EPESUS 2:20 - Nanduk Ngget Tul Pidnak Wene

²⁰ O ugwi wirik inpidnak nap min Mbal Pem Nagawan ene lomboksa yugwi nap min enpem-nen wiridnak nab-e kit-nen yili-o. Nde, o paro pidnak iri-ge Kerisut Yesus-net yusu-o.

EPESUS 2:20 ပူးပေါင်းရင်းမြစ်များ

NDAWI ENGGA 118:22

O wurugwi nap-nen o worogolat lena keya bidnak kerep iri na nde tugup lak o mabin kwat yij-o.

YESAYA 28:16

Iri kwatli iri bem-e Nagawan Indo Mondok Kek tak iri na-nen yosolar-e: ”Abok an-nen-e o mabin tugup lak wat kudtak puk iri-ge Sion iri me-t pimin-o. Kerep mondok amawi worak onggo nggok irit ebem wene mbara posolar-e: ’Ta-nen nde mondok indi an nebem wat tak puruk wolma-ge urugwe nggwe rak puwa bug-o’ luk yaga mbarak kerep irit pimin-o.

MATIUS 16:18

Iri bem, an-nen yak kereyeg-o: Kar-e Peterus-nen yusu-o. Nde, kerep yu bem-nen an-nen idnak lambuk tak inpidnak nap iri-ge o wurugwi nggal wirimin-o. Nde, wat momtak elem amawi-nen an lambuk tak inpidnak nap iri na mondok urugwe nggwe rak unpuwa bug-o.

MATIUS 21:42

Yogolikma-ge, Yesus-nen it yak ondosolar-e: ”Kir-e Mbal Pem Nagawan engga mbarak pem-nen wene yu-ge wonarugwi bug-a? Wene iri-nen yosolar-e: ’O wurugwi nap-nen mbo bidnak kerep iri-ge o unggut paro bidnak irit kwat yij-o. Iri agaid iri-ge Nagawan Indo-nen kwaridnak me, nit nenlengen ma-ge kwiye worak mende irit kali-o!’

1 KORINTUS 12:28

Nde, Mbal Pem Nagawan-nen ap lambuk tak inpidnak ennggendumu ap pidsa onposolar-e: Nandug-er-e wirik inpidnak nap onposolat, imbirig-e, Mbal Pem Nagawan ene lomboksa yugwi nap onposolat, imbirig-e, ap mul undugwi nap onposolat, iri rak puruk imbirig-e, kwiye worak mende kwarugwi nap min ap ki rak unpurak amawi wok indidnak nap min yongga undugwi nap min enne kulugwi nap min nin wene nan wene bem yugwi nap min irit inpij-o.

NGGALATIA 2:9

Iri ala-ge, it-nen-e Mbal Pem Nagawan-nen we wok ondoso mende an wok niridnak na karug-e, ap sarok Yakobus min Peterus min Yoanes min-nen-e an min Mbaranabas min nininggi tena buruk, wa yak kerak mbogolar-e, nit ninndi misiget yogolar-e, yu nggal yige-o: Nit nenmbereg-e enlem nin nap endam mborogolat, nde, ir-e Yawuri nap endam mborogolat mul-o luk yige-o.

EPESUS 3:5

O nggetnem ereba-ge kura wene iri-ge nggweyak ma nap yak indigit lag-et nde, yawo-n Konak Indi bem-nen-e marak inpidnak wirik inpidnak nap min Mbal Pem Nagawan ene lomboksa yugwi nap min-e nam para mirik inpij-o.

KOLOSE 2:7

at ebem kennlengen kundik woragolat, at ebem-et tugup lak mendak wolmer-o. Mirik kinpidnak na ndak ndag-et kinndi angin tubu yidnak na bem tugup lak woragolar-e, at imin-e ”Wiwa-o” luk kwarat yak togolat wolmer-o.

1 PETERUS 2:6

Nde, Mbal Pem Nagawan engga bem-nen yosolar-e: ”An-nen-e onggo kwarat pugwi kerep mbi lena, kerep iri na-ge o unggut paro pidnak maklug-e, Sion iri me pigi-o. Nde, kerep na ebem inndi angin tubu yuwa nab-e inndi kabak ma bug-o” luk yij-o.

NAM PARA WENE 21:14

Nde, o siri iri na kerep leger-e mabin-e kerep duabelas pem-nen wiridnag-o. Nde, kerep mabin pidnak ereba na bem-e Lomba Wam Marik-nen iddnak wirik inpidnak nap duabelas ereya na unnu mbarag-o.