EPESUS 1:6 - Nanduk Ngget Tul Pidnak Wene

⁶ Mbal Pem Nagawan-nen we wok ondoso elem abinal worak iri bem na, at Ambara abuwa worak iri na ebem—nen we wok nindid iri bem na at erembel wanuwog-o.

EPESUS 1:6 ပူးပေါင်းရင်းမြစ်များ

NDAWI ENGGA 22:20

Yalawi anggat emndam-nen mengga keya nibi-o. Yengge yeba inggiyapma-nen nimiri yi-o.

YESAYA 42:1

Nagawan Indo-nen yosolar-e: ”An ndegel noboso nap an-nen tena buruk woraso, an-nen lenak pigi, an nalen tak poso-ge yu-o. At-nen-e ap enlem oboksa mot mot kwarugwi wene yak indil mburuwakluk, an-nen an nindi at ebem pukmu-o.

YESAYA 43:21

It iri-ge an nondomok namanggim-et nilirak kwarak unpukmu-o. It-nen-e ndawi bem an nerembel wanuwa-o” luk yij-o.

YESAYA 61:11

Uwi pil kaidnak tup luk nggok yusu iri na nggal-et Nagawan Indo-nen-e inmiri yoso elem wirik posola, ap enlem oboksa-nen-e at nak erembel wanuwa-o” luk yij-o. 62:1-12 Pasal yu arem-e Mbal Pem Nagawan ilirak abok-nen inmiri yuwa wene mbarak worasu-o.

YESAYA 61:3

inndi puru bera tabun puruk woragwi-ge konak enalin enalen pem woragwi elem wok ondosolat, nde, inndi puru rak woragwi-ge nden yaga enalen pem ndawi yugwi rak onposolat yuwakluk-nen nibil lobok yamu-o. Nde, ir-e Nagawan Indo ondomok-nen yagidnak e nggal kwat ma-o. Ir-e ndemeret lud tak mot mot nak kwarogolar-e, Nagawan Indo nak kek tak ubuwa-o.

YEREMIA 23:6

Nde, at-nen o tena worala-ge, Yewura nab-e inmiri yosolat, nde, Isarael nab-e kona yamuksa wolma-o. Nagawan iri na imin yogolar-e: ’Nagawan Indo iri-ge nit Ninmiri Yoso Nap-nen yusu-o’ luk yuwa-o” luk yij-o.

MATIUS 17:5

Nde, Peterus-nen wene iri yosoma ereya na-net yaya worak nggan nggan iri arem-nen ene mbi-nen yosolar-e: ”At yu-ge an Nambara abuwa worak-nen yusu-o. At ebem-e an nalen kasu-o. At ene nak koler-o!” luk yij-o.

MATIUS 20:9

Alama-ge, jam lima bem yabu nggwiga nap na lobok yigarik, onggo-ge enambiktak kerep tol misiget irit waniga-o.

MATIUS 3:17

Iri lug-e, ene misik aid arem-nen pil mbuwasolat-nen yosolar-e: ”Yu-ge an Nambara nindi kundik-nen yusu-o. At ebem an nalen kwarat yusu-o” luk yosola, kuliga-o.

LUKAS 2:14

”Mbal ombol nggwe-nen-e Mbal Pem Nagawan erembel wanuwag-o! Nde, nggweyak ma yu-nen-e Nagawan Indo indi alen tak pugwi nab-e yamuksa wolmag-o!” luk yiga-o.

YOANES 10:17

Abok-nen nindi tuguruk waneyekluk, an-net an nindi wisirik pusu me, an Neid-nen an nabuwa kasu-o.

YOANES 3:35

Eid nen-e at Ambara abuwa karug-e, yi kwarurak ndi kwarurak pidsa Ambara inggem nak pamu-o.

OROMA 8:1

Iri yidnak pem-e yawo-ge Kerisut Yesus imin kwin yidnak nap nenpem wene mbi mbaruwa bug-o.

2 KORINTUS 4:15

Iri mende oboksa-ge kit kenmanggim kwat yusu-o. Nde, Mbal Pem Nagawan-nen we wok ondoso elem kwarat iri-ge ap nin endam wok lik, nin endam wok lik yosolar-e, it-nen-e Mbal Pem Nagawan wa kwarat yak togola-ge, Mbal Pem Nagawan unu kek tak pogolat wolma-o.

2 KORINTUS 5:21

Kerisut ebem-nen Mbal Pem Nagawan-nen lud tak nak kwaroso nggal tak nenpeyeklug-e, Kerisut na meya yoso bug-et nde, nit nondolmasa Mbal Pem Nagawan-nen-e meya yoso nap tak ibij-o.

EPESUS 1:12

Len ninpid iri-ge awo ma-net ninndi Kerisut ebem mbung mbung tak woraige nap nir-e Mbal Pem Nagawan unu kek tak pogolar-e, at erembel wanugwi rak ninpij-o.

EPESUS 1:14

Konak Indi iri-ge Mbal Pem Nagawan-nen-e yi mende ndi mende at ilirak nit wok nundurak urul pidnak mende nanduk nanduk waga tena wolmakluk wok nindidnak Konak Indi-nen yusu-o. Nde, nonnggo puruk, Mbal Pem Nagawan arengge rak ninpid iri-ge at unu kek tak pidnak iri nak erembel wanuwakluk kwat ninpij-o.

EPESUS 1:18

An-e Mbal Pem Nagawan emengen mbarosolar-e, kit kinndi erengen kuwarak puwakluk yoso-o. Iri-ge kuwarak posola-ge, Mbal Pem Nagawan-nen kit wene mbo kinpidnak kinndi mbung mbung tag-e ngge-o luk kenaru tobok-nen na, Mbal Pem Nagawan winde nap enmanggim at arengge mondok kwarat lid lud tak pidnak iri na kenaru tobok-nen na,

EPESUS 2:7

Iri kwat ninpid iri-ge, abok pempa woragolat-nen-e at-nen we wok ondoso elem utlud iri-ge Kerisut Yesus ebem at-nen konak nak kwaroso iri na mirik nenpeyekluk kwat ninpij-o.

PILIPI 1:11

Nde, Yesus Kerisut ebem-nen lud tak nak kwarugwi engen kwarat pidnak kit kenarem kobongsa wolma iri-ge Mbal Pem Nagawan unu kek tak pogolat, at erembel wanogolat makluk-nen wolma-o.

PILIPI 3:9

at arem worayekluk-nen yigi-o. An-e lud tak nibidnak yu-ge an nindi-net iri kwareyeg-o luk, an-nen imiri mbarak pidnak wene-nen yidnak yidnak kwaroso ala-nen kwat nibidnag-e lag-o. Are, Kerisut ebem nindi angin tubu yidnak pem-net lud tak nak nibidnak perak nde worasu-o. Inndi angin tubu yidnak pem-net Mbal Pem Nagawan-nen lud tak nak onposo iri nde yigi-o.

PILIPI 4:19

Nde, Nembal Pem Nagawan-nen-e kit-nen ukwe peraidnak mende oboksa-ge Kerisut Yesus ebem-nen at eram woraso arengge mondok kwarat iri wok kondosolat wolma-o.

KOLOSE 1:13

At-nen-e ndamuk inggem-nen weserak nunpuruk, at Ambara abuwa worak-nen tenagaidnak wi ninpil lobok yij-o.

1 PETERUS 2:5

Kir-e kunlug-et woragwi kerep-nen yili me, kit wok kunpuruk Mbal Pem nagawan uwi indi amanggim o iri wat momtak kerep iri kinndi mer-o. Iri nggal kwarogolar-e, kir-e tepan ombo marak kwat luk, Yesus Kerisut ebem kir-e Mbal Pem Nagawan amanggim wam wosa kan pogola-ge, Mbal Pem Nagawan-nen-e kit-nen pidnak mende bem-e alen kujwa-o.

1 PETERUS 2:9

Alat nde, kir-e len kinpidnak nap elem yogolat, nagawan-nen idnak tepan ombo yogolat, marale elem yogolat, Mbal Pem Nagawan ondomok ilirak yogolat yili-o. Ndamuk arem-nen at eyaya kwiye worak arem nggobokluk, Mbal Pem Nagawan-nen wene mbo kunpuruk, len kinpid iri-ge at-nen kwiye worak kwaroso wene iri na tomborobokluk, wene mbo kinpij-o.

1 PETERUS 4:11

Ta-nen nde aid wene yurak ala-ge, mondok Mbal Pem Nagawan-nen yidnak wene nak yurag-o. Nde, ta-nen nde ap erep yongga undurak ala-ge, mondok Mbal Pem Nagawan amawi bem-net ap yongga undurag-o. Iri ala-ge, yi kwatlik ndi kwatlik kwarogolar-e, Yesus Kerisut ebem-nen Mbal Pem Nagawan erembel wanurag-o. Yesus iri-ge amawi worak, at nak kek tak obogolat woralik nalik wolmomtak nap-nen yusu-o! Amen.