EPESUS 3:18 - Nanduk Ngget Tul Pidnak Wene

¹⁸ kit min marak nap oboksa min-nen-e Kerisut-nen ap enabuwa kaso elem na ndak worogolar-e, abag-e ngge nggal-o, mot nggugurig-e ngge nggal-o, teram-e ngge nggal-o, arem-e ngge nggal-o luk kenaru yobokluk an-e kenmanggim tepan yoso-o.

EPESUS 3:18 ပူးပေါင်းရင်းမြစ်များ

NDAWI ENGGA 103:17

Alat nde, Nagawan Indo-ge at aye worak woragwi nap pem irit enabuwa kasolat, at-nen konak nak kwat onposo mende-ge ap pem lud irit pem kundugu kandugu kwat onposolat woraso iri-ge

NDAWI ENGGA 116:15

Nagawan Indo-nen-e at-nen indi kundik woragwi nap wat yogola-ge, enabuwa kwarat kasu-o.

NDAWI ENGGA 132:9

Worala-ge, kat kilirag-e enalen-nen enne nggu lek kagolat, nde, kat-nen yidnak tepan ombo-ge pempa kat-nen yidnak yidnak nak kwarogolat wolmag-o.

NDAWI ENGGA 139:6

Kat-nen karu yidnak iri-ge mondok arem-et me, an-nen yebet kudtag-e meya-o. An-nen yebet kaso bem-nen yik kudtag-e meya-o.

NDAWI ENGGA 145:10

Nagawan Indo wa-e. Kat-nen ndak worak pigen oboksa-nen kat nak kerembel wanuwa-o. Kat kilirak oboksa-nen kat nak wiwa-o luk yak kuruwa-o.

YESAYA 55:9

Nggweyakma yu me-nen mbal-e mondok teram kali iri nggal-et, an-nen yebet kaso-ge kit-nen yebet kagwi-ge teberak puruk, terak minik teram-net yusu-o. Nde, an-nen kwaroso na kit-nen kwarugwi-ge teberak puruk, terak minik teram-net yusu-o.

YOANES 15:13

Ap-nen anggamirak enabuwa mondok nggulok kasu nap-nen-e it enmanggim at ondomok iminep wisirik pusu irir-o.

OROMA 10:3

Mbal Pem Nagawan-nen ap lud tak nak unpurak kwaroso iri-ge ir-e nenaru buk me, it inndi-n pidnak pem lud tak nak unpuwa-o luk peragolar-e, ir-e Mbal Pem Nagawan indi-nen pidnak na kwatli bug-o.

2 KORINTUS 13:13

Nagawan Indo Yesus Kerisut-nen we wok ondoso elem min Mbal Pem Nagawan ap enabuwa kaso elem min Konak Indi ebem woragolat nanggam kanggam woragwi elem min-e kit pidsa kinmin wolmag-o.

NGGALATIA 2:20

An nuruk worasu yu-ge an-nen nuruk worasu-ge lag-o. Are, Kerisut perak nde an narem uruk worasu-o. Nde, yawo an nuruk worasu yu-ge, an nabuwa-nen at-net at ambikpebe iminep wesel koragaid nap, Mbal Pem Nagawan Ambara ebem nindi angin tubu yidnak pem-net nuruk worasu-o.

NGGALATIA 3:13

Alat nde, Kerisut-e imiri mbarak pidnak wene-nen imbiri lamut tak ninpidnak iri na inggiyem-nen nonnggo buruk weserak nenpeyekluk, nit nenmanggim imbiri lamut nde agaij-o. Mbal Pem Nagawan engga bem-nen yosolar-e: ”E bem panggarak inpidnak nab-e inmbiri lamut mag-o” luk yij-o.

EPESUS 1:10

Mbal Pem Nagawan-nen ”Irit timin-o” luk lud tak pid wene-ge yu-o: Misiget tak purak tarem-e ndak yosola-ge, aid arem woraso tengge min nggweyak ma woraso tengge min, ndak worak pidnak tengge pik paksa-ge Kerisut ebem-nen mondok lambuksa misiget tak puwa-o.

EPESUS 1:15

Iri bem-e, kit kinndi-ge Nagawan Indo Yesus ebem angin tubu yidnak wene min Mbal Pem Nagawan winde nap oboksa enabuwa kali wene min kulurug-e,

EPESUS 3:19

At-nen nenabuwa kaidnak iri-ge mondok nenaru momtag-e meya-t nde, Kerisut-nen ap enabuwa kaso elem na kenaru yugupndig-e, Mbal Pem Nagawan arem kobong tak woraso mende iri-ge kit kobong tak kunpuwakluk tepan yoso-o.

KOLOSE 1:4

Iri yili iri-ge, Kerisut Yesus ebem kit kinndi angin tubu yigep wene min marak nap oboksa enabuwa kali wene min kuluruk-nen yili-o.

1 TIMOTIUS 3:16

Nit-nen Mbal Pem Nagawan erembel wanugwi kura bidnak wene iri-ge ndemeret nggok lombok-nen yusu-o: ”At ondomok-net ki nap enpage nggal luk, nam yij-o. At lud tak nak kwaroso iri-ge Konak Indi-nen nam tak pij-o. Aid nap inmbiri bem nam yij-o. At owene-ge Mbal Pem Nagawan enaru buk nap ennggendumu yiga-o. Nggweyak ma yu me-nen inndi-ge at ebem angin tubu yiga-o. Abinal pem lek karuk lagaij-o.”

NAM PARA WENE 3:21

An na namawi luk ombol nggwe yigirig-e, an Neid nagawan koreyak woraso ondoro iri me at eralu koreyak worasu iri nggal-et amawi luk ombol nggwe yuwa nab-e an-nen-e nagawan an koreyak woraso ondoro iri me an neralu koreyak ibimin-o.