EPESUS 4:11 - Nanduk Ngget Tul Pidnak Wene

¹¹ At iri-nen we wok ondoso mende tembet ondosolar-e: Ereb-e wirik inpidnak nap tak onposolat, ereb-e Mbal Pem Nagawan ene lomboksa yugwi nap tak onposolat, ereb-e aid wene yak indil waring kagwi nap tak onposolat, ereb-e aid wene yugwi nap min mul undugwi nap min tak onposolat yij-o.

EPESUS 4:11 ပူးပေါင်းရင်းမြစ်များ

MATIUS 28:20

an-nen ’Iri nggal mer-o’ luk yak kindigi wene oboksa-ge it mul ender-o. Yebet yebet tak wolmer-o. An-e pempa-t kit kinmin irit worasoma, woroksiyem wok ma-o” luk yak indij-o.

YIDNAK YIDNAK WENE 13:1

Antiokia-nen-e lambuk tak inpidnak nap ennggendumu-ge Mbal Pem Nagawan ene lomboksa yugwi nap min ap mirik unpugwi nap min woraiga-o. Iri yidnak nap unu-ge Mbaranabas min Simeon na unu misig-e Niget min Koreni nap unu-ge Lukius min Manaen min Saulus min irit woraiga-o. Nde, Menaen iri-ge Nagawan Erores eid-nen nggwel pidnak nap irit woragaij-o.

YIDNAK YIDNAK WENE 20:28

Iri bem-e, kit na kit-net yik karok woragolat, Konak Indi-nen lomba wam ndok worak pidsa iri yik eneyarok wolmakluk mendak kinpidnak me, Mbal Pem Nagawan-nen at ambik Ambara eyabi bem-nen winde yidnak lambuk tak inpidnak nap iri na kit-nen-e lomba wam yik karok woragwi nap kwasa yik eneyarok wolmer-o.

YIDNAK YIDNAK WENE 21:8

Nene luk, kup mborogolar-e, Kaisaria wok yige-o. Wok yogolar-e, aid wene yoso nap Pilipus ama ngguruk, at imin woraige-o. Nde, Yerusalem-nen ap tuju len inpiga na misig-e at Pilipus yur-o.

OROMA 12:7

Nde, we wok ondoso mende ap yongga undurak wok tidnak ala-ge, ap yongga ondosolat wolmag-o. Nde, we wok ondoso mende ap mul undurak wok tidnak ala-ge, ap mul ondosolat wolmag-o.

1 KORINTUS 12:4

Konak Indi-ge we tembet ondoso mende-ge nin tak nan tak worasu-t nde, Konak Indi iri-ge misiget nag-o.

EPESUS 2:20

O ugwi wirik inpidnak nap min Mbal Pem Nagawan ene lomboksa yugwi nap min enpem-nen wiridnak nab-e kit-nen yili-o. Nde, o paro pidnak iri-ge Kerisut Yesus-net yusu-o.

EPESUS 3:5

O nggetnem ereba-ge kura wene iri-ge nggweyak ma nap yak indigit lag-et nde, yawo-n Konak Indi bem-nen-e marak inpidnak wirik inpidnak nap min Mbal Pem Nagawan ene lomboksa yugwi nap min-e nam para mirik inpij-o.

EPESUS 4:8

Iri bem-e, Mbal Pem Nagawan engga bem-nen yosolar-e: ”At teram eid me lasolar-e, kere kamarak woragwi nap wok unpuruk lagaij-o. At-nen-e we wok ondoso mende irit ki nap tembet indij-o” luk yij-o.

2 TIMOTIUS 4:5

Alat nde, kat perak nde yi mende ndi mende kwarosolar-e, kindi min-et kwara woralat, lel mberel kobogola, mamak puruk woralat, aid wene yoso nap-nen yabu wanoso nggal yabu wanosolat, Mbal Pem Nagawan-nen kebem pidnak yabu iri-ge kwara wanosolat wolmin-o.

IBERANI 5:12

Nde, kir-e ap mul undurak nap kwat yurag-e yigeb-et nde, Mbal Pem Nagawan wene owag-e awo kenaru yigit lak me, ap erep-nen kwara mul kundurak worasu-o. Kir-e indi worak-nen nunggwi mburu-ge ninggit lak, kamongen nak nonggolat worali-o.

YURAS 1:17

Alat nde, nanggamirak kenabuwa worak wa-e. Nit Nenagawan Indo Yesus Kerisut-nen idnak wirik inpidnak nap-nen nanduk yak kindiga wene na-ge yebet yebet tak wolmer-o.

NAM PARA WENE 18:20

Aid arem wa-e. Kwe iri na yigisa lak tak pidnak pem kalen ki-o! Mbal Pem Nagawan ilirak min wirik kinpidnak nap min Mbal Pem Nagawan ene lomboksa yugwi nap min wa-e. Kwe iri-nen kwat kinpidnak na onggo Mbal Pem Nagawan-nen kwe iri ebem wene mbarid pem-e kenalin kenalen ker-o!

NAM PARA WENE 21:14

Nde, o siri iri na kerep leger-e mabin-e kerep duabelas pem-nen wiridnag-o. Nde, kerep mabin pidnak ereba na bem-e Lomba Wam Marik-nen iddnak wirik inpidnak nap duabelas ereya na unnu mbarag-o.