EPESUS 1:3 - Nanduk Ngget Tul Pidnak Wene

³ Nenagawan Indo Yesus Kerisut eid Mbal Pem Nagawan erembel wanuwog-o. Nir-e Kerisut ebem-nen Mbal Pem Nagawan-nen aid arem woraso we wok nundurak mende oboksa-ge wok nindij-o.

EPESUS 1:3 ပူးပေါင်းရင်းမြစ်များ

NDAK WIRIDNAK WENE 14:20

Wim nap urugwe nggwe rak unpuruk, ombol nggwe rak kibid Mbal Pem Nagawan Mondok Kek tak iri nak erembel wanugwi irit wolmag-o” luk yak tij-o. Yak tosoloma-ge, Abaram-nen-e at-nen wim kugun pem wanid yi mende ndi mende ereba na enggep lombok menggesa karetkwe irit Melkisendek wok tij-o.

NDAK WIRIDNAK WENE 22:18

Kar-e an-nen: ’Irit kwari-o’ yigi iri na ndak ndag-et kwarigenma me, yi nap ndi nap ap enlem oboksa-nen an-nen kat-nen wigarak inmbiringgat tak pigi nggal, imbiringgat tak unpuwakluk an nemengen mbaruwa-o” luk owak mbarij-o.

NEMIA 9:5

Nde, iri tarem Nagawan Indo erembel wanugwi iri-ge it Lewi nap ya-nen tel kwiriga-o: Yesua, Katmiel, Mbani, Asapneya, Serebeya, Ondia, Sebania, Petaya it yu-nen yogolar-e: ”Menluk-nen Nagawan Indo Nenmbal Pem Nagawan nak kek tak puwog-o! Pempa at nak kek tak pogolat wolmog-o! At unu nggok kek tak iri nak mondok kek tak puwog-o. At kek tak ubugwi ereba-ge teberak puruk, At unu-ge terak minik kek tak-net yusu-o” luk yiga-o.

NDAWI ENGGA 134:3

Mbal min nggweyak min ndak wiridnak nap Nagawan Indo-nen Sion iri me-nen imbiringgat tak kunpuwag-o!

NDAWI ENGGA 72:17

Nagawan unu-ge meme rak pigit lak, pem irit yeberak woralik nalik wolmag-o. At anggu obok mboroso-ge mo worala-ge, mondok wigak yosolat wolmag-o. Ap enlem oboksa-nen at imbiringgat worasu nggal wolmomtak pem imbiringgat tak unpurak nggi yuwag-o. Ap oboksa-nen nagawan imin yogolar-e: ”Alen worak wolmag-o” luk yuwag-o.

NDAWI ENGGA 72:19

At unu kek tak pem-et woralik nalik ma iri nak erembel wanurag-o. Yi wi ndi wi oboksa-nen at abinal-nen kobong mag-o! Iri nggal-et kwat mag-o! Amin-o!

YESAYA 61:9

Kit-nen wigarag-e nin me nan me oboksa-nen enaru ma-o. Ap enlem oboksa ennggendumu enanggu onpok mburuwa-o. Iri yogola, ap oboksa-nen it eneyarug-e, ’It ap enlem yu-ge Nagawan Indo-nen imbiringgat tak onposo nab-o’luk para yuwa-o” luk yij-o.

NDANIEL 4:34

Nde, nagawan an-nen yosolar-e: ”Olengen tuju iri na worarug-e, an nerengen-e mbal lik kasola-ge, ap nindi kwat yij-o. Iri yosola-ge, Mbal Pem Nagawan Mondok Kek tak iri na kek tak obosolat, at pem-et woralik nalik woraso iri na erembel wanosolat kek tak pigi-o. Iri yosolar-e: Mbal Pem Nagawan-e pem irit nagawan wolma-o. At-nen tenagidnak wi-ge pem irit wolma-o.

LUKAS 2:28

Simeon na-ge la na kambok turuk-nen Mbal Pem Nagawan erembel wanosolar-e:

YOANES 14:20

Iri tarem wok yosola-ge, an-e Neid arem woralat, kit na an narem woragolat, an na kit kenarem woralat yusu-o luk kenaru yugub-o.

YOANES 17:21

It oboksa lambuksa misiget mak-nen an-e it enmanggim tepan yusu-o. Neid wa-e. Kar-e an narem woralat, nde, an-e kat karem woralat yili nggal, iri nggal ir-e nit nenarem wolmakluk-nen yigi-o. Iri yuwama-ge, nggweyak ma nap-nen-e an-e kat-nen wirik nibil lobok yij-o luk inndi angin tubu yuwakluk-nen tepan yusu-o.

YOANES 20:17

Yosoloma-ge, Yesus-nen kwe na yak tosolar-e: ”An Neid eram awo lagit lak me, an tena nubusu meyog-o. Are, an nowosirak endam mburugundik, an-nen yidnak wene yu yak ondosolar-e: ’An min kit min Nineid Mbal Pem Nagawan na eram-et lasu-o’ yij-o luk yak undugun-o” luk yak tij-o.

OROMA 12:5

Iri nggal, nir-e ap kwarar-et nde, Kerisut imin kundik worali me, nenpe misiget nak-nen yusu-o. Nit na nit-net kundik woragolar-e, ebe misiget inggi ijok-nen yili-o.

OROMA 15:6

Yongga kondosola-ge, kir-e kinndi min kenne min misiget nak woragolar-e, kit pidsa Nenagawan Indo Yesus Kerisut Eid Mbal Pem Nagawan nak erembel wanogolat worabog-o.

1 KORINTUS 1:30

Alat nde, Mbal Pem Nagawan ebem-e Kerisut Yesus imin kundik kinpidnak worali-o. Kerisut iri-ge Mbal Pem Nagawan-nen-e nit ninndi tenggerak elem tak obosolat, at ebem-et mot mot tak nonposolat, mbek tak nonposolat, nonnggo paga weserak nonposolat yij-o.

1 KORINTUS 12:12

Nde, enpe misiger-et nde, ininggi unuwog-e kwarar-o. Nde, ininggi unuwok na kwarar-et nde, enpe-ge misiger-o. Iri nggal Kerisut na ebe misiget-nen yusu-o.

2 KORINTUS 1:3

Nenagawan Indo Yesus Kerisut eid Mbal Pem Nagawan iri-ge, ap unpud kaso Nineid pem ap inndi yangonoso elem-e Mbal Pem Nagawan at nak erembel wanuwog-o.

2 KORINTUS 11:31

An-nen yusu wene yu-ge nenesiget yusu-ge lag-o. Nagawan Indo Yesus Eid Mbal Pem Nagawan-e aru-o. At unu-ge kek tak irit woralik nalik wolmag-o.

2 KORINTUS 5:17

Ta-nen nde Kerisut imin kundik worasola-ge, at abage ngget tak ibidnak-nen yusu-o. Abage nanduk na-ge lak lug-e, abage ngget irit kwat yamu-o.

2 KORINTUS 5:21

Kerisut ebem-nen Mbal Pem Nagawan-nen lud tak nak kwaroso nggal tak nenpeyeklug-e, Kerisut na meya yoso bug-et nde, nit nondolmasa Mbal Pem Nagawan-nen-e meya yoso nap tak ibij-o.

NGGALATIA 3:9

Abaram na at indi angin tubu yidnak pem inbiringgat worak woragaid na nggal, iri nggal-et inndi angin tubu yuwa nab-e inmbiringgat worak nab-et wolmar-o.

EPESUS 1:10

Mbal Pem Nagawan-nen ”Irit timin-o” luk lud tak pid wene-ge yu-o: Misiget tak purak tarem-e ndak yosola-ge, aid arem woraso tengge min nggweyak ma woraso tengge min, ndak worak pidnak tengge pik paksa-ge Kerisut ebem-nen mondok lambuksa misiget tak puwa-o.

EPESUS 1:17

”Konak Indi wok indi-o” luk Nenagawan Indo Yesus Kerisut Eid unu kek tak woraso Mbal Pem Nagawan na emengen mbaroso iri-ge, Konak Indi iri-nen-e kinndi nggat nggat elem wok kondosolat, Mbal Pem Nagawan kenaru yoboknen nam yaga mirik konposolat ma-o.

EPESUS 1:20

Kerisut na wat yamu, Mbal Pem Nagawan-nen uruk tak ebamu-ge, aid arem-nen at inggi kigit eralu koreyak ibidnak amawi nggulok irir-o.

EPESUS 2:6

Nde, Kerisut Yesus ebem-nen Mbal Pem Nagawan-nen nunluk tak puruk, at imin nagawan wolmakluk aid arem koreyak ninpij-o.

EPESUS 3:10

Kura woragaid iri-ge, yawo-nen-e lambuk tak inpidnak nap-nen-e Mbal Pem Nagawan indi nggat nggat elem nin tak nan tak iri-ge aid arem pemerinta min aid arem tena woragwi min mirik unpuwakluk yij-o.

EPESUS 6:12

Nde, nir-e ki nap inmin wim mbatli-ge lag-o. Are, amawi worak oboksa min amawi min nggweyak ma ndamuk yu tena woragwi nagawan min teram woraso amawi worak inndi meya min it iri inmin-et nir-e wim mbatli-o.

PILIPI 2:11

it ondomok enmende nggwe-nen para yogolar-e: ”Yesus Kerisut yu-ge Nagawan Indo-nen yusu-o” luk yogolat-nen-e Nineid Mbal Pem Nagawan unu kek tak puwa-o.

IBERANI 8:5

Nde, it tepan omborak-nen kwarugwi eneyabu iri-ge ebe-ge aid arem worala, ir-e we amorok ndak worak nggal kwarugwi-o. Iri wene-ge nandug-et Musa yak tij-o. Musa-nen-e sum-nen wiridnak wi iri na wereyekluk yosoma, Mbal Pem Nagawan-nen at yak tosolar-e: ”Kar-e ndobo iri bem woralat-nen mirik kibidnak iri na ndak ndak nag-et woragun na-e” luk yak tij-o.

IBERANI 9:23

Iri mende iri-ge ebe-ge aid arem worala-t nde, we amorok ndak worak iri-ge eyabi iri nggal kwasa ebem nggweyel kaidnak pem-nen mbek tak poso-o. Alat nde, ebe aid arem worasu iri perak nde, iri mbek tak purak pem-e Mbal Pem Nagawan amanggim wam eyabi wirik pugwi iri nggal-e lag-o. Are, Mbal Pem Nagawan amanggim wosa pugwi mende terak minik konak iri nak-net mbek tak poso-o.

1 PETERUS 1:3

Nenagawan Indo Yesus Kerisut Eid Mbal Pem Nagawan irit wa yak tuwog-o. Nit nunpud kwarat kaso me, nit na ngget mende rak nenpeyekluk Yesus Kerisut iri-ge wat yidnak nap ennggendumu-nen uruk tak pij-o. Iri bem-e, nir-e woralik nalik wulmul-o luk ninndi mbung mbung tak worali-o.