EPESUS 2:17 - Nanduk Ngget Tul Pidnak Wene

¹⁷ Iri bem-e, Kerisut na lobok yij-e, lambuk tak woragwi aid wene-ge ap oboksa yak ondosolar-e, Mbal Pem Nagawan imin wud tak woragwi enlem nin nap kit yak kondosolat, Mbal Pem Nagawan eralu koroga woragwi Yawuri nap na yak ondosolat yij-o.

EPESUS 2:17 ပူးပေါင်းရင်းမြစ်များ

NDAWI ENGGA 148:14

At-nen-e at ilirak amawi wok ondosola, at ilirak indi kundik Isarael nap-nen-e at nak erembel wok tenak worali-o. Nagawan Indo nak erembel wanurag-o!

YESAYA 52:7

Nde, wirik pil lobok yidnak nap iri na yik kagolar-e, mondok konak lombok-nen yusu-o. Ndobo worak nggwe-net lobok yosolar-e, konak yamuksa woragwi wene min lobok yusu-o. Sion imiri yurak wene min lobok yosolat-nen yosolar-e: ”Kenmbal Pem Nagawan-e Nagawan-nen yusu-o!” luk yusu-o.

SAKARIA 9:10

Nagawan Indo-nen yosolar-e: ”Eperaim nap-nen idnak wim nggugwi koma-ge an-nen mbo bimin-o. Yerusalem woraso kura wam-e an-nen lak tak posolat, mingin mare oboksa an-nen yigisa keya bosolat kwarimin-o. Kit-nen idnak nagawan-nen-e yi nap ndi nap enlem oboksa inmin kundik lambuksa wolmomtak wene wirik puwa-o. Yi wi ndi wi oboksa min Yi Eperat kuri-nen mberarik, o kuri ap kuri oboksa at-nen nak tena wolma-o” luk yij-o.

MATIUS 10:13

Nde, o iri nap-nen wok konpogola, kit-nen wa yak undugup iri-ge it enpem wolmag-o. Alat nde, it-nen nde wok kinpigit lak yogola-ge, kit-nen wa yak undugup na-ge tuguruk lit ker-o.

LUKAS 15:8

Yuruk, Yesus-nen yosolar-e: ”Nde, kwe misig-e egerep tol sepulu worasoma, misik nde pul yuwama-ge, ngge nde kwaruwa-o? Lag-o. At-nen tal paguruk, ama o liri korosolat, kwara-t kore luk-nen orol iri kujwa irir-o.

LUKAS 2:14

”Mbal ombol nggwe-nen-e Mbal Pem Nagawan erembel wanuwag-o! Nde, nggweyak ma yu-nen-e Nagawan Indo indi alen tak pugwi nab-e yamuksa wolmag-o!” luk yiga-o.

YIDNAK YIDNAK WENE 10:36

Mbal Pem Nagawan-nen Isarael nap enmanggim wene wosa pid iri-ge ap oboksa Nagawan Indo Yesus Kerisut ebem lambuk yurak aid wene irit yak indij-o.

YIDNAK YIDNAK WENE 2:39

Nde, urul pidnak wene iri-ge kit kenmanggim na, kit kinlirak enmanggim na, it erepma worali nap pidsa, Mbal Pem Nagawan nit Nagawan Indo-nen yonggo unpuwa nap pidsa enmanggim na irit urul pij-o” luk yak indij-o.

OROMA 10:14

Alat nde, it inndi angin tubu yigit lak woragolat-nen-e nggerak puruk-nen at wene mbo uburag-o? Nde, at obok kuligit lak woragolat-nen-e nggesa-nen at ebem inndi angin tubu yurag-o? Nde, aid wene yak undurak nab-e lak-nen-e nggesa-nen kulurag-o?

OROMA 5:1

Iri bem-e, nit ninndi angin tubu yidnak pem lud tak nak ninpidnak me, Nenagawan Indo Yesus Kerisut ebem nir-e Mbal Pem Nagawan imin lambuk tak ninpidnak worali-o.

2 KORINTUS 5:20

Iri ala-ge, nir-e Kerisut-nen ninpil lobok yidnak nap-nen yili me, nit nenemende nggwe-nen Mbal Pem Nagawan-nen-e kenmengen mbarusu-o. Nde, Kerisut unu bem nit-nen kenmengen mbarogolar-e: kondomok-net Mbal Pem Nagawan imin lambuk tak kunpuwakluk eram lobok yer-o luk yak kindili-o.

EPESUS 4:21

Nde, kir-e ndemeret at owene kuligep me, ndemeret wene iri-ge Yesus ebem worasu iri na-t mul kindiga-o.

TUGURUK YIDNAK WENE 4:7

Ap enlem nggog-e tarak nggal-nen Nagawan Indo nit Nenmbal Pem Nagawan nenndam koroga woralat, nit-nen nggi yogola, yongga nundusu yu nggal it enmbal pem nagawan mbi enndam panggorak worasu-a?