EPESUS 4:12 - Nanduk Ngget Tul Pidnak Wene

¹² Iri rak inpid iri-ge, marak nap oboksa-ge aid wene na ndegel puwakluk, Kerisut ebe na o wiridnak nggal wuruwakluk, lid lud tak onposolat-nen yij-o.

EPESUS 4:12 ပူးပေါင်းရင်းမြစ်များ

LUKAS 22:32

Alat nde, Simon wa-e. Kat kindi angin tubu yigen iri-ge tugup lak woranokluk, an-e kat kamanggim tepan yigi-o. Nde, kar-e tuguruk an neram lobok yugundig-e, kat kanggamirak na inndi eyak wurugun na-e” luk yak tij-o.

YIDNAK YIDNAK WENE 1:17

Yuras na-ge nit ninmin lambuksa wonat ninpidnak nap na-ge nit ninmin yabu misiget yu erep wanosolat woragaid nar-o.

YIDNAK YIDNAK WENE 1:25

Yuras-e at ambik ondolma mborosolat-nen keya bidnak eyabu min at-nen wirik pidnak nap tak pidnak iri na min ap iri-nen wanuwak-nen-o” luk tepan yiga-o.

YIDNAK YIDNAK WENE 11:23

Wirik ibikma, wok yidnggal-e, Mbal Pem Nagawan-nen we wok ondoso mende iri na kasolug-e, alin alen kagaij-o. Karuk, it pidsa-nen tugup lak Nagawan Indo-nen yidnak yidnak kwat tenak wolmakluk nggomo indij-o.

YIDNAK YIDNAK WENE 20:24

Alat nde, an nondomok nindi abuwa marig-et tet kasu bug-o. Are, an nebem pidnak yabu iri na ndak tak posolar-e, Nagawan Indo Yesus-nen wok niridnak yabu iri-ge Mbal Pem Nagawan-nen we wok ondoso aid wene iri na konggorosolat-nen neyabu na worok tak purak iri perak nde ijar-o.

YIDNAK YIDNAK WENE 20:28

Iri bem-e, kit na kit-net yik karok woragolat, Konak Indi-nen lomba wam ndok worak pidsa iri yik eneyarok wolmakluk mendak kinpidnak me, Mbal Pem Nagawan-nen at ambik Ambara eyabi bem-nen winde yidnak lambuk tak inpidnak nap iri na kit-nen-e lomba wam yik karok woragwi nap kwasa yik eneyarok wolmer-o.

YIDNAK YIDNAK WENE 9:31

Yurea-nen na irit, Nggalilea-nen na irit, Samaria-nen na irit, lambuk tak inpidnak nap inndi yamuksa woragolat, inndi ogore yogolat woraiga-o. Nagawan Indo aye worak woragolar-e, Konak Indi-nen it inndi yangonosolar-e, misik nambek, misik nambek tak puruk, ap kwarat yiga-o.

OROMA 12:5

Iri nggal, nir-e ap kwarar-et nde, Kerisut imin kundik worali me, nenpe misiget nak-nen yusu-o. Nit na nit-net kundik woragolar-e, ebe misiget inggi ijok-nen yili-o.

OROMA 12:7

Nde, we wok ondoso mende ap yongga undurak wok tidnak ala-ge, ap yongga ondosolat wolmag-o. Nde, we wok ondoso mende ap mul undurak wok tidnak ala-ge, ap mul ondosolat wolmag-o.

OROMA 14:19

Iri bem-e nit-nen pempa kwarurag-e, lambuk tak onposo mende min ninndi uwi yak kerak mburak mende min kwaruwog-o.

OROMA 15:14

Nowe nowosi wa-e. Kir-e konak kwarurak nak peragolat, enaru yugwi mende pidsa kenaru yogolat, kit na kit-net nggomo wat kerak mburag-e ndak worali-o luk an-e mondok kenperasu-o.

OROMA 15:2

Are, nenggamirak na kwara inndi angin tubu maklug-e, nit nondomok tak-nen it enalen tak purak mende-t kwaruwog-o.

OROMA 15:29

Nde, kit kendam wok yosolar-e, Kerisut-nen imbiringgat kobong tak nibidnak iri na min-et wok yimin-o luk an-e naru-o.

1 KORINTUS 12:27

Yawo-ge kit oboksa-ge Kerisut ebe-nen yili-o. Nde, kit kenarik tag-e at inggi ujok-nen yili-o.

1 KORINTUS 12:7

It pidsa konak unpuwaklug-e, Konak Indi-ge inmin worasu-o luk nam makluk-nen Konak Indi-ge ondomok tak wok ondoso-o.

1 KORINTUS 14:12

Kit-nen na Konak Indi-nen we wok ondoso mende iri wanuwokluk kenmawi kondogolar-e, ija lombog-e lambuk tak inpidnak nap mendak unpurak mende iri nak nggok tak purag-o.

1 KORINTUS 14:14

Nde, an-nen nin wene nan wene bem tepan yosola-ge, an nindi-nen ndemeret tepan yusu-t nde, an-nen yebet kaso nindi-ge we worasu-o.

1 KORINTUS 14:26

Nanggamirak wa-e. Ngge yosolat-nen yigi kali? Kir-e ndok wutluk, kenariktag-et kwarogolar-e, misig-e ndawi yogolat, nin-e mul ondogolat, misig-e Mbal Pem Nagawan-nen kura bidnak wene nam tak pogolat, nin-e nin wene nan wene bem yogolat mer-o. Alat nde, iri kwarogolar-e, ap inndi mendak purak pem kwarogolat wolmer-o.

2 KORINTUS 12:19

Kit-nen nenperagolar-e: ”It iri-ge nit ninmbiri bem-e it enambikpebe lud tak nak kwarugwi nab-o luk yuwakluk engga iri mbatli-o” luk nenperali-t nde, iri-ge lag-o. Nir-e Mbal Pem Nagawan imbiri bem-et Kerisut ebem ala wene yu yili-o. Nennggamirak kenabuwa worak wa-e. Nit-nen kwatli mende oboksa-ge kit kinndi angin tubu yidnak iri mendak pogolat-nen kwatli-o.

2 KORINTUS 13:11

Worok tak posolar-e, nanggamirak wa-e. Wiwa-o. Iminep mbal yobok-nen kwara kenmawi kondogolat wolmer-o. An-nen nggomo kindidnak wene oboksa wanogolat wolmer-o. Kinndi misiget nak woragolar-e, lambuksa wolmer-o. Nde, Mbal Pem Nagawan-e ap enabuwa kaso elem na, lambuksa woragwi elem na kit kinmin wolma-o.

2 KORINTUS 13:9

Nir-e ndeyag-et nde, kit kenmawi ala karuk, nit nenalin nenalen kali-o. Nde, kir-e iminep mbal yobok-nen nir-e kenmanggim tepan yili-o.

2 KORINTUS 3:8

Alat nde, Konak Indi-nen wanoso eyabu-ge abinal kwarat lombog-o!

2 KORINTUS 4:1

Ap unpud kaso elem pem Mbal Pem Nagawan-nen-e yabu yu-ge nit nen-pem pamu me, nit ninndi nggwirik yusu bug-o.

2 KORINTUS 5:18

Iri mende oboksa-ge Mbal Pem Nagawan-net kwarusu-o. Kerisut ebem-nen Mbal Pem Nagawan-nen-e at imin sirid nap nir-e at ondomok imin lambuk tak ninpij-o. Iri rak puruk, nin nap na at imin lambuk tak unpurak yabu na-ge nit nenpem pamu-o.

2 KORINTUS 6:3

Nit neneyabu wanili na meya rak pul naru, nir-e yi mende ndi mende bem oboksa ap enare pili bug-o.

2 KORINTUS 7:1

Nanggamirak kenabuwa worak wa-e. Urul pidnak wene oboksa-ge nit-nen idnak me, nit na nit-net nondomok marak nap yogolar-e, nenpe min ninndi min kik tak nunpurak mende iri marak puruk, Mbal Pem Nagawan indi aye min woragolar-e, mondok marak iminep mbarak irit wolmog-o.

EPESUS 1:23

Nde, lambuk tak inpidnak nap iri-ge Kerisut ebe-nen yusu-o. Iri yidnak nap-nen-e Kerisut na ndak tak ibili-o. Nde, Kerisut iri-nen-e yi mende ndi mende oboksa-ge ndak tak poso-nen yusu-o.

EPESUS 4:16

Nde, Kerisut na ebem-nen-e at ebe iri na inggi ijok oboksa ariktag-et nde, ndak ndak sa kondosolar-e, il iri na-ge owak erep min kwen yosolat, ebe oboksa yindip kwindipsa panggarusu-o. Iri alat-e, inggi ijok na oboksa enariktak eneyabu wanogolar-e, ebe na oboksa-ge irit tit, irit tit nggulok yosolar-e, ap enabuwa kagwi elem pem-et ondomok nggulok yusu-o.

EPESUS 4:29

Kit kenmende nggwe-nen meya wene wirik purak pug-o. Are, it-nen kuluruk, inndi yek tak purak wene nak yogola-ge, kit-nen yidnak wene kuluwa nap iri-ge inmbiringgat tak pugub-o.

EPESUS 4:4

Nde, Ebe na misiget, Konak Indi na misiget, kit kinndi-ge iri bem mbung mbung tak wolmakluk, wene mbo kinpid na misiget-nen yusu-o.

KOLOSE 1:24

Nde, yawo-ge an-e kit kenmanggim yane wurusu me, an nalen kasu-o. Kerisut-e at ebe amanggim yane wiridnag-et nde, mariget awo yane wirigit lak iri-ge an nebe bem yane wurusu iri bem-nen iminep mbarak pimin-o. Kerisut ebe iri-ge lambuk tak inpidnak nap-nen yusu-o.

KOLOSE 1:28

Iri bem-e, Kerisut owene iri-ge nir-e ab-e ap oboksa yak indili-o. Nit ninndi mondok pindong tak pem-net ap oboksa nggomo indilik, mul indilik yogolar-e, it enarik tag-et Mbal Pem Nagawan eram inpil lobok yogola, Kerisut ebem iminep mbal yidnak nap makluk-nen yili-o.

KOLOSE 4:17

Nde, Arakipus na yak togolar-e: ”Nagawan Indo-nen eyabu kebem pidnak na mondok worok tak pugun na-e” luk yak ter-o.

1 TIMOTIUS 1:12

An-nen at eyabu yu wanuwakluk amawi wok nirid Nenagawan Indo Kerisut Yesus-nen-e at ndegel uburak pem ar-e ndak-net yusu-o luk neberaidnak pem an-nen wiwa-o yak tusu-o.

2 TIMOTIUS 4:11

Lukas arig-et nimin worasu-o. An yabu wanosola, at-nen yongga nururag-e ndak me, Marakus iri kimin tak puruk, lobok yi-o.

2 TIMOTIUS 4:5

Alat nde, kat perak nde yi mende ndi mende kwarosolar-e, kindi min-et kwara woralat, lel mberel kobogola, mamak puruk woralat, aid wene yoso nap-nen yabu wanoso nggal yabu wanosolat, Mbal Pem Nagawan-nen kebem pidnak yabu iri-ge kwara wanosolat wolmin-o.

IBERANI 13:17

Kit kennggendumu enne kolobokluk mendak inpidnak nap-nen yidnak wene wanogolat, it-nen yidnak yidnak nak kwarogolat wolmer-o. It-nen-e kit kinndi yik karok woragolar-e, perari yili bug-o. Iri yili iri-ge ap inndi yik karok woraidnak pem Mbal Pem Nagawan-nen an nebem wene mbaruwa-o peragoluk-nen yik keneyarok worali-o. Nde, kit-nen nde it-nen yidnak yidnak kwarogola-ge, it eneyabu-ge enalen min-et wanogolat wolma-o. Nde, kit-nen iri kwarigit lak yogola-ge, it inndi puru min-et eneyabu wanuwa iri-nen kit kenmanggim-e ebe worak mende ma-ge lag-o.

IBERANI 6:1

Iri bem-e, Kerisut owene owak nandug-et iri na nak wanugwi iri keya buruk, nit ninndi amburu mbarak purak wene owak irit wanogolat wolmog-o. Nggeret wanogolat-nen yugwi wene owak iri-ge ebe lak mende keya buruk kondok yurak wene min Mbal Pem Nagawan ebem ninndi angin tubu yurak wene min iri na-t yik tenak worali iri-ge keya buwog-o.