EPESUS 2:3 - Nanduk Ngget Tul Pidnak Wene

³ Nde, ndemeret nit oboksa-nen na nandug-e it worali nggal-et woraige-o. Iri nggal woragolar-e, nit nenpe-nen ukwe ukwe yugwi mende nak kwarogolar-e, nit nenpe min nit ninndi meya iri-nen ukwe yidnak mende na kwarogolat woraige-o. Iri kwarogola-ge, Mbal Pem Nagawan isilepma-ge it erep enpem pusu iri nggal, nit nenpem na purag-et woraige-o.

EPESUS 2:3 ပူးပေါင်းရင်းမြစ်များ

NDAK WIRIDNAK WENE 5:3

Nde, Aram na worasolar-e, olengen seratus tiga pulu (130) worarug-e, Aram na-ge li ap at nggal ndop nok tak mbi ndagij-o. Ndaguruk, unu-ge Set yarij-o.

NDAK WIRIDNAK WENE 6:5

Woragola-ge, Nagawan Indo-nen-e ap ereba-ge it inndi-ge meya kwarurak nak kobong tak, it-nen na yi meya ndi meya nak kwat tenak woragola, eneyasolat woragij-o.

NDAK WIRIDNAK WENE 8:21

Kan pamu-ge emben konak iri na-nen Nagawan Indo indi alen tak posola karuk, Nagawan Indo indi-nen perasolar-e: ”An-e abog-e it-nen kwatli iri-nen ndowaga-ge nggweyak ma yu-ge mondok imbiri lamut tak pimin pug-er-o. Nde, it nggweyak ma nap yu-ge marikmu-net inndi-ge meya nak yebet kagwi iri-ge an-e naru-t me, yawo urugup worak oboksa lak tak pigi yu nggal-e abog-e mondok kwarimin pug-o.

AYUP 14:4

Meya kwarugwi nap-nen-e konak iminep mbarak mende mbi-ge mondok kwarugwi bug-o.

NDAWI ENGGA 51:5

An-e ndemeret nanduk ndesa mbosolat-net meya elem iri na parugu ndesa mbidnak-nen yusu-o. Niya arem-net meya mbitlik-nen yusu-o.

YESAYA 53:6

Nit oboksa lomba wam kabak yidnak nggal woragolat, tu-ge nindi-n pidnak ndomok mburugwi-o. Alat nde, Nagawan Indo-nen-e nit-nen meya kwarugwi-ge oboksa at ebem yatku bamu-o.

MARAKUS 4:19

nggweyak ma mende unmud kagwi mende min yi mende ndi mende ombo wolmomtak indingen kagwi min ukwe akwe mende min enarem nggosolar-e, iri na-nen aid wene wanidnak na nggetla keya bosolar-e, ebe kwat yusu bug-o.

YOANES 1:13

Iri yidnak nap ndet onposolar-e, ki nap-nen ndet inpigit lag-o. Are, Ineid Mbal Pem Nagawan at-net ndet inpij-o.

YOANES 8:44

Kir-e Sere ilirak-nen yili me, kineid indi-n pidnak nak kwaruwokluk yili-o. Nanduk-net ar-e ap woroso-nen yusu-o. Ndemeret wene-ge at arem mondok lak me, lud tak nak kwarugwi mende at arem-e woraso bug-o. At-nen enesiget wene yosolar-e, at-nen kwaroso mende irit kwarusu-o. Enesiget wene yoso, nde, enesiget wene pidsa elem-e at-net yusu-o.

YIDNAK YIDNAK WENE 14:16

Nanduk ereba woragola-ge, ab-e ap pidsa-t it untula ndomok mburuwag-o luk Mbal Pem Nagawan-e yumbuk nak eneyasolat woragaij-o.

OROMA 1:24

Iri kwarogola karuk, Mbal Pem Nagawan-nen-e keya inpij-o. It inndi-nen ukwe ukwe peragwi nak langgal luk mborogolar-e, it na it-net innggiri lag-et ondomok enpe meya yik korali-o.

OROMA 11:30

Enlem nin nap kir-e nanduk Mbal Pem Nagawan-nen yidnak wene kuruk togolat woraigeb-et nde, yawo-nen-e it Yawuri nap-nen Mbal Pem Nagawan-nen yidnak wene kuruk tidnak pem, Mbal Pem Nagawan-nen kit kunpud kasu-o.

OROMA 13:14

Alat nde, kit-nen mondok kwarurak iri-ge nagawan Indo Yesus Kerisut nak-nen mirik kunpuwag-o. Nde, ki nap enpage meya inndi-nen ukwe ukwe kwarugwi iri-nen yidnak nag-e kwarurak pug-o.

OROMA 2:14

Enlem nin nap na-ge Musa-nen imiri mbarak pidnak wene iri na enaru buk woragolar-et nde, imiri mbarak pidnak wene-nen ”Iri nggal kwaru-o” yidnak iri na it inndi nak-nen kwaruwarig-e, imiri mbarak pidnak wene na-ge ir-e wanigit lag-et nde, it inndi-ge it ondomok enmanggim imiri mbarak pidnak wene kwat yusu-o.

OROMA 5:10

Nir-e Mbal Pem Nagawan imin wim mbarak woraige-t nde, at Ambara wat yid na bem-nen nir-e Mbal Pem Nagawan imin lambuk yige iri-ge ija-t nde, Mbal Pem Nagawan imin kundik nunpuruk, Yesus uruk woraso bem nit ninmiri yuwa iri perak nde ija lombog-o.

OROMA 5:9

Yawo-ge Yesus eyabi bem-nen lud tak nak ninpidnak worali iri-ge ija-t nde, Mbal Pem Nagawan isilepma-ge nit nenpem mbuma naru, Yesus-nen ninmiri yuwa iri perak nde ija lombog-o.

OROMA 6:12

Iri bem-e, kit kenpe-nen ukwe ukwe yugwi mende iri na langgal luk mburugup naru, kit kenpe piri momtak iri-ge meya kwarugwi elem-nen winde luk wolmomtag-e meya-o.

OROMA 7:18

Ki nap-nen kwarugwi mende-ge an narem worasu me, konak kwarurak elem-e an narem worasu bug-o luk an-e naru yusu-o. Nde, konak nak kwareyeg-o luk, narem perasola-t nde, kwarurag-e meya yusu-o.

OROMA 9:22

Nde, iri nggal-et Mbal Pem Nagawan-nen kwaroso-o. At isilepma-ge nam tak posolat, at amawi na mirik onposolat eyekluk yij-et nde, at isilepma rak pili nab-e lak tak enpeyekluk lid lud tak pij-et nde, it inmin-e indi luruk puruk woragaij-o.

1 KORINTUS 4:7

Kar-e ta-nen nde kek tak keyasu-o? Kat karengge worasu iri-ge Mbal Pem Nagawan-nen wok kirigit lag-a? Iri bem-e, we wok kiridnag-et nde, kar-e noluk-nen kat-nen wanidnak nggal tak puruk, kondomok kek yusu-o?

2 KORINTUS 7:1

Nanggamirak kenabuwa worak wa-e. Urul pidnak wene oboksa-ge nit-nen idnak me, nit na nit-net nondomok marak nap yogolar-e, nenpe min ninndi min kik tak nunpurak mende iri marak puruk, Mbal Pem Nagawan indi aye min woragolar-e, mondok marak iminep mbarak irit wolmog-o.

NGGALATIA 3:22

Alat nde, Mbal Pem Nagawan engga bem-nen yosolar-e, nggweyak ma nap oboksa-ge meya kwarugwi elem urugwe nggwe rak ninpidnak worali-o. Iri bem-e, inndi-ge Yesus Kerisut ebem angin tubu yidnak nap-nen urul pidnak na-ge wok unduwa-o.

EPESUS 2:2

Woragolar-e, kir-e nggweyak ma yu me-nen kwarugwi mende nak kwarogolat teram enggendumu yu tena woraso indi nagawan-nen yidnak yidnak nak kwarogolat woraigeb-o. Indi nagawan iri na-ge yawo-ge Mbal Pem Nagawan ene kuruk tugwi nap enarem yabu wanoso-nen yusu-o.

EPESUS 4:22

Iri bem-e, kir-e nanduk-nen kwarogolat woragwi kenpage iri na mondok keya ber-o. Nanduk-nen kwarugwi kenpage iri-ge at-nen ukwe ukwe yoso bem-e at na at-net kabak tak obosolat, meya yik korasu-o.

KOLOSE 1:21

Nanduk kir-e Mbal Pem Nagawan imin nuruk tak woragolar-e, kit kinndi-n peragwi bem-nen na, kit meya yugwi bem-nen na, Mbal Pem Nagawan imin wim mbarak woraigeb-o.

1 TESALONIKA 4:13

Nennggamirak wa-e. At ebem inndi mbung mbung tak woragwi buk nap-nen inndi puru pera yili nggal, kit-nen na iri nggal kinndi puru pera yugup naru, wat yidnak nap iri nggal kwat unpuwa-o luk kenaru wolmomtak iri-ge nir-e nindingen-o.

1 TESALONIKA 5:6

Iri bem-e, nin nap-nen nene yogolat worali nggal, nit na nene yurak pug-o. Are, nir-e nunluk woragolat, ninndi min-et wolmog-o.

1 TIMOTIUS 6:9

Alat nde, ”Ninsilobulo worak nap yuwog-o” yugwi nab-e it inndi ngaroso mende bem-nen wosa mbogolat, kere ma ngonok yogolat, ebe lak mende, meya rak onposo mende irit ukwe ukwe yili-o. Iri mende-nen-e ap abapno rak onposolat, ap lak tak onposolat yoso-o.

TITUS 3:3

Nit na irit nandug-e nenaru buk woragolat, yidnak yidnak kwarigit lak lugud tak nak kwarogolar-e, nit-nen ukwe ukwe yugwi mende min nit nindingen mende pidsa-nen urugwe nggwe rak ninpidnak woraige-o. Meya kwarurak nak peragolat, enambuwon mbarogolat, nin nap inmin nisili kisili woragolat kwat tenak woraige-o.

1 PETERUS 1:14

Kir-e Mbal Pem Nagawan-nen yidnak yidnak nak kwarogolat wolmer-o. Nde, kit nanduk Mbal Pem Nagawan kenaru buk woragolat-nen kinndi-nen ukwe ukwe yoso-nen yidnak yidnak kwarugwi na kwarurak pug-o.

2 PETERUS 2:14

It inndi kundig-e mbabi yugwi kwami iri na enpem enlengen yumburugwi me, ir-e meya kwarurak pem insili yoso bug-o. It iri-nen-e kwara inndi angin tubu yigit lak nap na enare pili-o. It inndi-nen ukwe akwe bem mbarak purak puk mamarak pidnak me, it iri-ge Mbal Pem Nagawan-nen inmbiri lamut tak inpidnak-nen yili-o.

2 PETERUS 2:18

Ir-e inndi kek tak pem wene kwiye worak yili-t nde, ebe lak wene yogolar-e, mbabi kwarurak pem ukwe akwe yugwi iri na bem-nen kabak yidnak nap ennggendumu-nen nggeret inndi angin tubu yili nap enare pili-o.

1 YOANES 2:16

Nggweyak ma woraso mende pidsa-ge yu-o. Enaboro-nen ukwe ukwe yugwi mende min enlengen-nen karuk ukwe ukwe yugwi mende min nggweyak ma mende bem ap-nen ondomok entembel wanugwi mende min iri-ge Nineid eram-nen lobok yidnak mende-nen yusu-ge lag-o. Nggweyak ma-nen idnak mende-net yusu-o.

1 YOANES 2:8

Iri nde, mbal kundusu wene yu-ge imiri mbarak pidnak wene ngget-nen yusu-o. Wene ngget yu-ge Kerisut ebem-nen na, kit kenpem-nen na, yu-ge ndemeret wene-nen yusu-o luk yenggerak pili-o. Ndamuk na lak yosolat, ndemeret yaya-ge yaya rak pusu-o.