nap pidsa an keya nuburuk ndi yogolar-e, ap Pigelus min Eremogenes min na irit keya nuburuk mbiriga wene kar-e karu nar-o.

2 TIMOTIUS 3:13

Nde, meya yugwi nap min ap onmbol pem lagwi nap min-e meya kwarat ebem lud lud kwarogolar-e, ap onmbol pem lali-t nde, it na enambik onmbol pem lali-o.

2 TIMOTIUS 4:3

Ap-nen-e ndemeret wene kulurak keya buruk, it-nen ukwe ukwe mende na langgal luk mborogolar-e, it kulurak indingen wene yak unduwakluk, nggomo undugwi nap kwarat lesa endam tak purak tarem-e mondok lobog-et yuwa-o.

IBERANI 13:9

Nde, nin wene owak, kwiye worak nggal kwarat yak kondogola-ge, iri wene-nen-e kabak tak kunpuwa naru, kulurak pug-o. Mbal Pem Nagawan-nen we wok ondoso elem-nen-e nit ninndi eyak worak purak perak nde ob-o. Nde, nunggwi mende nunggwi wene-nen yidnak yidnak nak kwariga nab-e ebe mbi kwarigit lak me, iri wene-nen nit ninndi eyak worak purag-e meya-o.

YAKOBUS 1:6

Alat nde, nggi yosolar-e, indi mberen min nggi yurak pug-o. Are, wanimin-o luk indi angin tubu luk-net nggi yurag-o. Nde, indi mberen min-nen nggi yusu nab-e obube puk kil lobok yosolat, yi koma yi nggweyerep nggwayerep lobok yosolat, waruk ponok lel ponok lel waring kasu iri nggal-nen yusu-o.

YAKOBUS 3:4

E koma na irit kinndi yebet ker-o. E koma nggulok pare-t nde, obube amawi-nen wat kaidnag-et nde, mot tak poso abi marik komosa iri na perel kaidnak nggal-e e koma ombo na indi-n pidnak nggwe-t mboroso-o.

2 PETERUS 2:18

Ir-e inndi kek tak pem wene kwiye worak yili-t nde, ebe lak wene yogolar-e, mbabi kwarurak pem ukwe akwe yugwi iri na bem-nen kabak yidnak nap ennggendumu-nen nggeret inndi angin tubu yili nap enare pili-o.

1 YOANES 2:19

Kerisut imin sirid nap iri-ge nit ninmin woragwi na-t nde, ndemeret ninmin kundigit lak me, keya nunpuruk mbiridnak nap-net yili-o. It nde nit ninmin kundik nap nggal-nen-e ndemeret nit ninmin woraleb-o. It iri-ge ap misiger-o luk tet nit nab-e lag-o luk yenggerak puwakluk, nit keya nunpuruk mbiriga-o.

1 YOANES 2:26

An engga mbarusu yu-ge kit konmbol pem lokluk enmawi kundili nap iri wene mbarusu-o.

1 YOANES 4:1

Nanggamirak kenabuwa worak wa-e. ”Konak Indi-ge nit nenarem worasu-o” luk yugwi nap pidsa enpem kinndi angin tubu yurak pug-o. Enesiget Mbal Pem Nagawan ene lomboksa yugwi nap kwarar-e yi wi ndi wi waring kali me, it enpem worasu indi-ge Mbal Pem Nagawan eram-nen lobok yid, lak? luk, kwara lombot purag-o.

YURAS 1:12

Kir-e kenggamirak inmin kondogolat-nen nunggwi mende nggok saguruk nonggola tarem it inmin nonggola-ge, it iri-ge innggiri lak kasa kasa nili iri-ge kik tak konpogolat, it ondomok nak nggok tak pili-o. Nde, obube-nen puk kaso nggan nggan-et nde, talme waruk lobok yoso buk nggan nggan nggal, e engen poso tarem-et nde, engen poso buk e nggal, elem konak pidnak ma mondok umbuk yidnak e nggal-et it-nen yili-o.

NAM PARA WENE 19:20

Ndakngge isilepma worak iri na tenakolar-e, at imbiri bem kwiye worak mende kwarid nap, enesiget Mbal Pem Nagawan ene lomboksa yoso nap iri na min tenaiga-o. (Nde, kwiye worak mende kwaridnak iri bem-nen ar-e ndakngge isilepma worak-nen idnak yenggerak purak mende enpem worak nap min ndakngge isilepma worak abage nggal ndak worak erembel waniga nap min onmbol pem lagaij-o.) Iri luk, ndakngge isilepma worak iri na min enesiget Mbal Pem Nagawan ene lomboksa yoso nap iri na min unluk nggengge emben worak kule (belerang) laso kan mare arem inpil nggwij-o.