EPESUS 3:19 - Nanduk Ngget Tul Pidnak Wene

¹⁹ At-nen nenabuwa kaidnak iri-ge mondok nenaru momtag-e meya-t nde, Kerisut-nen ap enabuwa kaso elem na kenaru yugupndig-e, Mbal Pem Nagawan arem kobong tak woraso mende iri-ge kit kobong tak kunpuwakluk tepan yoso-o.

EPESUS 3:19 ပူးပေါင်းရင်းမြစ်များ

NDAWI ENGGA 43:4

Wok yimindig-e an-e an nalen tak poso elem Nembal Pem Nagawan kat kamanggim kan pugwi sa mbirimin-o. Mbirimindig-e, Mbal Pem Nagawan, Nembal Pem Nagawan wa-e. Kat kerembel wanosolat an-e ndawi yosolar-e, kecapi pobo ene rak pimin-o.

MATIUS 5:6

Nde, lud tak nak kwarurak ukwe kwarat kali nab-e Mbal Pem Nagawan-nen inndi teyok tak unpuwa me, enalen kali-o.

YOANES 1:16

At arem-e enabuwa kaso elem kobong tak me, nit pidsa nenabuwa kundugu kasolat, imbiringgat tak nonposo-o.

YOANES 17:3

Unlug-et pem-et woralik nalik momtak elem-e ap-nen Mbal Pem Nagawan Lud tak Nak Kwaroso kat misiget nak enaru yogolat, kat wirik ibil lobok yigen nap Yesus Kerisut na enaru yogolat yugwi irir-o.

OROMA 8:35

Kerisut-nen nit nenabuwa kaso iri na arem woragola-ge, ta-nen kuri worak nunpuwa-o? Inndi kabak yugwi mende-nen na, angin worak mende-nen na, lel mberel unpugwi mende-nen na, nere-nen na, enarengge lak woragwi bem-nen na, kwiye kagwi mende bem-nen na, wim-nen na, iri-nen-e Yesus nenabuwa kaso iri na arem-nen kuri worak nunpuwa-a?

OROMA 8:39

teram woraso mende-nen na, nggweyak ma woraso mende-nen na, ndak worak pidnak mende erep obok-nen na, oboksa-nen-e Nenagawan Indo Kerisut Yesus ebem Mbal Pem Nagawan-nen nenabuwa kaso iri na arem-nen kuri worak nunpurag-e meya-nen yusu-o luk an nindi angin tubu yusu-o.

2 KORINTUS 5:14

Nde, Kerisut-nen nit nenabuwa kaso elem-nen-e nit tena nunpuruk worasola me, nit-nen yebet kagolar-e, ap misiget nak-nen ap oboksa enmanggim wat yid iri bem-nen ap oboksa wat yikma-o.

NGGALATIA 2:20

An nuruk worasu yu-ge an-nen nuruk worasu-ge lag-o. Are, Kerisut perak nde an narem uruk worasu-o. Nde, yawo an nuruk worasu yu-ge, an nabuwa-nen at-net at ambikpebe iminep wesel koragaid nap, Mbal Pem Nagawan Ambara ebem nindi angin tubu yidnak pem-net nuruk worasu-o.

EPESUS 1:23

Nde, lambuk tak inpidnak nap iri-ge Kerisut ebe-nen yusu-o. Iri yidnak nap-nen-e Kerisut na ndak tak ibili-o. Nde, Kerisut iri-nen-e yi mende ndi mende oboksa-ge ndak tak poso-nen yusu-o.

EPESUS 3:18

kit min marak nap oboksa min-nen-e Kerisut-nen ap enabuwa kaso elem na ndak worogolar-e, abag-e ngge nggal-o, mot nggugurig-e ngge nggal-o, teram-e ngge nggal-o, arem-e ngge nggal-o luk kenaru yobokluk an-e kenmanggim tepan yoso-o.

EPESUS 5:2

Kerisut na-ge nit nenabuwa kagaid nggal, iri nggal kir-e ap enabuwa kagwi elem pem-et waring kagolat wolmer-o. Kerisut-e nit nenabuwa kasolar-e, nit nenmanggim at-nen at ondomok indi wisirik posolar-e, Mbal Pem Nagawan indi alen tak poso emben konak mende nggal luk, at eyabi Mbal Pem Nagawan amanggim pij-o.

EPESUS 5:25

Konkwerak worak nap oboksa wa-e. Kerisut-nen lambuk tak inpidnak nap enabuwa kasolar-e, it enmanggim at-net at ondomok indi wisirik pid nggal, iri nggal-et kit na kit konkwerak enabuwa kagolat wolmer-o.

PILIPI 1:7

An-e pempa pempa kit oboksa kenperasu iri-ge, kir-e an narem nggwidnak me, lud tag-et yebet keneyasu-o. Nde, an-e o kubu me worala-nen na, an-e aid wene na imiri alat, tugup lak tak peyekluk yosola-nen na, Mbal Pem Nagawan-nen we wok ondoso mende wok niridnak iri na-ge kir-e an nimin totno wanili-o.

PILIPI 4:7

Iri kwarugup ala-ge, ki nap inndi nggat nggat iri-ge teberag-o. Nde, Mbal Pem Nagawan-nen idnak lambuksa woragwi elem terak minik iri-nen Kerisut Yesus ebem-nen kit kinndi min yebet kagwi min-e parugu wolma-o.

KOLOSE 1:10

Iri rak konposola-ge, Nagawan Indo erengen pem kir-e ndak ndak yogolat, yi mende ndi mende bem at alen tak ubugub-o. Nde, kit-nen yi kwatlik ndi kwatlik kwarogolar-e, engen-e konak nak pogolat woragub-o. Nde, Mbal Pem Nagawan kenaru yogolat na, kwarat kenaru yuwa-o.

1 PETERUS 1:8

Yesus Kerisut iri-ge kir-e kagwi bug-et nde, abuwa kali-o. Yawo na kali bug-et nde, ebem kinndi angin tubu yili-o. Iri bem-e, kit kenalin kenalen pem-et Mbal Pem Nagawan erembel wanili iri-ge wene yurag-e meya-o.

2 PETERUS 3:18

Alat nde, we wok ondoso elem wanogolat na, Nenagawan Indo Ninmiri Yoso Yesus Kerisut kenaru yogolat na kit kenarem-e anggam nambek anggam nambek kwarat mag-o. Yawo-nen na irit, woragolat nagolat-nen na irit, at nak kek tak pogolat wolmag-o! Amen.