EPESUS 3:5 - Nanduk Ngget Tul Pidnak Wene

⁵ O nggetnem ereba-ge kura wene iri-ge nggweyak ma nap yak indigit lag-et nde, yawo-n Konak Indi bem-nen-e marak inpidnak wirik inpidnak nap min Mbal Pem Nagawan ene lomboksa yugwi nap min-e nam para mirik inpij-o.

EPESUS 3:5 ပူးပေါင်းရင်းမြစ်များ

YESAYA 52:15

Alat nde, yawo-ge ap enlem kwarat-nen at ebem wi yuwa-o. It-nen kagwi buk mende irit kagolat, yebet kagolar-e, nagawan nagawan-e wi yogolar-e, wene yurak meya ma-o” luk yij-o.

MATIUS 13:17

An-nen yak kendeyeg-o: Mbal Pem Nagawan ene lomboksa yugwi nap kwarat min lud tak nak kwarugwi nap kwarat min-e kit-nen kali mende iri na kudtag-e inndingen kwarat yiga-t nde, kagit lak yiga-o. Nde, kit-nen kulili wene iri na kulurag-e inndingen kwarat yiga-t nde, kuligit lak yiga-o.”

MATIUS 20:7

Yak ondosoloma-ge, it-nen wene erep nggarogolar-e: ’Onggo wanurak yabu nenpem pigit lak me, we yeba-t worali-o’ luk yiga-o. Yogolikma-ge, at-nen yak ondosolar-e: ’Kit min-et neyabu wil mberer-o’ luk yak indij-o.

MATIUS 23:34

Iri bem-e, kwara koler-o. An-nen-e Mbal Pem Nagawan ene lomboksa yugwi nap nde, inndi nggat nggat worak nap nde, mul kundurak nap nde kendam inpil lobok yimin-et nde, kit-nen kwat onpogolar-e, ereb-e ondogolat, ereb-e e lang pang tak pem panggarak onpogolat, ereb-e kit tepan yugwi ma-nen lel mberel onpogolat, langgal unpuruk o siri misik me-nen o siri nin me mborogolat kwat unpugub-o.

LUKAS 10:24

An-e yak kundusu yur-o. Mbal Pem Nagawan ene lomboksa yugwi nap kwarat min nagawan nagawan min-e kit yawo kali yu kudtag-e inndingen yiga-t nde, kagit lak yiga-o. Kit keneyanggo-nen kulili wene kulurag-e inndingen yiga-t nde, kuligit yak yiga-o” luk yak indij-o.

LUKAS 11:49

Iri bem-e, Mbal Pem Nagawan Indi Kwid Pidnak-nen yosolar-e: ’Mbal Pem Nagawan ene lomboksa yugwi nap min wirik inpidnak nap min it endamwirik inpil lobok yimin-o. Nde, it-nen-e ereb-e ondogolat, ereb-e lel mberel onpogolat ma-o’ luk yij-o.

YOANES 14:26

Alat nde, Yongga Kundurak Nap iri-ge an nunu bem an Neid-nen wirik ibil lobok yuwa Konak Indi na-nen-e yi mende ndi mende pidsa mirik konposolat, an-nen yak kindidnak wene pidsa yeberak konposolat ma-o.

YOANES 16:13

Alat nde, Konak Indi na lobok yuwarig-e, lud tag-et Mbal Pem Nagawan mirik konposolar-e, lud tak nak kwarugwi mende pidsa mirik kunpuwa-o. Nde, at indi-n pidnak wene-ge yak kunduwa bug-o. Are, at-nen kulidnak wene nak yak kondosolat, abok-nen kwat momtak wene nde yak kondosolat ma-o.

YIDNAK YIDNAK WENE 10:28

Eneyaruk, it yak ondosolar-e: ”Yawuri nap-nen enlem nin nap inmin nanggam kanggam yogolat, enma nggogolat iri-ge kwarurak puk na-e luk yak nindidnak wene iri-ge kit na kenaru-o. Iri yidnak wene worala-t nde, Mbal Pem Nagawan-nen an mirik nobosolar-e: ’Ap ereb-e wosama nab-o, ap ereb-e meya nab-o luk yurak pug-o’ luk mirik nibij-o.

OROMA 16:25

Mbal Pem Nagawan erembel wanuwog-o! At-nen-e kit kinndi angin tubu yidnak pem tugup lak tak kunpurag-e ndak-nen yusu-o. Iri kwarusu iri-ge, an-nen yak kindidnak aid wene, Yesus Kerisut owene iri-ge, obi-net kura woraidnak wene iri yawo nam tak pusu wene na bem-nen irit kwarusu-o.

1 KORINTUS 2:10

Alat nde, Mbal Pem Nagawan-nen-e kura bidnak wene na-ge Konak Indi bem-nen mirik ninpij-o. Nde, Konak Indi iri-ge yi mende ndi mende pidsa mbenaroso me, Mbal Pem Nagawan arem-nen yebet kaso mende na irit mbenarusu-o.

EPESUS 2:20

O ugwi wirik inpidnak nap min Mbal Pem Nagawan ene lomboksa yugwi nap min enpem-nen wiridnak nab-e kit-nen yili-o. Nde, o paro pidnak iri-ge Kerisut Yesus-net yusu-o.

EPESUS 3:9

”Mbal Pem Nagawan-nen kura bidnak wene na ndak ndak tak posolar-e, yu nggal kwaruwa-o” luk an-e ap pidsa mirik unpusu-o. Yi mende ndi mende oboksa ndak worak pidnak Mbal Pem Nagawan na arem-e obi-net wene na kura irit woragaij-o.

2 PETERUS 3:2

An yak kundusu yu-ge nanduk Mbal Pem Nagawan ene lomboksa yugwi marak nap-nen yidnak wene min Nagawan Indo Ninmiri Yoso Nap-nen yidnak wene wirik inpidnak nap-nen yak kindidnak wene min yeberak worabokluk yak kundusu-o.

YURAS 1:17

Alat nde, nanggamirak kenabuwa worak wa-e. Nit Nenagawan Indo Yesus Kerisut-nen idnak wirik inpidnak nap-nen nanduk yak kindiga wene na-ge yebet yebet tak wolmer-o.