EPESUS 2:10 - Nanduk Ngget Tul Pidnak Wene

¹⁰ Nir-e Mbal Pem Nagawan-nen ndak wat ninpidnak-nen yili-o. Nir-e konak nak kwarogolat wolmakluk Kerisut Yesus ebem ndak worak ninpij-o. Nde, nit-nen konak nak kwarogolat wolmomtak iri-ge abuwok ma-net Mbal Pem Nagawan-nen lid lud tak pij-o.

EPESUS 2:10 ပူးပေါင်းရင်းမြစ်များ

NDAWI ENGGA 100:3

Nagawan Indo iri-ge Mbal Pem Nagawan-net yusu-o luk kenaru mer-o. At-nen nir-e ndak wat nenpamu. Nde, nir-e at arengge-nen yili-o. Nir-e at ilirak, at-nen ndegel nonposo olomba oro-nen yili-o.

NDAWI ENGGA 138:8

Kat-nen ”Irit kwat kibimin-o” luk urul yak nirigen iri na ndak ndag-et kwat nibi-o. Nagawan Indo wa-e. Kat-nen-e enabuwa kaso-ge pem irit kundugu woraso-o. Kat-nen kilirak kwat onposo iri na-ge pok tak purak pug-o.

NDAWI ENGGA 51:10

Mbal Pem Nagawan wa-e. Kat-nen an nindi-ge ngget kopkap lak irit kwasa keya nibi-o. An nindi-ge kundik woraso elem iri na bem-nen ngget tak irit nibi-o.

YESAYA 43:21

It iri-ge an nondomok namanggim-et nilirak kwarak unpukmu-o. It-nen-e ndawi bem an nerembel wanuwa-o” luk yij-o.

YESAYA 43:7

An nilirak iri unnu yogolar-e, an neresa ilirag-o yugwi-o. Nde, an kek tak nubuwakluk, ndak wat unpukmu-o” luk yij-o.

YESAYA 44:21

Nagawan Indo-nen yosolar-e: ”Isarael wa-e. Kar-e an ndegel noboso nap me, kar-e yeba oboksa kindi yeberak wolmin-o. Kar-e an ndegel noboso nap yonokluk, kar-e an-net kwarak kubukmu-o. Isarael wa-e. An-nen-e mondok meme rak kibimin pug-o!

YESAYA 60:21

Yerusalem kat kebem woragwi nap-nen mot mor-et kwarogolar-e, it-nen-e o nggweyak iri na winde luk, pem irit woralik nalik irit wolma-o. It iri-ge an nunu kek tak woraso iri nam tak puwakluk, an-net ya unpukmu-o.

YESAYA 61:3

inndi puru bera tabun puruk woragwi-ge konak enalin enalen pem woragwi elem wok ondosolat, nde, inndi puru rak woragwi-ge nden yaga enalen pem ndawi yugwi rak onposolat yuwakluk-nen nibil lobok yamu-o. Nde, ir-e Nagawan Indo ondomok-nen yagidnak e nggal kwat ma-o. Ir-e ndemeret lud tak mot mot nak kwarogolar-e, Nagawan Indo nak kek tak ubuwa-o.

YEREMIA 31:33

Nde, an-nen Isarael nap inmin ngget urul yak indimin wene-ge yu-o: An-nen idnak imiri mbarak pidnak wene-ge it inndi arem posolat, it inndi bem mbarosolat yimin-o. Nde, an-e it Enmbal Pem Nagawan kwat yosolat, ir-e an nilirak kwat yogolat ma-o.

MATIUS 5:16

Nde, iri nggal-et kit-nen konak nak kwaridnak na karuk yuwarig-e, it-nen-e Kineid aid arem woraso iri erembel wanuwakluk, kit keneyaya-ge ap ennggendumu yaya yuwag-o.”

YOANES 3:21

Alat nde, Mbal Pem Nagawan indi-n pidnak nak kwarugwi nap-nen-e it-nen kwarugwi na-ge Mbal Pem Nagawan indi-n pidnak nak kwarugwi-o luk nam maklug-e, yaya na eram lobok yugwi-o” luk yij-o.

YIDNAK YIDNAK WENE 9:31

Yurea-nen na irit, Nggalilea-nen na irit, Samaria-nen na irit, lambuk tak inpidnak nap inndi yamuksa woragolat, inndi ogore yogolat woraiga-o. Nagawan Indo aye worak woragolar-e, Konak Indi-nen it inndi yangonosolar-e, misik nambek, misik nambek tak puruk, ap kwarat yiga-o.

YIDNAK YIDNAK WENE 9:36

O Yope-nen Yesus ene wanoso kwe unu-ge Tabita irit woragaij-o. At unu-ge Yunani wene bem yogolar-e, Ndorokas-o. Nde, kwe iri-ge konak nak kwarosolat, isilobulo na we irit wok ondosolat woraso-o.

OROMA 8:1

Iri yidnak pem-e yawo-ge Kerisut Yesus imin kwin yidnak nap nenpem wene mbi mbaruwa bug-o.

OROMA 8:29

Nanduk-net Mbal Pem Nagawan-nen it len inpid iri-ge at Ambara Yesus Kerisut abage nggal kwat mag-o luk obi-net lud tak pid iri bem-nen at anggamirak kwarat ennggendumu at Ambara na manggu nderak makluk len inpij-o.

1 KORINTUS 3:9

Nir-e Mbal Pem Nagawan imin yabu misiget erep wanili-o. Mbal Pem Nagawan eyabu min Mbal Pem Nagawan uwi worak min-e kit-nen yili-o.

2 KORINTUS 5:17

Ta-nen nde Kerisut imin kundik worasola-ge, at abage ngget tak ibidnak-nen yusu-o. Abage nanduk na-ge lak lug-e, abage ngget irit kwat yamu-o.

2 KORINTUS 5:5

Iri nggal nin tak nunpurak pem lid lud tak ninpid nab-e Mbal Pem Nagawan-net yusu-o. Nde, nit kwat nunpurak mende oboksa urul posolar-e, at Indi wok nindij-o.

2 KORINTUS 9:8

Yi mende ndi mende oboksa bem pempa ndak woraboklug-e, Mbal Pem Nagawan-nen-e at-nen we wok ondoso mende nggilara ndak yaga wok kundurag-e ndak-nen yusu-o. Iri-nen-o kit-nen yi kwatlik ndi kwatlik konak nak kwarogolar-e, kenarengge-ge ndinik nak wolma-o.

NGGALATIA 6:15

Iniye ambasap wabidnak na irit, iniye ambasap wabigit lak na irit, iri-ge ebe lak mende-nen yusu-o. Alat nde, nenpage ngget mende kwat yidnak iri perak nde nggulok-nen yusu-o.

EPESUS 1:1

Mbal Pem Nagawan indi-n pidnak pem Kerisut Yesus-nen wirik nibidnak nap Paulus an-nen-e Epesus wi woragwi nap, Mbal Pem Nagawan winde nap, Kerisut Yesus ebem kinndi angin tubu yigep nap kit kenmanggim engga yu mbarusu-o.

EPESUS 1:4

Nggweyak yu ndak worak pigit lak ma-net nir-e marak nak wolmakluk, at eram-nen-e ”At yu-ge iri nggal meya yoso bug-o” luk yak nunduwakluk, nir-e at arengge rak nunpurak pem Mbal Pem Nagawan–nen-e Kerisut ebem-nen len ninpij-o.

EPESUS 2:13

Alat nde, yawo-ge Kerisut Yesus ebem-nen kit wud tak woraigep nab-e Kerisut eyabi bem-nen Mbal Pem Nagawan eram panggo rak kinpij-o.

EPESUS 2:15

At-nen-e imiri mbarak pidnak wene min wene na-nen ”Iri nggal kwaru-o” yidnak wene min-e lak tak pij-o. Iri kwarid iri-ge enlem mberen kuri worak woraidnak iri na-ge at ondomok ebem-nen lambuksa ap elem ngget misiget nak kwarak puruk, lambuk tak enpeyekluk-nen kwarij-o.

EPESUS 2:2

Woragolar-e, kir-e nggweyak ma yu me-nen kwarugwi mende nak kwarogolat teram enggendumu yu tena woraso indi nagawan-nen yidnak yidnak nak kwarogolat woraigeb-o. Indi nagawan iri na-ge yawo-ge Mbal Pem Nagawan ene kuruk tugwi nap enarem yabu wanoso-nen yusu-o.

EPESUS 2:6

Nde, Kerisut Yesus ebem-nen Mbal Pem Nagawan-nen nunluk tak puruk, at imin nagawan wolmakluk aid arem koreyak ninpij-o.

EPESUS 4:1

Iri ala-ge, Nagawan Indo ebem kamat nibidnak nap an-nen kit kenmengen mbarosolar-e: Mbal Pem Nagawan-nen wene mbo konposolar-e: ”Iri nggal kwarogolat wolmer-o” yak kindid iri-ge, iri nggal-et ndak ndak kwarogolat woragup na-e luk kenmengen mbarusu-o

EPESUS 4:24

Kenpage ngget mende irit waner-o. Kenpage ngget mende iri-ge Mbal Pem Nagawan abage nggal irit ndak worak pidnak me, ndemeret wene bem-nen-e lud tak nak kwarogolat, marak woragwi nam yoso-o.

TUGURUK YIDNAK WENE 32:6

Kit wid, kinndi lak yu-ge wa-e. Kit-nen Nagawan Indo-nen konak kwat kinpidnak iri na onggo at konak kwat obogolar-e, iri kwatli irir-a? Nagawan Indo iri-ge kit Kineid ndak wat kunpuruk, ap enlem misik kwarak kinpid nab-e lag-a?

PILIPI 1:6

Kit kenarem konak eyabu tel kwirid Mbal Pem Nagawan-nen-e eyabu iri na wok tenag-et worasoma, Kerisut Yesus lobok yuwa tarem-nen worok tak puwar-o luk an-e mondok naru worasu-o.

PILIPI 2:13

Nde, Mbal Pem Nagawan-nen kit kenarem eyabu wanosolar-e, at ondomok indi-n pidnak pem-et iri kwarurak kinndi wok kondosolat, iri kwarurak kenmawi wok kondosolat yusu-o.

KOLOSE 1:10

Iri rak konposola-ge, Nagawan Indo erengen pem kir-e ndak ndak yogolat, yi mende ndi mende bem at alen tak ubugub-o. Nde, kit-nen yi kwatlik ndi kwatlik kwarogolar-e, engen-e konak nak pogolat woragub-o. Nde, Mbal Pem Nagawan kenaru yogolat na, kwarat kenaru yuwa-o.

KOLOSE 3:10

kenpage ngget mende wanigeb-o. Kenpage ngget mende iri-ge ndak worak pid Mbal Pem Nagawan-nen-e at abage nggal pempa pempa ngget tak konposolar-e, at mondok kenaru tobokluk-nen kwarusu-o.

2 TESALONIKA 2:17

kit kinndi eyak worosolat, konak nak kwarogolat, konak wene nak yogolat yobokluk-nen amawi wok kondosolat mag-o.

1 TIMOTIUS 2:10

Are, sum yiridnak nggal, it-nen konak nak kwarogolar-e, Mbal Pem Nagawan indi aye worak kweyap-nen kwarugwi irit kwarurag-o.

1 TIMOTIUS 5:10

konak nak kwaroso bem ap pidsa enaru ala, ilirak kwara ndegel onposo ala, ap sal enal paroso ala, anggamirak inndi angin tubu yidnak nap unuwok maroso ala, anggun panggun woragwi nap yongga ondoso ala, wene poro bem yogolar-e, pempa konak nak kwaroso ala, unnu mbarurag-o.

1 TIMOTIUS 5:25

Iri nggal-et konak kwaridnak na nam-et kagwi-o. Nde, konak kwaridnak ereb-e nam yurak puk na, mondok kura nak wolmomtag-e meya-o.

1 TIMOTIUS 6:18

”Kir-e konak nak kwarogolat, konak nak kwarurak nggok tak pogolat, kinndi konak woragolat, kenarengge ap tembet ondogolat wolmer-o” luk nggomo indi-o.

2 TIMOTIUS 2:21

Ta-nen nde at meya yidnak keya buruk, at ondomok mat korasu nab-e nggok sakwi tarem-nen wanugwi piring nggal kwat ma-o. Piring iri ombo-nen arengge indi kundik woraso kwat luk, konak mende pidsa kwarurak lid lud tak pidnak piring nggal kwat ma-o.

2 TIMOTIUS 3:17

Mbal Pem Nagawan ndegel ubugwi nap-nen-e yi kwatlik ndi kwatlik kwarogolat konak nak kwaruwakluk Mbal Pem Nagawan engga-nen-e iminep mbarak lid lud tak unpusu-o.

TITUS 2:14

Yesus iri-ge yi meya ndi meya kwarugwi inggem-nen ninmiri yekluk, at ondomok amanggim marak nunpuruk, at elem nap tak nenpeyekluk, ”Konak mende nak kwaruwog-o” yugwi nap tak nenpeyekluk, at-net at ambikpebe iminep nit nenmanggim wesel koragaij-o.

TITUS 2:7

Nde, kat na kebage ob-et kiyujwaklug-e, yi mende ndi mende kwarosolar-e, konak nak kwarugun na-e. Kar-e kindi mot mor-et woralat, ndemeret kindi-net mul ondosolat wolmin-o.

TITUS 3:1

Kat-nen nggomo ondoso nap na yeberak onposolar-e: ”Nggweyak tena woragwi nagawan min pemerinta nap min-nen yidnak wene kuluruk, it-nen yidnak yidnak nak kwarogolar-e, yi mende ndi mende konak nak kwarurak pem-e lid lud tak puruk wolmer-o.

TITUS 3:14

It-nen pempa ukwe peragwi mende na ndak nak wolmakluk, nit nab-e konak nak kwarurak iri-ge mondok kwarogolat wolmag-o. Ir-e we kasabat wolmomtag-e meya-o.

TITUS 3:8

An-nen yak kurusu yu-ge ndemeret wene-o. Mbal Pem Nagawan ebem inndi angin tubu yugwi nap-nen-e ndemeret konak nak kwarogolat wolmakluk, kat-nen wene yu-ge amawi rak purak iri-ge an-e nindingen-o. Iri kwarurak iri-ge ap pidsa enmanggim mondok konak lombok-nen yusu-o.

IBERANI 10:24

Nde, nir-e lombot kerak mbogolat wolmog-o. Iri kwarogolar-e, nabuwa kabuwa bem konak nak kwaruwokluk yongga yongga wolmog-o.

IBERANI 13:21

Yamuksa woragwi elem Mbal Pem Nagawan-nen konak mende oboksa wok kondosola, iri bem-nen Mbal Pem Nagawan indi-n pidnak nak kwarobokluk, ndak tak kunpuwag-o. At indi-n peraidnag-e Yesus Kerisut ebem-nen Mbal Pem Nagawan-nen nit nenarem yabu wanuwag-o. Nde, Yesus Kerisut na-ge kek tak pem-et woralik nalik wolmag-o. Amen.

1 PETERUS 2:12

Enlem nin nap ennggenggerak woragolar-e, kit-nen kwarugwi mende-ge konak nak kwarugup na-e. Iri nggal kwarogola-ge, it-nen-e kir-e meya kwarugwi nab-o luk konpok puwokluk yuwa-t nde, kit-nen kwaridnag-e konak nak ala-ge, Nagawan Indo lobok yuwa tarem-e ir-e Mbal Pem Nagawan erembel wanuwa-o.

1 YOANES 1:7

Nde, Mbal Pem Nagawan-e yaya bem worasu nggal, nit-nen na yaya bem woragolar-e, nit na nit-net nennggamirak inmin erep kundik worali-o. Woragola, at Ambara Yesus eyabi-nen-e nit meya yugwi pidsa marak nunpusu-o.

1 YOANES 2:6

Ta-nen nde: ”An-e Mbal Pem Nagawan imin kundik worasu-o” luk yosolar-e, ar-e Yesus Kerisut abage nggal-et wolmomtag-o.