EPESUS 4:10 - Nanduk Ngget Tul Pidnak Wene

¹⁰ Nde, mbuwagaid nap iri na-t mbal oboksa ombol nggwe terak menna lagaid iri-ge, yi mende ndi mende oboksa at-net ndak ndak tak peyekluk-nen lagaij-o.

EPESUS 4:10 ပူးပေါင်းရင်းမြစ်များ

MATIUS 24:34

An-nen yak kendeyeg-o: Yawo worali nap yeba na awo wat yigit lak ma-net an-nen yigi mende na pidsa ndak ndak kwat ma-o.

LUKAS 24:44

Iri luk, at-nen it yak ondosolar-e: ”Nanduk an-e kit kinmin woralat-nen yak kindigi wene-ge yur-o. An kwat nuburak mbaridnak wene-ge Musa-nen imiri mbarak pidnak wene bem mbaridnak engga bem-nen na irit, Mbal Pem Nagawan ene lomboksa yugwi nap-nen mbaridnak engga bem-nen na irit, Ndawi Engga bem-nen mbaridnak na irit, mbarak worasu iri na ndak ndag-et mondok kwat nubuwa-o luk yak kindigi nar-o” luk yak indij-o.

YOANES 1:16

At arem-e enabuwa kaso elem kobong tak me, nit pidsa nenabuwa kundugu kasolat, imbiringgat tak nonposo-o.

YOANES 19:24

it-nen yogolar-e: ”Sum yu-ge ndulurag-e meya-o. Are, engga mbara ligik puwog-o. Ebem mbidnak nap irit wanuwak-nen-o” lug yiga-o. Iri kwariga iri-ge Mbal Pem Nagawan engga mbarak pem-nen yosolar-e: ”An nusum-e it-nen tembesa wanogolat, namberam sum mot wanurak pem engga mbara ligik pogolat yiga-o” luk yid iri na ndak ndak tak pogolat-nen kwariga-o. Ndemeret iri na nggal-et it san winde ereba-nen kwariga-o.

YOANES 19:28

Iri lug-e, Yesus-nen-e pidsa ndak yidnak na aru lug-e, Mbal Pem Nagawan engga mbarak pem-nen yidnak wene ndak ndak makluk, at-nen yosolar-e: ”Yi nere-o” luk yij-o.

YOANES 19:36

Nde, iri kwat ibiga iri-ge, Mbal Pem Nagawan engga bem-nen yosolar-e: ”At owak misiget ter-o luk mbi kalak puwa bug-o” yidnak na ndak ndak tak pogolat-nen yiga-o.

YIDNAK YIDNAK WENE 1:11

it yak ondogolar-e: ”Nggalilea nap wa-e. Kir-e noluk mendak-nen mbal nggwe lik karok worali-o? Kit kendam-nen keya kunpuruk lek karuk aid arem lagaid Yesus yu-ge aid arem lasola kaigep iri na nggal-et kwasa mbuma-o” luk yak indiga-o.

YIDNAK YIDNAK WENE 1:9

Iri wene yak unduruk, it-nen yik karok worakmu-ge, at lek karuk lasola-ge, nggan nggan-nen muruk tak posola-ge, it-nen-e kagit lak yiga-o.

YIDNAK YIDNAK WENE 2:33

Iri bem-e, Yesus na Mbal Pem Nagawan inggi kigit nggwe-nen kek tak puruk, Eid-nen obok yak tidnak Konak Indi-ge at wok turuk, tak purug-e, at-nen nit nenpem nggilara pil mbuwasola-ge, kit-nen kagolat, kologolat kwatli yur-o.

YIDNAK YIDNAK WENE 3:18

Alat nde, iri kwarigep iri-ge Mbal Pem Nagawan-nen at ene lomboksa yugwi nap pidsa enmendam tak posolar-e: ’An-nen idnak Kerisut-e yane wuruwa-o’ yid iri na-t ndak tak posolat-nen kwarigeb-o.

2 KORINTUS 12:2

An naru nap, Kerisut ene wanidnak nap misig-e lengen empat belas woraige ombol nggwe-ge aid arem tap kenan ombol nggwe mondok teram iri me lek karuk lagaij-o. (Nde, iri-ge ndemeret at ebe lek karuk laidnak min yid, lak? Are, engena nak nde yij-a? An-e naru bug-o. Mbal Pem Nagawan nak aru-o.)

EPESUS 3:19

At-nen nenabuwa kaidnak iri-ge mondok nenaru momtag-e meya-t nde, Kerisut-nen ap enabuwa kaso elem na kenaru yugupndig-e, Mbal Pem Nagawan arem kobong tak woraso mende iri-ge kit kobong tak kunpuwakluk tepan yoso-o.

KOLOSE 1:19

Nde, Mbal Pem Nagawan indi-n pidnak pem-e Mbal Pem Nagawan abage iminep mbarak iri-ge at Ambara arem worasu-o.

KOLOSE 2:9

Nde, Mbal Pem Nagawan-et woraso oboksa-ge Kerisut nggweyak ma nap enpage worak iri na bem-et worasu-o.

1 TIMOTIUS 3:16

Nit-nen Mbal Pem Nagawan erembel wanugwi kura bidnak wene iri-ge ndemeret nggok lombok-nen yusu-o: ”At ondomok-net ki nap enpage nggal luk, nam yij-o. At lud tak nak kwaroso iri-ge Konak Indi-nen nam tak pij-o. Aid nap inmbiri bem nam yij-o. At owene-ge Mbal Pem Nagawan enaru buk nap ennggendumu yiga-o. Nggweyak ma yu me-nen inndi-ge at ebem angin tubu yiga-o. Abinal pem lek karuk lagaij-o.”

IBERANI 4:14

Iri ala-ge, Mbal Pem Nagawan Ambara Yesus, nit nentepan ombo nggulok na-ge Mbal Pem Nagawan eram aid arem iri me nggwidnak me, nit ninndi angin tubu yidnak na-ge mondok puksa tena wolmog-o.

IBERANI 7:26

Nde, nit nentepan ombo nggulok iri-ge Yesus at irit nindingen kali-o. At iri-ge mondok mbek tak woraso nap, lugud tak kwaroso buk, meya mbi mondok kwaroso buk nap-nen yusu-o. At na-ge meya yogolat woragwi nap inmin-e erep kundig-e lak, arik lenak me, ar-e mbal tap ombol nggwe kek tak pidnak nap-nen yusu-o.

IBERANI 8:1

Nit-nen yu yili wene yu ebe-ge yu-o: Nit nentepan ombo nggulok iri nggal kwarak iri-ge Mbal Pem Nagawan Mondok Kek tak aid arem woraso-nen koreyak woraso sa inggi kigit ambigit nggwe koreyak worasu-o.