EPESUS 2:12 - Nanduk Ngget Tul Pidnak Wene

¹² Nanduk kir-e Kerisut imin wud tak woragolat, Isarael nap inmin-e kir-e ap sal woragolat, Mbal Pem Nagawan-nen at ilirak wok undurak urul paga yak indidnak wene na-ge kit na wanurak puk na woraigeb-o. Nggweyak ma yu me woragolar-e, kinndi mbung mbung tak na lak, Kenmbal Pem Nagawan na lag-et woraigeb-o.

EPESUS 2:12 ပူးပေါင်းရင်းမြစ်များ

NDAK WIRIDNAK WENE 15:18

Ereya na-net Nagawan Indo-nen Abaram urul watsa yak tosolar-e: ”O Mesira nggweyak kuri mbarak iri kuri-nen yi Eperat kuri o nggweyak yu oboksa-ge kat-nen wigarak iri wok indimin iri-ge

MBIRIGA WENE 12:45

Nde, ap sal min onggo wanurak pem nak keneyabu wanugwi nab-e mondok inmin norak pug-o.

YESAYA 44:6

Nagawan Indo Mondok Amawi Worak Isarael nap nggetlel onposo Nagawan Indo iri na-nen yid wene-ge yu-o: ”Mbal Pem Nagawan misiget an narik nak tel koroso min woroksiyem min-nen yusu-o. Mbal pem nagawan erep mbi mondok worasu bug-o.

YESAYA 45:20

Nagawan Indo-nen yosolar-e: ”Kit ap enlem oboksa ennggendumu kenlengenwak worali nap oboksa-nen ndak worak puruk, lambuksa misik mu lobok yer-o! Kugwiwak e bem-nen ndak wiridnak ereba waruk nogolat, at iri-nen inmiri yurag-e lag-et nde, iri na eram tepan yogolat kwatli nab-e mondok wid-nen yili-o.

YESAYA 61:5

Nelem nap wa-e. Enlem nin nap-nen ndegel konpogolat, it-nen konowam-e parugu woragolat, kit keneyabu min kit-nen idnak anggut yabu min ereba na-ge it-nen wok kondogolat wolma-o.

YEREMIA 14:8

Lak tak nonposo mende inggem-nen ninmiri yoso, nit Isarael nap-nen ninndi kebem wet tak puruk woragwi-ge kat nag-et nde, kar-e noluk-nen nit nunuwi yu me worasolar-et nde, nin nap nggal yosolat, erepma-nen lobok luk, misiget nak nene luk mburugwi nggal nak kwarosolat worasu-o?

YESKIEL 37:26

It-nen pem irit yamuksa konak irit wolmakluk, an-nen-e it inmin urul pimin-o. An-nen-e it inmbiringgat tak posolat, it enpe na kwarat tak pimin-o. It unuwi nggweyak pem iri me-ge an nuwi-ge pem irit tugup lak wolmakluk nuwi wirimin-o.

OSEA 3:4

Iri nggal-et kwasa Isarael nap na kwarat irit woragolar-e, nagawan na ennggendumu lak, it tu lit iniyudtak nap na lak, Nagawan Indo amanggim wosa pugwi na lak, erembel wanurak kerep sindik pigit lak, kugwiwak na lak, abok-nen kwat unpurak nam tak poso mende na lak irit wolma-o.

LUKAS 1:72

Kit kenlawingga unpud kasolat, konak wene tul paga yak indigi na ndak tak pimin-o’ luk yij-o.

YOANES 10:16

Nde, an nolomba erep na worasur-o. Lomba ereba-ge ngenwa yu me nggwigit lak nde yigi-o. An-nen na it oboksa mondok inpil lobok yimin-o. It-nen an nene kologolat, it pidsa misiget nak luk, lomba wam ombo na misiget nak wolma-o.

YOANES 15:5

E elem-e an-net yusu-o. Nde, inggi-ge kit-net yili-o. Ap-nen an narem puksa woralat, an na at arem puksa woralat yidnak nap-nen-e engen kwarat lombok puwa-o. Nde, kir-e an narem puksa woragit lak ala-ge, yi kwatlik ndi kwatlik kwarugup pug-o.

YOANES 4:22

Kit Samaria nap-nen-e kenaru buk mende-t nde, erembel wanugwi-o. Nde, ap inmiri elem-e Yawuri nap enpem-nen lobok yoso me, nit Yawuri nap-nen-e nenaru nap iri na-t erembel wanugwi-o.

YIDNAK YIDNAK WENE 2:39

Nde, urul pidnak wene iri-ge kit kenmanggim na, kit kinlirak enmanggim na, it erepma worali nap pidsa, Mbal Pem Nagawan nit Nagawan Indo-nen yonggo unpuwa nap pidsa enmanggim na irit urul pij-o” luk yak indij-o.

YIDNAK YIDNAK WENE 28:20

Iri bem-nen iri yidnak wene kit kinmbiri bem para yak kendeyekluk yonggo kinpigi-o. Isarael nap-nen inndi ebem mbung mbung tak worali na bem an posid kere bem kamat nibidnak worasu-o” luk yak indij-o.

YIDNAK YIDNAK WENE 3:25

Nde, kir-e Mbal Pem Nagawan ene lomboksa yugwi nap inlirak-nen yili-o. Mbal Pem Nagawan-nen kenlawingga obok yak indidnak wene-ge Abaram na yak tosolar-e: ’Kat-nen ndakun lolo bem-nen nggweyak ma nap, ab-e ap enlem pidsa inmbiringgat ma-o’ luk yak tij-o.

OROMA 9:8

Iri yak tid iri-ge, we ndet inpidnak iri bem Mbal Pem Nagawan ilirak yurag-e lag-o. Are, Mbal Pem Nagawan urul pidnak wene bem ndet inpidnak perak nde, ndemeret Mbal Pem Nagawan ilirak-nen yili-o luk yurag-o.

NGGALATIA 4:8

Nanduk kir-e Mbal Pem Nagawan kenaru buk woragolar-e, Mbal Pem Nagawan nggal-e lag-et nde, ebe lak kugi iri na ndegel ubugwi nap woraigeb-o.

EPESUS 2:19

Iri bem-e, kit enlem nin nab-e ap sal nggal, ap ngguru nggal woraigep na-ge yawo-nen-e iri nggal worali bug-o. Yawo-ge kir-e Mbal Pem Nagawan-nen len inpidnak nap inmin totno kunuwi worak nap yogolat, Mbal Pem Nagawan ama o misik ma woragwi nap yogolat yili-o.

EPESUS 4:18

It inndi na ndamuk, ir-e enaru buk woragolat, inndi tulubuk kerep nggal woragwi iri-nen ndowaga ir-e Mbal Pem Nagawan imin kundik woragit lak, nuruk tak woragwi-o

KOLOSE 1:21

Nanduk kir-e Mbal Pem Nagawan imin nuruk tak woragolar-e, kit kinndi-n peragwi bem-nen na, kit meya yugwi bem-nen na, Mbal Pem Nagawan imin wim mbarak woraigeb-o.

KOLOSE 1:27

Mbal Pem Nagawan-nen ”Irit timin-o” luk yidnag-e yu nggal-o. At-nen idnak kura wene, kek tak pidnak wene iri-ge, ap enlem oboksa ennggendumu-nen nam tak purag-o luk yusu-o. Nde, kura wene iri-ge yu-o: Kerisut kit kenarem worala-ge, Mbal Pem Nagawan unu kek tak pidnak iri-ge totno-t wanul-o luk kinndi mbung mbung tak wolmomtag-o.

KOLOSE 1:5

Kit kenmanggim aid arem lid lud tak pidnak mende iri bem kinndi mbung mbung tak worasu-o. Nde, iri wene-ge kir-e nanduk-net ndemeret wene aid wene iri na bem-nen kuligeb-o.

1 TESALONIKA 4:13

Nennggamirak wa-e. At ebem inndi mbung mbung tak woragwi buk nap-nen inndi puru pera yili nggal, kit-nen na iri nggal kinndi puru pera yugup naru, wat yidnak nap iri nggal kwat unpuwa-o luk kenaru wolmomtak iri-ge nir-e nindingen-o.

1 TESALONIKA 4:5

Mbal Pem Nagawan enaru buk nap-nen kwatli nggal, mbabi kwarurak inndi peragwi bem-nen kwarurak pug-o.

2 TESALONIKA 2:16

Nit Nenagawan Indo Yesus Kerisut at-nen na, Nineid Mbal Pem Nagawan-nen na, nit nenabuwa karuk, we wok ondoso elem pem-nen wok nondosolar-e, lak yoso buk inndi yangonoso elem min inndi mbung mbung tak woragwi elem min wok nunduruk,

1 TIMOTIUS 1:1

Ninmiri Yoso Mbal Pem Nagawan-nen yidnak pem-nen na, nit ninndi ebem mbung mbung tak woragwi Kerisut Yesus ebem-nen na, Kerisut Yesus-nen wirik nibidnak nap Paulus an-nen-e

IBERANI 11:34

kan kwiye worak mende-t nde, nigirik pogolat, yalawi bem mbal unpuwokluk yidnag-et nde, kwiye mborogolat, kwarogolat woraiga-o. Ir-e ndeyak yidnag-et nde, amawi yogolat; wim mbarogolar-e, it enmawi lagolar-e, elem nin nap wim nap kere kwarat nde, urugwe nggwe rak onpogolat woraiga-o.

IBERANI 6:18

Mbal Pem Nagawan-nen urul pid min owak mbarid min wene mberen iri-ge tuguruk nden kujwa-ge lak me, Mbal Pem Nagawan-e enesiget yurag-e meya-o. Iri bem-e nit ninmiri yuwakluk Mbal Pem Nagawan indipma worali nap nit-nen-e abok-nen wok nundurak lid lud tak pidnak iri na bem nit ninndi mbung mbung tak pidnak iri-ge puksa tena wolmomtag-o.

IBERANI 8:6

Nde, it tepan omborak erep-nen wanugwi eneyabu-ge teberag-et nde, Yesus-nen wanoso eyabu-ge terak minik kek tak-net yusu-o. Nde, at-nen-e ki nap min Mbal Pem Nagawan min ennggendumu ngarak koro kwat yosolat-nen urul pidnak wene-ge mondok terak minik kek tak-net yusu me, nanduk tul pidnak wene iri-ge teberag-et nde, at-nen urul pidnak wene-ge mondok terak minik konak wene-o.

1 PETERUS 1:21

At ebem nak-nen Mbal Pem Nagawan ebem kit kinndi angin tubu yili-o. Mbal Pem Nagawan-nen-e at iri na wat yidnak nap ennggendumu-nen uruk tak posolat, kek tak obosolat yij-o. Iri bem-e, Mbal Pem Nagawan ebem nak kinndi angin tubu yogolat, at ebem nak kinndi mbung mbung tak woragolat yili-o.

1 PETERUS 1:3

Nenagawan Indo Yesus Kerisut Eid Mbal Pem Nagawan irit wa yak tuwog-o. Nit nunpud kwarat kaso me, nit na ngget mende rak nenpeyekluk Yesus Kerisut iri-ge wat yidnak nap ennggendumu-nen uruk tak pij-o. Iri bem-e, nir-e woralik nalik wulmul-o luk ninndi mbung mbung tak worali-o.

1 PETERUS 3:15

Are, kit kinndi arem-nen-e Kerisut na kek tak pogolat, kit-nen idnak Nagawan Indo rak pogolat wolmer-o. Ap-nen-e: ”Kir-e no bem kinndi mbung mbung tak worali-o?” luk kin wok konpogola, wene na onggo yak undurak pem kir-e lid lud tak puruk wolmer-o.

1 YOANES 3:3

Iri kwat mul-o luk, iri bem indi mbung mbung tak worasu nab-e Kerisut na mbek tag-et woraso nggal, ap iri na at na at-net mbek tag-et wolmomtag-o.