EPESUS 3:6 - Nanduk Ngget Tul Pidnak Wene

⁶ Kura wene iri na-ge yu-o: Aid wene bem-nen it enlem nin nab-e Mbal Pem Nagawan imbiringgat mende na Yawuri nap min it totno winde yogolat, ebe misiget na inggi ijok kwat yogolat, Mbal Pem Nagawan-nen Kerisut Yesus ebem urul paga yak indidnak wene na lambuksa winde yogolat yili-o.

EPESUS 3:6 ပူးပေါင်းရင်းမြစ်များ

1 KORINTUS 12:12

Nde, enpe misiger-et nde, ininggi unuwog-e kwarar-o. Nde, ininggi unuwok na kwarar-et nde, enpe-ge misiger-o. Iri nggal Kerisut na ebe misiget-nen yusu-o.

1 KORINTUS 12:27

Yawo-ge kit oboksa-ge Kerisut ebe-nen yili-o. Nde, kit kenarik tag-e at inggi ujok-nen yili-o.

NGGALATIA 3:14

Mbal Pem Nagawan-nen Abaram urul yak tidnak imbiringgat mende iri-ge Kerisut Yesus ebem-nen enlem nin nap wok unduwakluk, nit-nen na ninndi angin tubu yidnak pem Mbal Pem Nagawan-nen urul pidnak Konak Indi wanuwakluk, Kerisut-e imbiri lamut agaid irir-o.

NGGALATIA 5:24

Nde, Kerisut Yesus arengge kwat yidnak nap-nen-e ki nap-nen kwarugwi mende min at-nen ukwe ukwe yoso min, kwarurak ukwe peraso min-e e lang pang tak pem-et worak pid nar-o.

EPESUS 3:3

Mbal Pem Nagawan-nen ”Irit timin-o” luk kura wene yidnag-e nam para an yak nirid na-ge an-e nandug-et engga ya lit nda lit poro-t mbarigi irir-o.

EPESUS 5:30

Nde, nir-e at ebe inggi ijok-nen yili-o.

EPESUS 5:7

Iri bem-e, kit-nen-e it inmin yi mok ti mok yurak pug-o.

KOLOSE 2:19

It iri na-ge enanggul Kerisut na puksa tenakit lak worali-o. Kerisut na ebem-net ebe oboksa-ge ndak ndaksa ndogorosolar-e, it min emengen min-nen konda misiget tak posolar-e, Mbal Pem Nagawan indi-n pidnak pem-et nggok yusu-o.

1 YOANES 1:3

Nir-e Nineid min at Ambara Yesus Kerisut min inmin-e erep kundik worali-o. Nde, kir-e nit ninmin lambuksa erep kundik woraboklug-e, nit nenlengen-nen kaidnak min neneyanggo-nen kulidnak min iri na-t yak kindili-o.

1 YOANES 2:25

Nde, Kerisut at-net urul yak nondosolar-e: ”Kunlug-et pem-et woralik nalik woragub-o” luk yak nindik nar-o.