EPESUS 1:7 - Nanduk Ngget Tul Pidnak Wene

⁷ Kerisut ebem-nen na, at eyabi wirik pidnak pem-nen na nit nonnggo posolat, nit meya yidnak amberam tak posolat yij-o. Mbal Pem Nagawan-nen we wok ondoso elem iri-ge

EPESUS 1:7 ပူးပေါင်းရင်းမြစ်များ

NDAWI ENGGA 130:4

Alat nde, kar-e kat kindi aye worak wolmakluk nit meya yidnak kamberam tak poso-nen yusu-o.

NDAWI ENGGA 130:7

Isarael nap wa-e. Nagawan Indo-nen-e pempa kenabuwa-t kasolat, kinmiri yurak lud tak puruk woraso me, Nagawan Indo ebem nak kinndi mbung mbung tak wolmer-o.

MBIRIGA WENE 34:7

An-nen enabuwa kasolar-e, ap nderak pem lud kwarat enabuwa yosolat, it meya yidnak nemberam tak inpimin-o. Alat nde, meya lugud tak kwatli nab-e mondok abu abu angin worak enpem posolar-e, ineidtak-nen meya yidnak pem-e at ilirak-nen na, oworak omborak-nen na, ap tap kenan pem ala na, tap empat pem ala na, mondok angin worag-et enpem posolat woramin-o” luk yij-o.

YESAYA 43:25

Iri yogola-t nde, Mbal Pem Nagawan an-net kit meya yidnag-e namberam tak pusu-o. An-e ap meya yidnak namberam tak poso-t me, kit meya yidnag-e namberam tak pusu-o. Kit-nen meya kwarugwi-ge yeberak woramin pug-o.

YEREMIA 31:34

It iri-ge nggok-nen marik-nen oboksa an-e enaru yuwa me, it ennggamirak ennggendumu misik-nen Nagawan Indo an it-nen enaru makluk mul undurag-e lag-o. Nde, it-nen lugud tak kwarugwi-ge an-nen meme rak onposolat, nde, it meya yidnag-e an-nen namberam tak pimin-o. Nagawan Indo an-net yigi-o” luk yij-o.

NDANIEL 9:19

Nagawan Indo wa-e. Nenne kuli-o. Nagawan Indo wa-e. Nit meya yidnak kamberam tak pi-o. Nagawan Indo wa-e. Kwara lombot nunpuruk, ndag-et nak kwat ninpi-o! Nde, Yerusalem min kat kilirak min iri-ge kat kondomok karengge me, ap oboksa-nen enaru yogolar-e, kar-e ndemeret Mbal Pem Nagawan-net yusu-o yuwakluk, ndag-et nak yongga nindi-o!” luk tepan yigi-o.

NDANIEL 9:9

Nir-e kat kimin wim mbarogola-t nde, kar-e nit nunpud karuk, nit meya yidnak kamberam tak nonposo-nen yusu-o.

YUNUS 4:2

Isilepma yosolat-nen tepan yosolar-e: ”Nagawan Indo wa-e. Nanduk an-e nama-nen lobok yigit lak ma-net yu nggal-et kwarugun-o luk yigi na-ge lag-a? Iri ala karuk-nen an-e nok Sepaniol nggwe mbereyekluk yigi nar-o! Kar-e Mbal Pem Nagawan ap enabuwa kaso elem, unpud kaso elem, mamak puruk worasolat, yemnak nak kwarosolat, meya rak unpurak yidnag-et nde, pempa kindi luruk posolat yoso Mbal Pem Nagawan kar-e an-e naru-o.

MIKA 7:18

Nagawan Indo wa-e. Mbal Pem Nagawan kat nggal misik mbi worasu bug-o. Kat-nen len inpigen kilirak minggirik keya inpidnak ereba na-nen meya kwarugwi-ge kamberam tak poso-o. Kat-nen-e abu abu kisilepma yoso bug-o. Alat nde, kat-nen unpud kaso-ge pok tak poso buk iri na mirik onposolat-nen kwaroso-o.

SAKARIA 9:11

Nagawan Indo-nen at ilirak yak ondosolar-e: ”An-nen kit kinmin kondosolat urul yak kindigi iri na-ge an namanggim wosa pugwi ereba na eyabi wirik pugwi ndemeret ebe worak tak posolar-e, iri na bem-nen-e yi emnde mbarak yi eberek yidnak arem woragwi nggal kit nap mbo inpidnak sa ereba na me anggun panggun kagolat worali ereba-ge wisirik inpimin-o.

MATIUS 20:28

Iri nggal-et Ap Ambara lobok yid iri-ge ap yongga wuruwakluk lobok yigir-e lag-o. Are, ap yongga endeyekluk, ap kwarat onnggo posolat iminep wesel korayekluk-nen lobok yij-o” luk yij-o.

MATIUS 26:28

Yu-ge an neyabi-nen yusu-o. Nde, an neyabi-ge Mbal Pem Nagawan-nen urul pidnak neyabi yu-ge ap kwarat-nen meya yidnak na amberam tak puwakluk-nen nggilaridnak neyabi-nen yusu-o.

MATIUS 6:12

Ap-nen nit meya rak ninpidnak na nenmberam tak pili nggal, kat-nen na nit meya yidnak kamberam tak pi-o.

MARAKUS 14:24

Nunggukmu-ge, Yesus-nen it yak ondosolar-e: ”Yu-ge ap kwarat enmanggim wirik purak eyabi, Mbal Pem Nagawan-nen urul pidnak wene na ebe rak pusu neyabi-nen yusu-o.

LUKAS 1:77

Kat-nen Nagawan Indo elem nap yak ondosolar-e: ’Kit meya yidnak amberam tak posolar-e, kinmiri yuwa-o’ luk yak undugun-o.

LUKAS 24:47

Nde, wene iri na Kerisut unu bem tomborogolar-e, Yerusalem-nen tel kutluk, yi nap ndi nap enlem oboksa yak ondogolar-e: ’Kondok yer-o. Kondok yogola-ge, Mbal Pem Nagawan-nen kit meya yidnak amberam tak puwa-o’ luk mondok yak undurag-o.

YOANES 20:23

Kit-nen-e ap-nen meya yidnak na kenmberam tak pogola-ge, Mbal Pem Nagawan-nen na amberam tak puwa-o. Nde, kit-nen-e ap-nen meya yidnak na kenmberam tak pigit lak ala-ge, Mbal Pem Nagawan-nen na amberam tak pigit lag-et ma-o” luk yij-o.

YIDNAK YIDNAK WENE 10:43

Mbal Pem Nagawan ene lomboksa yugwi nap pidsa-nen at owene yogolar-e: ’At ebem indi angin tubu yuwa nab-e at unu bem it meya yogolat woraidnag-e ambaram tak puruk, urugom tak unpuwa-o’ yiga-o” luk yij-o.

YIDNAK YIDNAK WENE 2:38

Yogolikma-ge, Peterus-nen it yak ondosolar-e: ”Kondok yer-o. Kit meya yogolat woraidnak lak tak puwakluk, kenarik tak Yesus Kerisut unu bem yi ma konpogola-ge, Konak Indi-ge onggo lag-et we irit wanugub-o.

YIDNAK YIDNAK WENE 20:28

Iri bem-e, kit na kit-net yik karok woragolat, Konak Indi-nen lomba wam ndok worak pidsa iri yik eneyarok wolmakluk mendak kinpidnak me, Mbal Pem Nagawan-nen at ambik Ambara eyabi bem-nen winde yidnak lambuk tak inpidnak nap iri na kit-nen-e lomba wam yik karok woragwi nap kwasa yik eneyarok wolmer-o.

YIDNAK YIDNAK WENE 3:19

Iri bem-e, kit meya yogolat woraidnag-e korak kunpuwaklug-e, kinndi wanuruk, kondok yer-o.

OROMA 2:4

Mbal Pem Nagawan-nen ap unpud kaso min indi yanggonak woraso min indi luruk puruk woraso min nggok iri-ge kir-e te rak pili-a? Kit meya yidnak keya buruk, kondok yuwakluk, ar-e kit kunpud kasu iri-ge kir-e kenaru buk yili-a?

OROMA 3:24

Alat nde, onggo lag-et we wok ondoso elem pem-nen Kerisut Yesus-nen nit nonnggo pidnak me, Mbal Pem Nagawan-nen-e lud tak nak ninpij-o.

OROMA 3:25

Mbal Pem Nagawan-nen-e Yesus iri-ge wam wosa eyabi at amanggim pidnak nggal pid iri-ge, at eyabi mbiridnak pem at ebem inndi angin tubu yidnak nap-nen meya yidnak lak tak peyekluk pij-o. Mbal Pem Nagawan-nen Yesus pid iri-ge at lud tak nak kwaroso na mirik nenpeyekluk-nen pij-o. Nandug-e ap-nen meya kwarogola, eneyasolar-et nde, Mbal Pem Nagawan-nen at indi luruk puruk, indisem woragaij-o.

OROMA 9:23

Nde, Mbal Pem Nagawan-nen nunpud kaso nap, nunnu kek tak purak pem len inpidnak nap nit mirik nenpeyekluk yosola-ge, at nunpud kaso elem iri nggilara nenpem pil mbuwasola-ge, nit-nen yi lik ndi lik yurag-e meya-o.

1 KORINTUS 1:30

Alat nde, Mbal Pem Nagawan ebem-e Kerisut Yesus imin kundik kinpidnak worali-o. Kerisut iri-ge Mbal Pem Nagawan-nen-e nit ninndi tenggerak elem tak obosolat, at ebem-et mot mot tak nonposolat, mbek tak nonposolat, nonnggo paga weserak nonposolat yij-o.

2 KORINTUS 8:9

Nit Nagawan Indo Yesus Kerisut-nen we wok ondoso elem iri-ge kir-e kenaru nar-o: At isilobulo kwarat worag-et nde, kit kenmanggim-nen isilobulo lak nap agaij-o. Iri agaid iri-ge at isilobulo lak yidnak pem-nen kit kinsilobulo kwarat winde rak kenpeyekluk-nen iri yij-o.

EPESUS 1:14

Konak Indi iri-ge Mbal Pem Nagawan-nen-e yi mende ndi mende at ilirak nit wok nundurak urul pidnak mende nanduk nanduk waga tena wolmakluk wok nindidnak Konak Indi-nen yusu-o. Nde, nonnggo puruk, Mbal Pem Nagawan arengge rak ninpid iri-ge at unu kek tak pidnak iri nak erembel wanuwakluk kwat ninpij-o.

EPESUS 1:18

An-e Mbal Pem Nagawan emengen mbarosolar-e, kit kinndi erengen kuwarak puwakluk yoso-o. Iri-ge kuwarak posola-ge, Mbal Pem Nagawan-nen kit wene mbo kinpidnak kinndi mbung mbung tag-e ngge-o luk kenaru tobok-nen na, Mbal Pem Nagawan winde nap enmanggim at arengge mondok kwarat lid lud tak pidnak iri na kenaru tobok-nen na,

EPESUS 1:6

Mbal Pem Nagawan-nen we wok ondoso elem abinal worak iri bem na, at Ambara abuwa worak iri na ebem—nen we wok nindid iri bem na at erembel wanuwog-o.

EPESUS 1:8

utlud lombok wok nindid iri-ge at indi pindong tak nde, indi nggat ponok tak nde iri bem-nen wok nindid iri-ge wir-o!

EPESUS 2:4

Alat nde, Mbal Pem Nagawan-nen ap unpud kaso elem iri mondok kwarat ala, ar-e nit nenabuwa mondok nggulog-et kaso me,

EPESUS 2:7

Iri kwat ninpid iri-ge, abok pempa woragolat-nen-e at-nen we wok ondoso elem utlud iri-ge Kerisut Yesus ebem at-nen konak nak kwaroso iri na mirik nenpeyekluk kwat ninpij-o.

EPESUS 3:16

An-e Mbal Pem Nagawan emengen mbarosolar-e: ”Kat kunu kek tak woraso utlud lombok iri-nen kat Kindi ebem-nen it inndi amawi rak posolat, inndi tugup lak tak posolat,

EPESUS 3:8

Marak nap oboksa ennggendumu-nen an-e nagweyak nggal-et nde, Kerisut arengge wonarurak puk mende iri-ge enlem nin nap yak unduwakluk, Mbal Pem Nagawan-nen we wok ondoso bem-net wok neramu-o.

PILIPI 4:19

Nde, Nembal Pem Nagawan-nen-e kit-nen ukwe peraidnak mende oboksa-ge Kerisut Yesus ebem-nen at eram woraso arengge mondok kwarat iri wok kondosolat wolma-o.

KOLOSE 1:14

At Ambara ebem-nen nit nonnggo posolar-e, nit meya yidnak amberam tak pij-o.

KOLOSE 1:27

Mbal Pem Nagawan-nen ”Irit timin-o” luk yidnag-e yu nggal-o. At-nen idnak kura wene, kek tak pidnak wene iri-ge, ap enlem oboksa ennggendumu-nen nam tak purag-o luk yusu-o. Nde, kura wene iri-ge yu-o: Kerisut kit kenarem worala-ge, Mbal Pem Nagawan unu kek tak pidnak iri-ge totno-t wanul-o luk kinndi mbung mbung tak wolmomtag-o.

KOLOSE 2:13

Nde, kit meya kwarogolat woraidnak pem-nen na, kiniye ambasap wabigit lak woraidnak pem-nen na, nanduk kir-e wat yidnak woragwi-t nde, yawo-ge Mbal Pem Nagawan-nen Kerisut imin totno kunluk tak kinpij-o. Mbal Pem Nagawan-nen nit meya kwarogolat woraidnak oboksa-ge amberam tak puruk,

KOLOSE 2:2

Iri yusu iri-ge, it inndi yanggo luk, it na it-nen nabuwa kabuwa woragolar-e, it inndi-n kwara yebet kagola-ge, Mbal Pem Nagawan-nen idnak kura wene enaru makluk iri yusu-o. Nde, kura wene iri-ge Kerisut at-net yusu-o.

1 TIMOTIUS 2:6

Ap pidsa meya inggem-nen wisirik enpeyekluk onnggo posolar-e, Yesus-e at ambikpebe iminep wisirik pamu-o. At wat yid iri-ge, Mbal Pem Nagawan-nen ap pidsa inmiri yurak yidnak iri na yenggerak purak pem iri tarem-et wat yij-o.

TITUS 2:14

Yesus iri-ge yi meya ndi meya kwarugwi inggem-nen ninmiri yekluk, at ondomok amanggim marak nunpuruk, at elem nap tak nenpeyekluk, ”Konak mende nak kwaruwog-o” yugwi nap tak nenpeyekluk, at-net at ambikpebe iminep nit nenmanggim wesel koragaij-o.

TITUS 3:6

Ninmiri Yoso Yesus Kerisut ebem Mbal Pem Nagawan-nen Konak Indi-ge nit nenpem kwarat nggilara mberak pij-o.

IBERANI 9:22

Ndemerer-o. Imiri mbarak pidnak wene-nen yidnak yidnak kwarogolar-e, yi mende ndi mende oboksa-ge eyabi bem nak-nen mbek tak poso-o. Nde, eyabi wirik pidnak pem nak-net ap-nen meya yogolat woraidnag-e amberam tak poso-o.

1 PETERUS 2:24

Nir-e meya yugwi elem inggem-nen weserak woragolat, lud tak nak kwarogolat wolmakluk, Kerisut at-net nit meya yidnag-e at ondomok ebem puruk, e lang pang tak pem wat yij-o. At wiridnak sa ud iri-nen-e kit ki rak kinpij-o.

1 PETERUS 3:18

Nde, Kerisut na irit, ap-nen meya yidnak pem mondok misik tarem-et ap pidsa enmanggim wat yij-o. Lud tak nak kwaroso nab-e lud tak nak kwarugwi buk nap enmanggim wat yosolar-e, Mbal Pem Nagawan eram lit nunpuruk mbereyekluk wat yamu-o. Nde, ki nap enpage worak iri na wiriga-t nde, indi irit uruk tak pij-o.

1 YOANES 2:12

Nilirak wa-e. Kerisut unu bem kit meya yidnak amberam tak pidnak me, engga yu mbal kundusu-o.

1 YOANES 2:2

Nde, nit meya yidnak amberam tak puwakluk, Kerisut-e mirin ngal yij-o. Nde, nit meya yidnak nag-e lag-o. Are, ap pidsa meya yidnak amberam tak puwakluk, mirin ngal yid irir-o.

1 YOANES 4:10

Enabuwa kagwi elem-e yur-o. Nit nanduk-nen Mbal Pem Nagawan abuwa kaige-ge lag-o. Are, at-nen nit nenabuwa karuk, nit meya yidnak amberam tak puwakluk at Ambara pil mbuwagaij-o.

NAM PARA WENE 14:4

It iri na-ge kwami inmin nene yugwi buk me, kopkap lak-nen yili-o. Ir-e kwami wanugwi buk-nen yili-o. Nde, ir-e Lomba Wam Marik na mbiridnak sa nak imbirik nak nugwi-o. It iri-ge nggweyak ma nap ennggenggerak-nen onnggo bidnak nap me, ir-e nanduk nandug-et Mbal Pem Nagawan min Lomba Wam Marik min enmanggim wosa inpidnak-nen yili-o.

NAM PARA WENE 5:9

It-nen ndawi ngget misik yogolar-e: ”Kar-e mondok kirikma, wat yigen iri bem-nen-e Mbal Pem Nagawan amanggim ap enlem ndomok oboksa min ap enne ndomok oboksa min ab-e ap oboksa min ap enlem oboksa min onnggo pigen pem-e kat-nen-e engga na wanuruk, lop nok tak pugwi mende, iri na punggururag-e kabam-net yusu-o.