EPESUS 3:8 - Nanduk Ngget Tul Pidnak Wene

⁸ Marak nap oboksa ennggendumu-nen an-e nagweyak nggal-et nde, Kerisut arengge wonarurak puk mende iri-ge enlem nin nap yak unduwakluk, Mbal Pem Nagawan-nen we wok ondoso bem-net wok neramu-o.

EPESUS 3:8 ပူးပေါင်းရင်းမြစ်များ

LUKAS 14:22

Iri kwatluk lobok yosolar-e, ndegel oboso nap-nen eid na yak tosolar-e: ’Neid wa-e. Kat-nen yidnak yidnak kwarigi-t nde, o-ge terag-et worasu-o’ luk yij-o.

YOANES 1:16

At arem-e enabuwa kaso elem kobong tak me, nit pidsa nenabuwa kundugu kasolat, imbiringgat tak nonposo-o.

YIDNAK YIDNAK WENE 5:41

Wirik onpogolikma, it na wene mbarugwi nap endam-nen mborogolar-e: ”Yesus unu bem ala linggamburok nindiga-o” luk enalin enalen min-et mbiriga-o.

YIDNAK YIDNAK WENE 9:15

Alat nde, Nagawan Indo-nen at yak tosolar-e: ”Irit nde, mbiri-o. Ap iri-ge an ndegel nobosolar-e, enlem nin nap min nagawan nagawan min Isarael nap min an nunu yak indil mburuwakluk an-nen lenak pidnak-nen yusu-o.

OROMA 11:33

Mbal Pem Nagawan-e yi mende ndi mende winde iri-ge wir-o! At indi nggat nggat min at aru yidnak min iri-ge nggok ija lombog-o! At-nen mbaridnak wene iri-ge ta nggal-nen nde lumbunuwa-o? At-nen kwaroso iri-ge ta nggal-nen yebet kujwa-o?

OROMA 12:10

Enambik onowe onowot enabuwa kagwi nggal nabuwa kabuwa yogolar-e, kit na kit-net kek tak pegerak mbogolat wolmer-o.

OROMA 2:4

Mbal Pem Nagawan-nen ap unpud kaso min indi yanggonak woraso min indi luruk puruk woraso min nggok iri-ge kir-e te rak pili-a? Kit meya yidnak keya buruk, kondok yuwakluk, ar-e kit kunpud kasu iri-ge kir-e kenaru buk yili-a?

1 KORINTUS 1:30

Alat nde, Mbal Pem Nagawan ebem-e Kerisut Yesus imin kundik kinpidnak worali-o. Kerisut iri-ge Mbal Pem Nagawan-nen-e nit ninndi tenggerak elem tak obosolat, at ebem-et mot mot tak nonposolat, mbek tak nonposolat, nonnggo paga weserak nonposolat yij-o.

1 KORINTUS 15:9

Wirik inpidnak nap ereb-e kek tag-et nde, an-e teberag-o. Mbal Pem Nagawan-nen idnak lambuk tak inpidnak nap lel mberel inpigirik me, an nimin-e wirik inpidnak nab-o yurag-e meya-o.

1 KORINTUS 2:9

Alat nde, Mbal Pem Nagawan engga mbarak pem-nen yosolar-e: ”Ap enlengen-nen kagwi buk mende min eneyanggo-nen kulugwi buk mende min ap inndi-nen peragwi buk mende min iri perak nde Mbal Pem Nagawan-nen at abuwa kagwi nap enmanggim lid lud tak pamu-o” yij-o.

NGGALATIA 1:16

Nde, an-e owene-ge enlem nin nap yak unduwakluk Mbal Pem Nagawan indi-n puruk, at Ambara-ge an narem-nen nam tak posola-ge, an-e ki nap inmin-e ”Ngge kwarimin-o?” luk wene mbarigit lak,

NGGALATIA 2:8

Nde, Yawuri nap enmanggim Peterus-e wirik ibidnak nap kwat momtak amawi wok tid, at Mbal Pem Nagawan iri na-net an na enlem nin nap enmanggim wirik nibidnak nap kwat momtak amawi wok nirij-o.

EPESUS 2:7

Iri kwat ninpid iri-ge, abok pempa woragolat-nen-e at-nen we wok ondoso elem utlud iri-ge Kerisut Yesus ebem at-nen konak nak kwaroso iri na mirik nenpeyekluk kwat ninpij-o.

EPESUS 3:1

Iri bem-e, enlem nin nap kit kenmanggim-e Kerisut Yesus ebem kere kamat nibidnak nap Paulus an-nen-e Mbal Pem Nagawan eram tepan yusu-o.

EPESUS 3:16

An-e Mbal Pem Nagawan emengen mbarosolar-e: ”Kat kunu kek tak woraso utlud lombok iri-nen kat Kindi ebem-nen it inndi amawi rak posolat, inndi tugup lak tak posolat,

EPESUS 3:19

At-nen nenabuwa kaidnak iri-ge mondok nenaru momtag-e meya-t nde, Kerisut-nen ap enabuwa kaso elem na kenaru yugupndig-e, Mbal Pem Nagawan arem kobong tak woraso mende iri-ge kit kobong tak kunpuwakluk tepan yoso-o.

EPESUS 3:2

Kit kenmanggim Mbal Pem Nagawan-nen we wok ondoso elem wok niridnak na bem kwarurak wene-ge kir-e ndemeret kuligep nar-o.

PILIPI 2:3

Kit kondomok kunnu kek tak purak pem, kit kondomok kentembel wanurak pem-e yi kwatlik ndi kwatlik kwarurak pug-o. Are, kinndi tebe yogolar-e, kit kondomok tebe luk, nin nab-e kek tak irit yik iniyudtag-o.

PILIPI 4:19

Nde, Nembal Pem Nagawan-nen-e kit-nen ukwe peraidnak mende oboksa-ge Kerisut Yesus ebem-nen at eram woraso arengge mondok kwarat iri wok kondosolat wolma-o.

KOLOSE 1:27

Mbal Pem Nagawan-nen ”Irit timin-o” luk yidnag-e yu nggal-o. At-nen idnak kura wene, kek tak pidnak wene iri-ge, ap enlem oboksa ennggendumu-nen nam tak purag-o luk yusu-o. Nde, kura wene iri-ge yu-o: Kerisut kit kenarem worala-ge, Mbal Pem Nagawan unu kek tak pidnak iri-ge totno-t wanul-o luk kinndi mbung mbung tak wolmomtag-o.

1 TIMOTIUS 1:13

Nanduk woralar-e, an-e at obok posolat, lel mberel obosolat, nisilepma-nen meya rak obosolat yigi-t nde, iri tarem-e an at ebem nindi angin tubu yigit lak, naru buk worasolat-nen kwarigirik me, Mbal Pem Nagawan-nen an nubud kagaij-o.

1 TIMOTIUS 1:15

Wene yu-ge ndemeret wene-o luk mondok kwara yebet kudtak wene-o: Kerisut Yesus iri-ge meya yugwi nap inmiri yekluk-nen nggweyak ma yu me lobok yamu-o. Nde, meya yugwi nap ennggendumu-nen-e mondok meya nggulok kwaroso-ge an-ner-o.

1 TIMOTIUS 2:7

Wene yu bem-nen an-nen-e enlem nin nab-e inndi angin tubu yurak wene min ndemeret wene min yak unduwakluk, wirik nibidnak nap min mul ondoso nap min irit len nebamu-o. Nde, an-e nenesiget yusu-ge lag-o. Ndemeret lombok yak kundusu-o.

2 TIMOTIUS 1:11

Aid wene yu tumburuwakluk, an-e yil noso nap, wirik nibidnak nap, mul ondoso nap iri rak nibij-o.

NAM PARA WENE 3:18

Iri bem-e, an-nen nggomo kendeyeg-o. Kir-e ndemeret kinsilobulo worak nap yobok-nen kopkap mondok lak emas posid iri-ge an nebem onggo pogolat, kunsum we koro nderak woragolat, kinnggiri kagwi mende iri lomorobokluk, sum loro an nebem onggo pogolat, kenlengen pasa nomosa yik kabok-nen kenlengen pem yugururak amburu an nebem onggo per-o.