EPESUS 1:19 - Nanduk Ngget Tul Pidnak Wene

¹⁹ nit ninndi angin tubu yidnak nap nenarem yabu wanoso amawi mondok nggulok iri na kenaru tobok-nen na kenmanggim tepan yoso-o. Nde, nit nenarem worasu amawi iri-ge,

EPESUS 1:19 ပူးပေါင်းရင်းမြစ်များ

YESAYA 53:1

Ap enlem iri na-nen onggo yogolar-e: ”Ta-nen nit-nen kulidnak ereba na bem indi angin tubu yamu-o? Tarak inmbiri bem Nagawan Indo amawi-ge nam tak pij-o?

YOANES 3:6

Ki nap-nen ndet onpogolar-e, ki nab-et ndet unpugwi-o. Nde, Konak Indi-nen ndet onposolar-e, inndi-t ndet onposo-o.

YIDNAK YIDNAK WENE 26:18

It enlengen kuwarak pugunmu-ge, it-nen ndamuk arem-nen nden karuk, yaya ambigit nggwe lobok yogolat, Sere inggiyapma-nen Mbal Pem Nagawan ambigit nggwe lobok yogola-ge, it meya yidnak iri-ge an-nen namberam tak posola, an nebem inndi angin tubu yidnak pem korak inpidnak nap inmin lambuk makluk, endam wirik kibimin irir-o’ luk yak nirij-o.

OROMA 1:16

Aid wene iri-ge Mbal Pem Nagawan-nen idnak amawi me, ebem inndi angin tubu yidnak nap oboksa inmiri yoso-o. Nandug-er-e Yawuri nap, imbirig-e, enlem nin nap na inmiri yoso ala karuk, an-e aid wene na bem-e ninnggiri mondok kasu bug-o.

2 KORINTUS 4:7

Alat nde, onggo nggok mende iri na-ge ndangen nggweyak-nen konidnak yimbe nit nenarem worasu-o. Iri worasu iri-ge amawi kwarat lombok iri na-ge nit-nen idnak amawi-ge lag-o. Are, Mbal Pem Nagawan-nen idnak amawi-o luk nam makluk-nen yusu-o.

2 KORINTUS 5:17

Ta-nen nde Kerisut imin kundik worasola-ge, at abage ngget tak ibidnak-nen yusu-o. Abage nanduk na-ge lak lug-e, abage ngget irit kwat yamu-o.

EPESUS 2:10

Nir-e Mbal Pem Nagawan-nen ndak wat ninpidnak-nen yili-o. Nir-e konak nak kwarogolat wolmakluk Kerisut Yesus ebem ndak worak ninpij-o. Nde, nit-nen konak nak kwarogolat wolmomtak iri-ge abuwok ma-net Mbal Pem Nagawan-nen lid lud tak pij-o.

EPESUS 3:20

At-nen-e nit-nen nggi yidnak tengge nde, nit ninndi nak-nen ”Iri mende ukwe-o” luk yidnak tengge nde wok nundurag-e te-nen yusu nap, nit nenarem yabu wanoso amawi mondok kwarat mbilara wok nondoso nap

EPESUS 3:7

Mbal Pem Nagawan-nen we wok ondoso elem wok norosolar-e, at amawi bem-nen aid wene ndegel oboso nap kwat nibij-o.

EPESUS 6:10

Worok tak posolar-e, Nagawan Indo ebem woragolar-e, at amawi kwarat iri bem kenarong worak irit wolmer-o.

PILIPI 2:13

Nde, Mbal Pem Nagawan-nen kit kenarem eyabu wanosolar-e, at ondomok indi-n pidnak pem-et iri kwarurak kinndi wok kondosolat, iri kwarurak kenmawi wok kondosolat yusu-o.

PILIPI 3:21

At lobok yuwarig-e, nit nenpe piri yoso yu-ge nin tak nunpuruk, at ebe abinal worak iri nggal tak nunpuwa-o. Iri kwat nonposolar-e, yi mende ndi mende oboksa at urugwe nggwe rak poso amawi iri bem-net kwat nunpuwa-o.

KOLOSE 1:29

Iri kwat unpurak pem an-e namawi min-et yabu wok tenak woralar-e, Kerisut-nen wok niridnak amawi kwarat iri na bem-nen yabu wanusu-o.

KOLOSE 2:12

Nde, yi mat kinpiga iri-ge, kir-e Kerisut imin-et yapma kinpiga-o. Nde, yi ma-nen waigeb-e, wat yidnak nap ennggendumu-nen Kerisut uruk tak pid Mbal Pem Nagawan na amawi bem kit kinndi angin tubu yigep pem-e, kit na Kerisut imin totno kunluk tak kinpij-o.

1 TESALONIKA 1:5

Nde, nit-nen-e aid wene kit kendam waruk lobok yige iri-ge, we nenne nak-nen yak kindigit lag-o. Are, Konak Indi amawi bem-nen na ”Yu-ge ndemeret wene-net yusu-o” luk, mondok nenaru yidnak pem-nen na yak kindige nar-o. Nde, kit kenmanggim ala, nir-e kit kennggendumu woragolat-nen yabu wanige na-ge kenaru nar-o.

2 TESALONIKA 1:11

Iri bem-e, nir-e pempa kit kenmanggim tepan yili-o. Nit Nenmbal Pem Nagawan-nen kenperasolar-e, at-nen wene mbo kinpidnak nap ndag-et yobokluk, kenmanggim tepan yili-o. Kir-e konak nak kwaruwog-o luk perali mende kwarurak pem-e at amawi bem-nen ebe kwat yosolat, kit kinndi angin tubu luk kwarugwi mende na iminep mbal yosolat mag-o.

YAKOBUS 1:18

At ondomok indi-n pidnak pem-net lud tak nak yoso ene bem-nen-e nit ndak wat nonposolar-e, at-nen ndak worak pidnak tengge oboksa ennggendumu nir-e at indi kundik tak nenpeyekluk, ndak worak ninpij-o.

1 PETERUS 4:11

Ta-nen nde aid wene yurak ala-ge, mondok Mbal Pem Nagawan-nen yidnak wene nak yurag-o. Nde, ta-nen nde ap erep yongga undurak ala-ge, mondok Mbal Pem Nagawan amawi bem-net ap yongga undurag-o. Iri ala-ge, yi kwatlik ndi kwatlik kwarogolar-e, Yesus Kerisut ebem-nen Mbal Pem Nagawan erembel wanurag-o. Yesus iri-ge amawi worak, at nak kek tak obogolat woralik nalik wolmomtak nap-nen yusu-o! Amen.