EPESUS 3:2 - Nanduk Ngget Tul Pidnak Wene

² Kit kenmanggim Mbal Pem Nagawan-nen we wok ondoso elem wok niridnak na bem kwarurak wene-ge kir-e ndemeret kuligep nar-o.

EPESUS 3:2 ပူးပေါင်းရင်းမြစ်များ

YIDNAK YIDNAK WENE 13:2

Misik tarem ir-e mburu ninggit lak woragolat-nen Nagawan Indo nak erembel wanogolat worakmu-ge, Konak Indi-nen yak ondosolar-e: ”Mbaranabas min Saulus min iri-ge an neyabu wanuwakluk yonggo inpigirik me, an namanggim lenak enper-o” luk yak indij-o.

YIDNAK YIDNAK WENE 13:46

Alat nde, Paulus min Mbaranabas min-nen kwiye lag-et yogolar-e: ”Mbal Pem Nagawan-nen yidnak wene-ge mondok nandug-et kir-et yak kundurag-o. Alat nde, wene iri-ge kit-nen keya bogolat, kit-nen-e ’Unlug-et woralik nalik momtak wene iri-ge nit-nen wanurak meya-o’ luk yogola me, nir-e keya kunpuruk, enlem nin nap endam mbitli-o.

YIDNAK YIDNAK WENE 22:21

Alat nde, Nagawan Indo-nen an yak norosolar-e: ’Mbiri-o. An-e wandakma enlem nin nap endam wirik kibimin-o’ luk yak nirij-o” luk yij-o.

YIDNAK YIDNAK WENE 9:15

Alat nde, Nagawan Indo-nen at yak tosolar-e: ”Irit nde, mbiri-o. Ap iri-ge an ndegel nobosolar-e, enlem nin nap min nagawan nagawan min Isarael nap min an nunu yak indil mburuwakluk an-nen lenak pidnak-nen yusu-o.

OROMA 1:5

Nde, ap enlem pidsa ininggi waga inndi at ebem angin tubu luk, at-nen yidnak yidnak nak kwaruwakluk, Kerisut ebem at unu nak kek tak puwakluk Mbal Pem Nagawan-nen we irit wirik nibidnak nap tak nibij-o.

OROMA 11:13

Yawo-ge kit enlem nin nap yak kundusu-o. An-e enlem nin nap kit kendam wirik nibidnak nap woralar-e, an neyabu iri-ge nggok tak pimin-o.

OROMA 12:3

Nde, Mbal Pem Nagawan-nen we wok ondoso elem wok nirid iri na bem-nen kit oboksa nggomo kindimin-o. Woragwi ndak ndak kek yurak na keya buruk, kit na kit-net terak mena kek yurak pug-o. Are, kat woraso kabage na yebet karuk, kinndi tebe luk, kit kondomok tak-nen Mbal Pem Nagawan-nen kinndi angin tubu yugwi mende wok kindidnak na ndak ndag-et ”An-e iri nggal worasu-o” luk yebet ker-o.

1 KORINTUS 4:1

Ap-nen yik neneyagolar-e, Kerisut ndegel ubugwi nab-er-o luk nenperagolat, Mbal Pem Nagawan-nen kura bidnak wene tena woragwi nab-er-o luk nunpurujwag-o.

NGGALATIA 1:13

An-e Yawuri nap-nen tena woragwi wene na tena worasolat-nen kwat tenak worasolar-e, Mbal Pem Nagawan-nen idnak lambuk tak inpidnak nap enabuwa lag-et lel mberel onposolat, mondok lak tak enpeyekluk kwarigi wene na kuligep nar-o.

EPESUS 1:10

Mbal Pem Nagawan-nen ”Irit timin-o” luk lud tak pid wene-ge yu-o: Misiget tak purak tarem-e ndak yosola-ge, aid arem woraso tengge min nggweyak ma woraso tengge min, ndak worak pidnak tengge pik paksa-ge Kerisut ebem-nen mondok lambuksa misiget tak puwa-o.

EPESUS 3:7

Mbal Pem Nagawan-nen we wok ondoso elem wok norosolar-e, at amawi bem-nen aid wene ndegel oboso nap kwat nibij-o.

EPESUS 3:8

Marak nap oboksa ennggendumu-nen an-e nagweyak nggal-et nde, Kerisut arengge wonarurak puk mende iri-ge enlem nin nap yak unduwakluk, Mbal Pem Nagawan-nen we wok ondoso bem-net wok neramu-o.

EPESUS 3:9

”Mbal Pem Nagawan-nen kura bidnak wene na ndak ndak tak posolar-e, yu nggal kwaruwa-o” luk an-e ap pidsa mirik unpusu-o. Yi mende ndi mende oboksa ndak worak pidnak Mbal Pem Nagawan na arem-e obi-net wene na kura irit woragaij-o.

EPESUS 4:21

Nde, kir-e ndemeret at owene kuligep me, ndemeret wene iri-ge Yesus ebem worasu iri na-t mul kindiga-o.

EPESUS 4:7

Alat nde, Mbal Pem Nagawan-nen nenariktak we wok nondosolar-e, Kerisut-nen wok nondoso mende ndak wosa iri na min ndak ndag-et wok nindij-o.

KOLOSE 1:4

Iri yili iri-ge, Kerisut Yesus ebem kit kinndi angin tubu yigep wene min marak nap oboksa enabuwa kali wene min kuluruk-nen yili-o.

KOLOSE 1:6

Nde, kit kendam wok yid aid wene iri-ge iri nggal-et nggweyak ma yu me yi wi ndi wi wigak yosolar-e, ebe kwat yusu-o. Mbal Pem Nagawan-nen we wok ondoso elem obok na kulurug-e, ndemeret kenaru yigep kuri-nen yawo tarem-e kit kennggendumu-nen na irit aid wene wigak yusu-o.

1 TIMOTIUS 1:11

Ndemeret wene iri-ge mondok erembel wanugwi kek tak Mbal Pem Nagawan-nen idnak Konak Wene-ge an-nen yuwakluk nebem pidnak wene iri-nen yusu-o.

1 TIMOTIUS 1:4

”Tisiya wene min ineid onmbo nderak lolo pok tak pugwi buk wene iri-ge keya ber-o” luk yak indi-o. Iri wene yogolar-e, suwal suwal ndi wurugwi elem-nen yusu me, ninndi angin tubu yidnak pem Mbal Pem Nagawan-nen ninmiri yoso elem iri na kabak tak pusu-o.

1 TIMOTIUS 2:7

Wene yu bem-nen an-nen-e enlem nin nab-e inndi angin tubu yurak wene min ndemeret wene min yak unduwakluk, wirik nibidnak nap min mul ondoso nap min irit len nebamu-o. Nde, an-e nenesiget yusu-ge lag-o. Ndemeret lombok yak kundusu-o.

2 TIMOTIUS 1:11

Aid wene yu tumburuwakluk, an-e yil noso nap, wirik nibidnak nap, mul ondoso nap iri rak nibij-o.