EPESUS 1:4 - Nanduk Ngget Tul Pidnak Wene

⁴ Nggweyak yu ndak worak pigit lak ma-net nir-e marak nak wolmakluk, at eram-nen-e ”At yu-ge iri nggal meya yoso bug-o” luk yak nunduwakluk, nir-e at arengge rak nunpurak pem Mbal Pem Nagawan–nen-e Kerisut ebem-nen len ninpij-o.

EPESUS 1:4 ပူးပေါင်းရင်းမြစ်များ

2 SEMUEL 22:24

An-nen lugud tak kwarugwi keya buruk, lugud tak kwarigit lak woraso iri-ge ar-e arur-o.

NDAWI ENGGA 135:4

At-nen-e Yakub-e ondomok amanggim-et lenamu-o. Isarael nab-e at ondomok arengge rak enpamu-o.

YESAYA 42:1

Nagawan Indo-nen yosolar-e: ”An ndegel noboso nap an-nen tena buruk woraso, an-nen lenak pigi, an nalen tak poso-ge yu-o. At-nen-e ap enlem oboksa mot mot kwarugwi wene yak indil mburuwakluk, an-nen an nindi at ebem pukmu-o.

MATIUS 24:22

Nde, Mbal Pem Nagawan-nen iri kwarurak tarem-e poro rak pigit lak yid nggal-e, ap misiger-o luk tet imiri yigit lak yeleb-o. Alat nde, at-nen len inpidnak nap enmanggim-e iri kwarurak tarem-e poro rak puwa-o.

MATIUS 24:24

Enesiget siget Kerisut min enesiget siget Mbal Pem Nagawan ene lomboksa yugwi nap min nam marig-e, it-nen-e wi yurak mende min kwiye worak mende min kwarat kwarogolar-e, Mbal Pem Nagawan-nen len inpidnak nap ereba na onmbol pem ludtag-e ndak nggal-e, irit kwatleb-o.

MATIUS 24:31

Nde, posid poba nggulok na ene yosola-ge, at-nen-e at-nen idnak aid nap ereba wirik unpuwama-ge, at-nen len inpidnak nab-e nggweyak unggut empat nggwe-nen na, o nggweyak erep worok siyem min mbal erep woroksiyem min-nen na ndok worak unpuwa-o.”

MATIUS 25:34

Iri luk, Nagawan na-nen at inggi kigit nggwe wolma nap na yak ondosolar-e: ’An Neid-nen imbiringgat tak kinpid nap wa-e. Lobok yer-o. Nggweyak ma yu me ndak wirid kuri-nen kit kenmanggim lid lud tak pidnak nagawan-nen tenagaidnak wi yu winde yil lobok yer-o.

YOANES 10:16

Nde, an nolomba erep na worasur-o. Lomba ereba-ge ngenwa yu me nggwigit lak nde yigi-o. An-nen na it oboksa mondok inpil lobok yimin-o. It-nen an nene kologolat, it pidsa misiget nak luk, lomba wam ombo na misiget nak wolma-o.

YOANES 15:16

Kit-nen an len nibigit lag-o. Alat nde, an-nen len kunpuruk, kit-nen-e engen kwarat pogolar-e, pem-et woralik nalik momtak engen pobokluk-nen an-nen wirik kinpigi-o. Nde, an nunu bem an Neid nggi yak tugup mende-ge, iri na-t wok kunduwa-o.

YOANES 17:24

Neid wa-e. An lena wok nirigen nab-e an kek tak woraso na kujwakluk, an woramin sa it na iri me totno wolmomtak perasu-o. Nde, an-nen kek tak woraso iri-ge nggweyak yu awo ndak wirigit lak ma, kar-e an nabuwa kasolar-e, wok nirigen nar-o.

YIDNAK YIDNAK WENE 13:48

Yogolikma-ge, enlem nin nap na-nen iri wene kuluruk yigarig-e, enalen luk, Nagawan Indo-nen yidnak wene na erembel wanogolat woraiga-o. Nde, it unluk pem-et wolmag-o luk lenak inpidnak nap-nen-e wene iri bem inndi angin tubu yiga-o.

YIDNAK YIDNAK WENE 15:18

nanduk-net wene yu kwarosolat enaru rak pid nap Nagawan Indo-nen-e irit yij-o.’

YIDNAK YIDNAK WENE 18:10

An-e kimin worasu-o. Nde, o yu me-ge an-nen idnak nap kwarat worali me, ap misiger-o luk-nen na andi bandi rak kubuwa bug-o” luk yak tij-o.

OROMA 8:33

Mbal Pem Nagawan-nen len ninpidnak nap nir-e ta-nen nonpok puwa-o? Mbal Pem Nagawan-nen lud tak nak ninpidnak me,

1 KORINTUS 1:8

Yesus-nen tugup lak tak kinpidnak irit worakmu worok tak puwa tarem, nit Nenagawan Indo Yesus Kerisut-nen idnak Tarem-nen-e kenpem wene mbaruwa bug-o.

NGGALATIA 5:13

Nowe nowosi wa-e. Kit perak nde, wisirik kinpidnak worabok-nen wene mbo kinpid nar-o. Alat nde, wisirik kinpidnak iri na bem kit kenpe-nen ukwe yugwi mende-nen yidnak yidnak yurak pug-o. Are, nabuwa kabuwa yogolat-nen-e kit na kit-net ndegel pegerak mber-o.

NGGALATIA 5:22

Alat nde, Konak Indi-nen engen yosolar-e, ap enabuwa kagwi elem nde, enalin enalen woragwi elem nde, lambuksa woragwi elem nde, inndi luruk puruk woragwi nde, inndi namere woragwi nde, konak nak kwarugwi nde, yidnak yidnak nak kwarugwi nde,

NGGALATIA 5:6

Nde, nir-e Kerisut Yesus ebem woragolar-e, niniye ambasap wabidnak ala na, ambasap wabigit lak ala na, iri-nen ebe momtak mende-ge lag-o. Nde, inndi angin tubu yidnak pem-nen ap enabuwa kagwi iri nak nggok-nen yusu-o.

EPESUS 2:10

Nir-e Mbal Pem Nagawan-nen ndak wat ninpidnak-nen yili-o. Nir-e konak nak kwarogolat wolmakluk Kerisut Yesus ebem ndak worak ninpij-o. Nde, nit-nen konak nak kwarogolat wolmomtak iri-ge abuwok ma-net Mbal Pem Nagawan-nen lid lud tak pij-o.

EPESUS 3:17

it inndi angin tubu yidnak pem Kerisut-e it inndi arem wolmag-o” luk kenmanggim tepan yoso-o. Kir-e ap enabuwa kagwi elem iri na bem kenmengen kwen yogolat, iri bem na tugup lak woragolar-e,

EPESUS 4:2

Kir-e pempa kinndi teberak woragolat, kinndi yanggonag-et woragolat, kinndi luruk puruk woragolat mer-o. Nabuwa kabuwa woragwi na nam tak pogolar-e, yongga yongga wolmer-o.

EPESUS 5:2

Kerisut na-ge nit nenabuwa kagaid nggal, iri nggal kir-e ap enabuwa kagwi elem pem-et waring kagolat wolmer-o. Kerisut-e nit nenabuwa kasolar-e, nit nenmanggim at-nen at ondomok indi wisirik posolar-e, Mbal Pem Nagawan indi alen tak poso emben konak mende nggal luk, at eyabi Mbal Pem Nagawan amanggim pij-o.

EPESUS 5:27

Nde, iri kwat inpid iri-ge, lambuk tak inpidnak nap iri-ge at-net at ondomok eram enpeyekluk-nen yij-o. At eram onposolar-e, enabinal worak, enpem kopkap min siminggil min iri nggal erep na lag-et. Are, mondok marag-et, enpem ambut lak irit eram enpeyekluk-nen yij-o.

PILIPI 2:15

Irit kwarugup ala-ge, kir-e meya mbi kwarugwi na lak, kinndi mot mor-et woragolar-e, lugud tak kwarugwi nap min nden penden kwarugwi nap min ennggenggerak-nen kir-e Mbal Pem Nagawan ilirak meya na yugwi buk nap irit woragub-o. It ennggenggerak-nen-e kir-e wonaru nggal, nggweyak ma yu me yaya rak pogolar-e,

KOLOSE 1:22

Alat nde, yawo-ge Kerisut na ki nap enaboro worak luk wat yid na bem-e Mbal Pem Nagawan-nen at ondomok imin lambuk tak kinpij-o. Iri rak kinpid iri-ge kir-e marak nap, kenpem kopkap lak nap, meya kwarugwi buk nap tak kunpuruk, at eram kinpil lobok yekluk-nen iri kwarij-o.

KOLOSE 2:2

Iri yusu iri-ge, it inndi yanggo luk, it na it-nen nabuwa kabuwa woragolar-e, it inndi-n kwara yebet kagola-ge, Mbal Pem Nagawan-nen idnak kura wene enaru makluk iri yusu-o. Nde, kura wene iri-ge Kerisut at-net yusu-o.

KOLOSE 3:12

Kir-e Mbal Pem Nagawan ilirak-net yiii-o. Ar-e kit kenabuwa karuk, at arengge rak kenpeyekluk lenak kinpij-o. Iri bem-e, kit-nen na ap enabuwa kagolat, kinndi konag-et woragolat, kinndi teberak woragolat, yanggonak nak woragolat, kinndi mamak puruk woragolat wolmer-o.

1 TESALONIKA 3:12

Nit-nen kenabuwa kali iri nggal-et kit na kit-net nabuwa kabuwa wolmomtak elem min nin nap enabuwa kudtak elem min-e Nagawan Indo-nen-e utlud lombok kwarat tak kunpuwag-o.

1 TESALONIKA 4:7

Nir-e mbilaro ngin mende kwaruwakluk-nen Mbal Pem Nagawan-nen wene mbo ninpij-e lag-o. Are, nir-e marak nak wolmakluk-nen wene mbo ninpij-o.

2 TIMOTIUS 1:9

Mbal Pem Nagawan-nen-e nit ninmiri yosolat, at-nen idnak nap makluk wene mbo nonposolat kwarid iri-ge nit-nen kwaridnak pem-e lag-o. Alat nde, at indi-n peraruk, at-nen we wok ondoso bem-net kwat ninpij-o. Nde, we wok ondoso elem iri-ge o awo ndak wirigit lak ma-net Kerisut Yesus ebem wok nindij-o.

2 TIMOTIUS 2:10

Iri bem-nen Mbal Pem Nagawan-nen len inpidnak nap enmanggim, it na irit inmiri yurak elem Kerisut Yesus ebem worasu iri min, pem-et wolmomtak abinal min wanuwakluk, kwarat lel mberel nobogola-t nde, neyak linggirik worasu-o.

2 TIMOTIUS 2:19

Alat nde, Mbal Pem Nagawan-nen pidnak o paro iri-ge mondok tugup lak, sil kudtak puk-nen yusu-o. Nde, paro iri bem-e wene yu mbarak worasu-o: ”Nagawan Indo-nen-e at arengge rak inpidnak nap iri-ge ar-e aru-o” luk ” ’An-e Nagawan Indo arengge-nen yusu-o’ luk yoso nab-e at-nen meya kwaroso iri-ge keya buwag-o.”

YAKOBUS 2:5

Kenabuwa worak nanggamirak wa-e. Wene yu koler-o. Nggweyak ma nap-nen enarengge lak eneyali nab-e Mbal Pem Nagawan-nen len onposolar-e, inndi angin tubu yugwi elem kwara winde rak unpuruk, Mbal Pem Nagawan abuwa kagwi nap enmanggim urul pidnak at-nen tenagaidnak wi na winde rak enpeyekluk len inpij-o.

1 PETERUS 1:2

Nineid Mbal Pem Nagawan indi-n pidnak pem-net at elem nap makluk len kinpid iri-ge Konak Indi-nen at amanggim nap tak kunpuwakluk, Yesus Kerisut-nen yidnak yidnak kwarobokluk, at eyabi-nen mbek tak kunpuwakluk len kinpid irir-o. We wok ondoso elem min lambuksa woragwi elem min kwarat wok kondosolat wolmag-o.

1 PETERUS 1:20

Kerisut iri na-ge o ndak wirigit lak ma-net Mbal Pem Nagawan-nen lenak ebamu-o. Nde, woroksiyem yawo tarem-nen-e kit kenmanggim nam tak pid irir-o.

1 PETERUS 2:9

Alat nde, kir-e len kinpidnak nap elem yogolat, nagawan-nen idnak tepan ombo yogolat, marale elem yogolat, Mbal Pem Nagawan ondomok ilirak yogolat yili-o. Ndamuk arem-nen at eyaya kwiye worak arem nggobokluk, Mbal Pem Nagawan-nen wene mbo kunpuruk, len kinpid iri-ge at-nen kwiye worak kwaroso wene iri na tomborobokluk, wene mbo kinpij-o.

2 PETERUS 3:14

Nanggamirak kenabuwa worak wa-e. Iri bem-e kir-e Tarem iri yik karok woragolar-e, Mbal Pem Nagawan erengen pem kir-e marak irit, kenpem kopkap lak, at imin kundik woraboklug-e, mondok kwara kenmawi konder-o.

1 YOANES 4:16

Mbal Pem Nagawan-e nit nenabuwa kaso na-ge nir-e nenaru yogolat, ebem ninndi angin tubu yogolat yili-o. Mbal Pem Nagawan-e enabuwa kaso elem-nen yusu-o. Ta-nen nde ap erep enabuwa kererenak woraso ala-ge, ar-e Mbal Pem Nagawan arem woralat, nde, Mbal Pem Nagawan na at arem worasu-o.

NAM PARA WENE 13:8

Nde, nggweyak ma worali nap oboksa-nen at erembel wanuwa-t nde, nggweyak yu awo ndak wirigit lak ma-net wiridnak Lomba Wam Marik-nen idnak engga unluk nak wolmomtak iri na bem unnu mbaridnak nap-nen-e at erembel wanuwa bug-o.

NAM PARA WENE 17:8

Ndakngge isilepma worak kaigen iri-ge, nandug-e uruk woragaij-et nde, yawo-ge uruk worasu bug-o. At iri-ge yanem were mbun arem-nen lumarig-e, at lak tak uburak sa mburuwa-o. Nde, nggweyak ma worali nap, o nggweyak yu ndak worak pigit lak ma-net unluk wolmomtak engga arem unnu mbarigit lak nap oboksa-nen-e ndakngge isilepma worak iri karug-e, wi yuwa iri-ge ndakngge isilepma worak iri-ge nanduk uruk woragaij-et nde, yawo-ge uruk worasu bug-o. Nde, tuguruk nam ma iri bem-nen wi yuwa-o.