EPESUS 3:16 - Nanduk Ngget Tul Pidnak Wene

¹⁶ An-e Mbal Pem Nagawan emengen mbarosolar-e: ”Kat kunu kek tak woraso utlud lombok iri-nen kat Kindi ebem-nen it inndi amawi rak posolat, inndi tugup lak tak posolat,

EPESUS 3:16 ပူးပေါင်းရင်းမြစ်များ

NDAWI ENGGA 138:3

An-nen kat keram wene pil luwasola-ge, kat-nen nene erep nggarosolat, kat-nen nindi uwi yabosola, an-e kwiye kaso bug-o.

YESAYA 41:10

Kwiye yusu-ge meyog-o. An-e kat kimin worasu-o. Kwiye-nen pabok purak pug-o. An-e kat Kembal Pem Nagawan-nen yusu-o. An-nen kar-e tugup lak tak kobosolat, yongga korosolat, ninggi amawi bem yogo kuburuk woramin-o.

YEREMIA 31:33

Nde, an-nen Isarael nap inmin ngget urul yak indimin wene-ge yu-o: An-nen idnak imiri mbarak pidnak wene-ge it inndi arem posolat, it inndi bem mbarosolat yimin-o. Nde, an-e it Enmbal Pem Nagawan kwat yosolat, ir-e an nilirak kwat yogolat ma-o.

MATIUS 6:13

Nit ninndi ngaruwakluk keya nunpurak pug-o. Are, Sere inggem-nen ninmiri yi-o.

OROMA 2:29

Are, it inndi-ret Yawuri yidnak nab-e ndemeret Yawuri nap-nen yusu-o. Nde, ndemeret iniye ambasap wabidnak iri-ge Mbal Pem Nagawan Indi-nen it enarem yabu wanosola, inndi ambasap wabidnak iri-net yusu-o. Nde, iri-ge imiri mbarak pidnak wene-nen kwaridnag-e lag-o. Mbal Pem Nagawan Indi-nen kwaridnak-nen yusu-o. Iri kwat ibidnak nap erembel wanogolar-e, ki nap-nen wanuwa-ge lag-o. Mbal Pem Nagawan-net at erembel wanuwa-o.

OROMA 7:22

Nde, an nindi arem-nen-e Mbal Pem Nagawan-nen idnak imiri mbarak pidnak wene wanurag-e nindingen-et nde,

OROMA 9:23

Nde, Mbal Pem Nagawan-nen nunpud kaso nap, nunnu kek tak purak pem len inpidnak nap nit mirik nenpeyekluk yosola-ge, at nunpud kaso elem iri nggilara nenpem pil mbuwasola-ge, nit-nen yi lik ndi lik yurag-e meya-o.

1 KORINTUS 16:13

Kenpage kwil kwalsa wolmer-o. Kinndi angin tubu yidnak pem tugup lak woragolat, kwiye lag-et woragolar-e kenarong min wolmer-o.

2 KORINTUS 12:9

Alat nde, Nagawan Indo-nen nene erep nggarosolar-e: ”Kat ndeyak yidnak pem an namawi-ge iminep mbal yusu me, an-nen idnak we wok ondoso elem-e kat kamanggim-e ndak-nen yusu-o” luk yij-o. Iri bem-e, Kerisut amawi an nebem mbumag-o luk an ndeyak yidnak pem an nindi kek tak posolar-e, an nalin nalen kasu-o.

2 KORINTUS 4:16

Iri bem-e nit ninndi lele yili bug-o. Nit nenaboro yu-ge piri yusu-t nde, nit ninndi yu-ge pelin na pelin na ngget tak nak pusu-o.

EPESUS 1:18

An-e Mbal Pem Nagawan emengen mbarosolar-e, kit kinndi erengen kuwarak puwakluk yoso-o. Iri-ge kuwarak posola-ge, Mbal Pem Nagawan-nen kit wene mbo kinpidnak kinndi mbung mbung tag-e ngge-o luk kenaru tobok-nen na, Mbal Pem Nagawan winde nap enmanggim at arengge mondok kwarat lid lud tak pidnak iri na kenaru tobok-nen na,

EPESUS 1:7

Kerisut ebem-nen na, at eyabi wirik pidnak pem-nen na nit nonnggo posolat, nit meya yidnak amberam tak posolat yij-o. Mbal Pem Nagawan-nen we wok ondoso elem iri-ge

EPESUS 2:7

Iri kwat ninpid iri-ge, abok pempa woragolat-nen-e at-nen we wok ondoso elem utlud iri-ge Kerisut Yesus ebem at-nen konak nak kwaroso iri na mirik nenpeyekluk kwat ninpij-o.

EPESUS 3:15

Nde, aid arem woragwi enlem na irit, nggweyak ma yu me woragwi enlem na irit, it pidsa unnu-ge Nineid na-nen nak yaroso-o.

EPESUS 3:8

Marak nap oboksa ennggendumu-nen an-e nagweyak nggal-et nde, Kerisut arengge wonarurak puk mende iri-ge enlem nin nap yak unduwakluk, Mbal Pem Nagawan-nen we wok ondoso bem-net wok neramu-o.

EPESUS 6:10

Worok tak posolar-e, Nagawan Indo ebem woragolar-e, at amawi kwarat iri bem kenarong worak irit wolmer-o.

PILIPI 4:13

Amawi wok noroso Kerisut na ebem-nen-e an-e yi mende ndi mende pidsa ndak kwarimin-o.

PILIPI 4:19

Nde, Nembal Pem Nagawan-nen-e kit-nen ukwe peraidnak mende oboksa-ge Kerisut Yesus ebem-nen at eram woraso arengge mondok kwarat iri wok kondosolat wolma-o.

KOLOSE 1:11

Enpem mboso mende oboksa kenpem mbosola-ge, kinndi luruk puruk woragolat, kenalen min-et woraboklug-e, at amawi kwarat iri-nen kenmawi rak posola-ge, kit kenmawi yugub-o.

KOLOSE 1:27

Mbal Pem Nagawan-nen ”Irit timin-o” luk yidnag-e yu nggal-o. At-nen idnak kura wene, kek tak pidnak wene iri-ge, ap enlem oboksa ennggendumu-nen nam tak purag-o luk yusu-o. Nde, kura wene iri-ge yu-o: Kerisut kit kenarem worala-ge, Mbal Pem Nagawan unu kek tak pidnak iri-ge totno-t wanul-o luk kinndi mbung mbung tak wolmomtag-o.

KOLOSE 2:2

Iri yusu iri-ge, it inndi yanggo luk, it na it-nen nabuwa kabuwa woragolar-e, it inndi-n kwara yebet kagola-ge, Mbal Pem Nagawan-nen idnak kura wene enaru makluk iri yusu-o. Nde, kura wene iri-ge Kerisut at-net yusu-o.

2 TIMOTIUS 4:17

Alat nde, Nagawan Indo an nimin worala me, aid wene pidsa-ge an-nen ndak yak ondosola, it enlem nin nap oboksa kuluwaklug-e, amawi wok nirij-o. Iri nggal yosolar-e, singa ndakngge emendam-nen mengga keya nibij-o.

IBERANI 11:34

kan kwiye worak mende-t nde, nigirik pogolat, yalawi bem mbal unpuwokluk yidnag-et nde, kwiye mborogolat, kwarogolat woraiga-o. Ir-e ndeyak yidnag-et nde, amawi yogolat; wim mbarogolar-e, it enmawi lagolar-e, elem nin nap wim nap kere kwarat nde, urugwe nggwe rak onpogolat woraiga-o.

1 PETERUS 3:4

Are, kinndi kigirik wolmomtak iri-ge kinndi arem nak-nen mburuwag-o. Nde iri-ge pem-et wolmomtak indi yamanak, yamuksa woragwi indi iri-ge Mbal Pem Nagawan erengen pem-e onggo nggulok mende-nen yusu-o.