EPESUS 2:13 - Nanduk Ngget Tul Pidnak Wene

¹³ Alat nde, yawo-ge Kerisut Yesus ebem-nen kit wud tak woraigep nab-e Kerisut eyabi bem-nen Mbal Pem Nagawan eram panggo rak kinpij-o.

EPESUS 2:13 ပူးပေါင်းရင်းမြစ်များ

NDAWI ENGGA 22:7

Ap oboksa-nen an yik neyagolar-e, pesel nobogolat, enemnde abi-ge an nambigit nak pogolat, enanggul warok kali-o.

NDAWI ENGGA 73:27

Kat keya kibili nab-e mondok lak ma-o. Kat-nen-e tugup lak kat-nen yidnak yidnak kwatli buk nab-e lak tak unpusu-o.

YESAYA 43:6

An-nen-e abare abam (utara) nggwe min abare ena (selatan) nggwe min yak tosolar-e: ’An nilirag-e pem tena unpuruk wolmomtak pug-o. Ndag-et nak lera keya enper-o’ yimin-o. An nambararag-e erepma-nen lobok yogolat, an nararag-e nggweyak erep yoboksa-nen lobok yogolat ma-o.

YESAYA 49:12

Nde, an nilirag-e erepma abare abam (utara) nggwe-nen mo mboso (barat) nggwe-nen abare ena (selatan) ambigit o Sinim-nen na lobok yuwa-o” luk yij-o.

YESAYA 60:4

Pugaksa kentalu-nen kwarusu ereba yik ker-o. Kit kenlem nap oboksa tuguruk kendam lobok yuwokluk ndok witli-o. Kit kenmbararag-e erepma-nen lobok yuwa-o. Nde, kenararag-e onmbolwak pem pak nggerasa lobok yuwa-o.

YESAYA 60:9

Ereba-ge yi koma, Mbal Pem Nagawan ilirak o erepma-nen tuguruk enma lobok yogola, wok unpuruk lobok yusu-o. Lobok yogolar-e, Nagawan Indo Kenmbal Pem Nagawan erembel wanurak amanggim-et emas min perak min-et waruk lobok yili-o. Ereba-ge Isarael Embal Pem Nagawan Mondok Marak at ilirak kek tak unpuwakluk kek tak onposo iri na amanggim waruk lobok yili-o.

YESAYA 66:19

Nde, an-nen-e yenggerak purak mende mbi it ennggendumu pimin-o. It ennggendumu enpe marig-et nggal-e inmiri yimin-o. Nde, it iri-ge yi nap ndi nap enlem o erepma worali, an nobok na kulugwi buk, an-nen kek tak woraso na kulugwi buk, an namawi na kagwi buk ereba ennggendumu wirik onposolar-e: Tarisis wirik onposolat, Libia wirik onposolat, nde, Liria wirik onposolar-e, ap ininggi mbuk lembe min-et wirik inpimin-o. Tubal nggwe wirik onposolat, Yunani nggwe wirik onposolat kwarimin-o. Iri yumu-ge it-nen-e an nobog-e it enlem ereba ennggendumu wigaruwa-o.

YOANES 10:16

Nde, an nolomba erep na worasur-o. Lomba ereba-ge ngenwa yu me nggwigit lak nde yigi-o. An-nen na it oboksa mondok inpil lobok yimin-o. It-nen an nene kologolat, it pidsa misiget nak luk, lomba wam ombo na misiget nak wolma-o.

YIDNAK YIDNAK WENE 15:14

Nanduk-net Mbal Pem Nagawan-nen enlem nin nap ennggendumu-nen ap ereb-e at amanggim len inpid wene-ge Simon-nen yak nindid irir-o.

YIDNAK YIDNAK WENE 2:39

Nde, urul pidnak wene iri-ge kit kenmanggim na, kit kinlirak enmanggim na, it erepma worali nap pidsa, Mbal Pem Nagawan nit Nagawan Indo-nen yonggo unpuwa nap pidsa enmanggim na irit urul pij-o” luk yak indij-o.

YIDNAK YIDNAK WENE 22:21

Alat nde, Nagawan Indo-nen an yak norosolar-e: ’Mbiri-o. An-e wandakma enlem nin nap endam wirik kibimin-o’ luk yak nirij-o” luk yij-o.

YIDNAK YIDNAK WENE 26:18

It enlengen kuwarak pugunmu-ge, it-nen ndamuk arem-nen nden karuk, yaya ambigit nggwe lobok yogolat, Sere inggiyapma-nen Mbal Pem Nagawan ambigit nggwe lobok yogola-ge, it meya yidnak iri-ge an-nen namberam tak posola, an nebem inndi angin tubu yidnak pem korak inpidnak nap inmin lambuk makluk, endam wirik kibimin irir-o’ luk yak nirij-o.

OROMA 8:1

Iri yidnak pem-e yawo-ge Kerisut Yesus imin kwin yidnak nap nenpem wene mbi mbaruwa bug-o.

1 KORINTUS 1:30

Alat nde, Mbal Pem Nagawan ebem-e Kerisut Yesus imin kundik kinpidnak worali-o. Kerisut iri-ge Mbal Pem Nagawan-nen-e nit ninndi tenggerak elem tak obosolat, at ebem-et mot mot tak nonposolat, mbek tak nonposolat, nonnggo paga weserak nonposolat yij-o.

1 KORINTUS 12:13

Iri nggal-et, nit pidsa-ge Yawuri nap na irit, Yunani nap na irit, ndegel unpuwakluk onnggo pidnak nap na irit, weserak woragwi nap na irit, Konak Indi misiget iri-nen nit pidsa ebe misiget tak nenpeyekluk yi ma nonposola, nit pidsa-nen yi ninggidnak nggal Konak Indi misiget nak mak nondosola, nili-o.

1 KORINTUS 6:11

Kit ereb-e iri nggal kwarugwi woraigeb-o. Alat nde, Nagawan Indo Yesus Kerisut unu bem-nen Nenmbal Pem Nagawan Indi bem-nen kit mat kunpuruk, mbek tak kenpaga lud tak kinpij-o.

2 KORINTUS 5:17

Ta-nen nde Kerisut imin kundik worasola-ge, at abage ngget tak ibidnak-nen yusu-o. Abage nanduk na-ge lak lug-e, abage ngget irit kwat yamu-o.

NGGALATIA 3:28

Iri bem-e, Yawuri nab-o yurak na lag-o. Yunani nab-o yurak na lag-o. Ndegel unpugwi nab-o yurak na lag-o. Wisirik woragwi nab-o yurak na lag-o. Ab-o yurak na lag-o. Kwami-o yurak na lag-o. Kit oboksa-ge Kerisut Yesus ebem-e misiget nak kwat yili-o.

EPESUS 1:1

Mbal Pem Nagawan indi-n pidnak pem Kerisut Yesus-nen wirik nibidnak nap Paulus an-nen-e Epesus wi woragwi nap, Mbal Pem Nagawan winde nap, Kerisut Yesus ebem kinndi angin tubu yigep nap kit kenmanggim engga yu mbarusu-o.

EPESUS 1:7

Kerisut ebem-nen na, at eyabi wirik pidnak pem-nen na nit nonnggo posolat, nit meya yidnak amberam tak posolat yij-o. Mbal Pem Nagawan-nen we wok ondoso elem iri-ge

EPESUS 2:10

Nir-e Mbal Pem Nagawan-nen ndak wat ninpidnak-nen yili-o. Nir-e konak nak kwarogolat wolmakluk Kerisut Yesus ebem ndak worak ninpij-o. Nde, nit-nen konak nak kwarogolat wolmomtak iri-ge abuwok ma-net Mbal Pem Nagawan-nen lid lud tak pij-o.

EPESUS 2:12

Nanduk kir-e Kerisut imin wud tak woragolat, Isarael nap inmin-e kir-e ap sal woragolat, Mbal Pem Nagawan-nen at ilirak wok undurak urul paga yak indidnak wene na-ge kit na wanurak puk na woraigeb-o. Nggweyak ma yu me woragolar-e, kinndi mbung mbung tak na lak, Kenmbal Pem Nagawan na lag-et woraigeb-o.

EPESUS 2:2

Woragolar-e, kir-e nggweyak ma yu me-nen kwarugwi mende nak kwarogolat teram enggendumu yu tena woraso indi nagawan-nen yidnak yidnak nak kwarogolat woraigeb-o. Indi nagawan iri na-ge yawo-ge Mbal Pem Nagawan ene kuruk tugwi nap enarem yabu wanoso-nen yusu-o.

EPESUS 2:6

Nde, Kerisut Yesus ebem-nen Mbal Pem Nagawan-nen nunluk tak puruk, at imin nagawan wolmakluk aid arem koreyak ninpij-o.

IBERANI 9:18

Iri ala-nen nanduk tul pidnak wene iri-ge eyabi bem nak-nen ebe worak tak poso-o.

1 PETERUS 3:18

Nde, Kerisut na irit, ap-nen meya yidnak pem mondok misik tarem-et ap pidsa enmanggim wat yij-o. Lud tak nak kwaroso nab-e lud tak nak kwarugwi buk nap enmanggim wat yosolar-e, Mbal Pem Nagawan eram lit nunpuruk mbereyekluk wat yamu-o. Nde, ki nap enpage worak iri na wiriga-t nde, indi irit uruk tak pij-o.

NAM PARA WENE 5:9

It-nen ndawi ngget misik yogolar-e: ”Kar-e mondok kirikma, wat yigen iri bem-nen-e Mbal Pem Nagawan amanggim ap enlem ndomok oboksa min ap enne ndomok oboksa min ab-e ap oboksa min ap enlem oboksa min onnggo pigen pem-e kat-nen-e engga na wanuruk, lop nok tak pugwi mende, iri na punggururag-e kabam-net yusu-o.