EPESUS 2:15 - Nanduk Ngget Tul Pidnak Wene

¹⁵ At-nen-e imiri mbarak pidnak wene min wene na-nen ”Iri nggal kwaru-o” yidnak wene min-e lak tak pij-o. Iri kwarid iri-ge enlem mberen kuri worak woraidnak iri na-ge at ondomok ebem-nen lambuksa ap elem ngget misiget nak kwarak puruk, lambuk tak enpeyekluk-nen kwarij-o.

EPESUS 2:15 ပူးပေါင်းရင်းမြစ်များ

YESAYA 9:6

Nit nenmanggim liap misik ndesa mbij-o. Ambara misik wok nindij-o. Ar-e nit tena nunpuruk woraso nap kwat ma-o. Nde, at unu yogolar-e: ”Nggomo Ondoso Nap Indi Nggat Nggat Worak”, ”Amawi Worak Mbal Pem Nagawan”, ”Nineid Pem Woraso”, ”Lambuk tak Onposo Nagawan” luk yuwa-o.

2 KORINTUS 5:17

Ta-nen nde Kerisut imin kundik worasola-ge, at abage ngget tak ibidnak-nen yusu-o. Abage nanduk na-ge lak lug-e, abage ngget irit kwat yamu-o.

NGGALATIA 3:10

”Imiri mbarak pidnak wene-nen yidnak yidnak nak kwarosolat woramin-o” luk perali nab-e imbiri lamut urugwe nggwe worali-o. Nde, Mbal Pem Nagawan engga bem-nen yosolar-e: ”Imiri mbarak pidnak wene-nen yidnak yidnak pik paksa kwarigit lak nab-e imbiri lamut worasu-o” luk yij-o.

NGGALATIA 3:28

Iri bem-e, Yawuri nab-o yurak na lag-o. Yunani nab-o yurak na lag-o. Ndegel unpugwi nab-o yurak na lag-o. Wisirik woragwi nab-o yurak na lag-o. Ab-o yurak na lag-o. Kwami-o yurak na lag-o. Kit oboksa-ge Kerisut Yesus ebem-e misiget nak kwat yili-o.

NGGALATIA 6:15

Iniye ambasap wabidnak na irit, iniye ambasap wabigit lak na irit, iri-ge ebe lak mende-nen yusu-o. Alat nde, nenpage ngget mende kwat yidnak iri perak nde nggulok-nen yusu-o.

EPESUS 2:10

Nir-e Mbal Pem Nagawan-nen ndak wat ninpidnak-nen yili-o. Nir-e konak nak kwarogolat wolmakluk Kerisut Yesus ebem ndak worak ninpij-o. Nde, nit-nen konak nak kwarogolat wolmomtak iri-ge abuwok ma-net Mbal Pem Nagawan-nen lid lud tak pij-o.

EPESUS 2:14

Nde, Kerisut-e nit lambuksa woragwi elem-nen yusu-o. Yawuri nap min enlem nin nap min-e at-nen enlem misiget tak inpij-o. It sirid mbarak ennggendumu kuri worak pak wiridnak iri na-ge at ondomok ebe wisirik pid pem-nen mijarak pij-o.

EPESUS 2:16

E lang pang tak pem wat yosolar-e, Kerisut-nen-e it mberen ngarak woraidnak na lambuksa enpe misiget tak unpuruk, Mbal Pem Nagawan eram inpil lobok yij-o. Iri kwarosolar-e, sirid mbarak woraiga na lak tak pij-o.

EPESUS 4:16

Nde, Kerisut na ebem-nen-e at ebe iri na inggi ijok oboksa ariktag-et nde, ndak ndak sa kondosolar-e, il iri na-ge owak erep min kwen yosolat, ebe oboksa yindip kwindipsa panggarusu-o. Iri alat-e, inggi ijok na oboksa enariktak eneyabu wanogolar-e, ebe na oboksa-ge irit tit, irit tit nggulok yosolar-e, ap enabuwa kagwi elem pem-et ondomok nggulok yusu-o.

KOLOSE 2:14

nit namat meya yidnak wene, ”Iri nggal kwaru-o” luk yidnag-et nde, nit-nen tarugwi engga mbarak iri-ge lak tak posolar-e, e lang pang tak pem luruk wosa panggarak pij-o.

KOLOSE 2:20

Kir-e Kerisut imin wat yogola, nggweyak yu tena woraso indi na inggem-nen weserak kinpij-et nde, kir-e noluk-nen nggweyak ma yu me-nen kwarugwi mende yeba nggal kwat tenak worali-o?

KOLOSE 3:10

kenpage ngget mende wanigeb-o. Kenpage ngget mende iri-ge ndak worak pid Mbal Pem Nagawan-nen-e at abage nggal pempa pempa ngget tak konposolar-e, at mondok kenaru tobokluk-nen kwarusu-o.

KOLOSE 3:11

Iri bem-e, enlem nin nab-o luk, Yawuri nab-o luk na lak, iniye ambasap wabidnag-o luk iniye ambasap wabigit lag-o luk na lak, ap enlem oboksa ennggendumu-nen misik kek tak, misik teberak na lak, ndegel unpugwi-o luk, weserak woragwi-o luk na lag-o. Are, oboksa iri-ge Kerisut-nen yusu-o. Kerisut it oboksa inmin misiget yidnak-nen yusu-o.

KOLOSE 3:15

Kerisut-nen idnak yamuksa woragwi elem-e kit kinndi arem ombo luk wolmag-o. Iri yurak pem-nen ebe misiget kwat yobokluk Mbal Pem Nagawan-nen wene mbo kinpij-o. Nde at ”Wiwa-o” yak togolat wolmer-o.

IBERANI 7:16

At iri-nen yid iri-ge Lewi-nen wigarak lolo-nen men yugwi nggal men yij-e lag-o. Are, at iri-ge lak yoso buk, pem-et woraso amawi iri na bem-nen tepan ombo men yid irir-o.

IBERANI 8:13

Nde, Mbal Pem Nagawan-nen-e: ”Ngget urul pidnak wene-o” luk yarik pem-e nanduk urul pidnak wene iri-ge obi mende nde kwat yij-o. Nde, obi mende kwat yidnak umbuk yidnak mende iri-ge ndag-et nak lak momtak mende-nen yusu-o.

IBERANI 9:23

Iri mende iri-ge ebe-ge aid arem worala-t nde, we amorok ndak worak iri-ge eyabi iri nggal kwasa ebem nggweyel kaidnak pem-nen mbek tak poso-o. Alat nde, ebe aid arem worasu iri perak nde, iri mbek tak purak pem-e Mbal Pem Nagawan amanggim wam eyabi wirik pugwi iri nggal-e lag-o. Are, Mbal Pem Nagawan amanggim wosa pugwi mende terak minik konak iri nak-net mbek tak poso-o.