EPESUS 1:17 - Nanduk Ngget Tul Pidnak Wene

¹⁷ ”Konak Indi wok indi-o” luk Nenagawan Indo Yesus Kerisut Eid unu kek tak woraso Mbal Pem Nagawan na emengen mbaroso iri-ge, Konak Indi iri-nen-e kinndi nggat nggat elem wok kondosolat, Mbal Pem Nagawan kenaru yoboknen nam yaga mirik konposolat ma-o.

EPESUS 1:17 ပူးပေါင်းရင်းမြစ်များ

AYUP 42:5

Nanduk kat kowene-ge ap-nen yogola nak koloso-o. Alat nde, yawo-ge nentare mboma lambuk luk, kar-e kwara naru yusu-o.

NDAWI ENGGA 24:10

Nagawan kek tak iri-ge ta-o? Nagawan Indo mondok amawi worak iri-ge Nagawan kek tak-net yusu-o.

NDAWI ENGGA 24:7

Nagawan kek tak ngguwakluk pak tumende min obi-nen woraso tumende min ereba-ge nggoksa kuwarak per-o.

YESAYA 11:2

Nagawan Indo indi-ge at ebem woralat, indi ngarak, indi nggat nggat worak tak ubuwa-o. ”Yu nggal kwarurag-o” luk kwaroso abam irit kwarak puwa-o. Mbal Pem Nagawan indi-n pidnak aru yosolat, at indi aye worak irit wolma-o.

YEREMIA 2:11

Ap enlem mbi-nen mbi it-nen erembel wanugwi iri-ge ndemeret mbal pem nagawan-e lag-et nde, it-nen-e iri na keya buruk, enmbal pem nagawan misik erembel wanugwi bug-o. Alat nde, an nilirag-e unnu kek tak poso Enmbal Pem Nagawan an keya nuburuk, yi kwatlik ndi kwatlik mondok kwaroso buk kugwiwak ereba na an nondolma sa erembel wanili-o.

YEREMIA 31:34

It iri-ge nggok-nen marik-nen oboksa an-e enaru yuwa me, it ennggamirak ennggendumu misik-nen Nagawan Indo an it-nen enaru makluk mul undurag-e lag-o. Nde, it-nen lugud tak kwarugwi-ge an-nen meme rak onposolat, nde, it meya yidnag-e an-nen namberam tak pimin-o. Nagawan Indo an-net yigi-o” luk yij-o.

YEREMIA 9:24

Ta-nen nde yi mende ndi mende bem indi kek yurak ala-ge, at-nen an aru yosolat, yebet neyasolat, an-nen pem irit enabuwa kasolat, an-nen mot mor-et ’Iri nggal kwarurag-o’ luk watsa posolat kwaroso wene ereba na bem-net indi kek yosolar-e ob-o. Ereba oboksa kwarogola-ge, an-e nindi alen tak pugub-o.’ Nde, an-e Nagawan Indo-nen yak kindigi-o” luk yij-o.

NDANIEL 10:1

Nde, Perisia Nagawan Kores iri na Perisia iri me nagawan men yarik, olengen kenan pem tak posoma-ge, Nagawan Indo-nen wene misig-e Ndaniel, unu misig-e Mbelsasat, iri na nam-et yak tij-o. Wene yak tid iri-ge ndemerer-et nde, wene iri-ge yebet kudtag-e mondok nggesa nggal angin worag-o. Nde, wene iri na-ge ebe-ge iri nggal-o luk, Ndaniel yak tosolar-e, nabi nggal pem-nen yak tij-o.

NDANIEL 5:11

Nde, kat-nen tenagidnak wi arem-e ap misig-e marak mbal pem nagawan ereba na indi arem kobong yidnak worasu-o. Nde, nagawan kat keid o tena worala tarem-net ap iri-ge mondok indi tenggerak, kwara yebet kaso, indi nggat nggat worak kugwi indi nggat nggat nggal irit woraso-o. Nde, at iri-ge kat keid Nebukatnesat-nen-e ’Iri nggal kwat ma-o’ luk urul pugwi nap min kagwi buk mende kwarugwi nap min yi iminep ndi iminep enaru nap min wonaru mbenarugwi enaru nap min ereba na enanggul pem lenak pamu-o.

MATIUS 11:25

Iri na tarem-e Yesus-nen yosolar-e: ”Neid wa-e. Kar-e aid arem min nggweyak ma min tena woraso Nagawan Indo-nen yusu-o. Kat-nen-e inndi nggat nggat worak nap min inndi pindong tak nap min endam-nen kura bigen mende iri-ge enaru buk nap na nam-et yak indigen iri bem-e an-e wa yak kurusu-o.

MATIUS 11:27

An Neid-nen-e yi mende ndi mende oboksa-ge an ninggem-et pij-o. Eid arig-et nak-nen Ambara aru yusu-o. Nde, Ambara an-nen na irit, Ambara an-nen: ’Neid iri enaru mag-o’ luk eberamin nap-nen na irit, Eid na enaru yili-o.

MATIUS 16:17

Yosoloma-ge, Yesus-nen wene erep nggarosolar-e: ”Yunus ambara Simon wa-e. Wene iri-ge nggweyak ma nap-nen yak kiriga-ge lag-o. An Neid aid arem woraso-nen yak kiridnak me, kar-e kalen kasu-o.

MATIUS 20:33

Yosoloma-ge, it-nen at yak togolar-e: ”Nagawan Indo wa-e. Nit nenlengen op-net kwara kudtak irit nindingen-o” luk yak tiga-o.

MATIUS 6:13

Nit ninndi ngaruwakluk keya nunpurak pug-o. Are, Sere inggem-nen ninmiri yi-o.

LUKAS 12:12

Iri kwat kunpuwa tarem ereya na-net kit-nen yurak wene-ge Konak Indi-nen kenmendam tak puwa-o” luk yij-o.

LUKAS 2:14

”Mbal ombol nggwe-nen-e Mbal Pem Nagawan erembel wanuwag-o! Nde, nggweyak ma yu-nen-e Nagawan Indo indi alen tak pugwi nab-e yamuksa wolmag-o!” luk yiga-o.

LUKAS 21:15

An-nen wene mot mot yobokluk kinndi nggat nggat lem wok kundumu me, kit kunuwim nap ap misiget ter-o luk-nen wene yugup na tarogolat, wene eyak wururag-e meya ma-o.

YOANES 14:17

Konak Indi iri-ge ndemeret Mbal Pem Nagawan Mirik Konposo irit wok kunduwa-o. Nde, nggweyak ma nap-nen at kagolat, enaru yogolat yurak meya me, at wok uburag-e meya-o. Alat nde, ar-e kit kinmin worasolat, kit kenarem worasolat yusu me, ar-e kir-e kenaru-o.

YOANES 14:26

Alat nde, Yongga Kundurak Nap iri-ge an nunu bem an Neid-nen wirik ibil lobok yuwa Konak Indi na-nen-e yi mende ndi mende pidsa mirik konposolat, an-nen yak kindidnak wene pidsa yeberak konposolat ma-o.

YOANES 16:3

It-nen iri kwat kunpuwa iri-ge an Neid nenmberek enaru buk-nen kwat kunpuwa-o.

YOANES 17:3

Unlug-et pem-et woralik nalik momtak elem-e ap-nen Mbal Pem Nagawan Lud tak Nak Kwaroso kat misiget nak enaru yogolat, kat wirik ibil lobok yigen nap Yesus Kerisut na enaru yogolat yugwi irir-o.

YOANES 20:17

Yosoloma-ge, Yesus-nen kwe na yak tosolar-e: ”An Neid eram awo lagit lak me, an tena nubusu meyog-o. Are, an nowosirak endam mburugundik, an-nen yidnak wene yu yak ondosolar-e: ’An min kit min Nineid Mbal Pem Nagawan na eram-et lasu-o’ yij-o luk yak undugun-o” luk yak tij-o.

YIDNAK YIDNAK WENE 6:10

Alat nde, Konak Indi-nen indi pindong tak wene Sepanus emendam tak posola me, it-nen at imin wene onggo yurak meya agaidj-o.

YIDNAK YIDNAK WENE 7:2

Kin wanosoloma-ge, Sepanus-nen onggo yosolar-e: ”Nowe nowosi min neidtak min wa-e. Wene yu koler-o. Abinal worak Mbal Pem Nagawan-nen nit nenlawingga Abaram-e o Aran woragit lak ma, o Mesopotamia worala-nen imbiri bem nam yaga mirik obosolat-nen

OROMA 1:28

Ab-e Mbal Pem Nagawan enaru yurag-e insili rak puruk keya bogola-ge, it inndi-ge meya nak peragolat, kwarugwi buk mende kwat tenak woragolat makluk-nen Mbal Pem Nagawan-nen-e keya inpij-o.

OROMA 15:6

Yongga kondosola-ge, kir-e kinndi min kenne min misiget nak woragolar-e, kit pidsa Nenagawan Indo Yesus Kerisut Eid Mbal Pem Nagawan nak erembel wanogolat worabog-o.

1 KORINTUS 12:8

Konak Indi-nen-e ap misik wok tosolar-e, indi nggat nggat pem wene yoso iri wok tosolat, nde, Konak Indi misiget iri na-net nin nap wok tosolar-e, indi tenggerak pem wene yoso wok tosolat yusu-o.

1 KORINTUS 14:6

Nde, nanggamirak wa-e. An-e kit kendam lobok yimindik nde an-e Mbal Pem Nagawan-nen yidnak nam tak paga yak kondoso mende min enaru yugwi elem min aid wene yugwi min nggomo undugwi min yak kindigit lak, nin wene nan wene bem yak kindimin iri bem-nen konak tak kinpimin-e lag-o.

1 KORINTUS 2:10

Alat nde, Mbal Pem Nagawan-nen-e kura bidnak wene na-ge Konak Indi bem-nen mirik ninpij-o. Nde, Konak Indi iri-ge yi mende ndi mende pidsa mbenaroso me, Mbal Pem Nagawan arem-nen yebet kaso mende na irit mbenarusu-o.

1 KORINTUS 2:8

Nde, iri-ge, indi tenggerak elem iri-ge nggweyak ma nagawan nagawan misiger-o luk tet enaru buk woraikma-o. Enaru woralep nggal-nen-e Unu Kek tak Woraso Nagawan Indo na e lang pang tak pem wirigit lak yeleb-o.

2 KORINTUS 12:1

Wene yu-ge ebe lak mende-t nde, an-e mondok nindi kek tak posolat woramin-o. Alat nde, yawo-ge Nagawan Indo-nen wok norosola nabi nggwe nggal kaidnak min nam tak posola kaidnak min iri-ge yak kindimin-o.

EPESUS 1:3

Nenagawan Indo Yesus Kerisut eid Mbal Pem Nagawan erembel wanuwog-o. Nir-e Kerisut ebem-nen Mbal Pem Nagawan-nen aid arem woraso we wok nundurak mende oboksa-ge wok nindij-o.

EPESUS 3:5

O nggetnem ereba-ge kura wene iri-ge nggweyak ma nap yak indigit lag-et nde, yawo-n Konak Indi bem-nen-e marak inpidnak wirik inpidnak nap min Mbal Pem Nagawan ene lomboksa yugwi nap min-e nam para mirik inpij-o.

EPESUS 4:13

Iri bem-e, nit pidsa lambuk luk, ninndi angin tubu yidnak pem-nen na, Mbal Pem Nagawan Ambara nenaru yurak pem-nen na, misiget nak irit mul-o. Nir-e ninndi worak luk, irit tit irit tit Kerisut iminep mbarak nggal nit na iminep mbal yul-o.

PILIPI 3:15

Ninndi worak nap nit-nen-e an yigi iri nggal-et yebet kagolat wolmog-o. Nde, kit erep-nen iri nggal yebet kagit lak yogola-ge, Mbal Pem Nagawan-nen-e nam-et yak kunduwa-o.

2 TIMOTIUS 2:25

wene eyak wurugwi nab-e indi yangonak pem-net tu mirik onposolat mag-o. Iri kwarosola-ge, Mbal Pem Nagawan-nen it inndi kondok yurak tarem wok ondosola, kondok yogolat, ndemeret wene na enaru yogolat nde ma-o.

TITUS 1:1

Mbal Pem Nagawan ndegel oboso nap, Yesus Kerisut-nen idnak wirik nibidnak nap Paulus an-nen mbarusu-o. Mbal Pem Nagawan-nen len inpidnak nap inndi angin tubu yidnak na elem yabuwakluk, nit mul nindidnak aid wene, ndemeret wene iri na mul unduwakluk, an len nuburuk, wirik nibid irir-o.

YAKOBUS 2:1

Nanggamirak wa-e. Nit-nen idnak Nagawan Indo Yesus Kerisut, Unu kek tak Pidnak Nagawan iri ebem kit kinndi angin tubu yidnak iri na bem-nen ap enpage-ge lumbunurak pug-o.

2 PETERUS 1:3

Nir-e at ondomok unu kek tak woraso min at lud tak nak kwaroso min at imin winde yuwakluk wene mbo ninpid nap na nenaru yidnak pem nir-e Mbal Pem Nagawan indi konak-nen kwaroso na ndak kwaruwakluk, Mbal Pem Nagawan-nen idnak amawi-nen-e yi mende ndi mende pidsa wok nindid irir-o.

2 PETERUS 3:18

Alat nde, we wok ondoso elem wanogolat na, Nenagawan Indo Ninmiri Yoso Yesus Kerisut kenaru yogolat na kit kenarem-e anggam nambek anggam nambek kwarat mag-o. Yawo-nen na irit, woragolat nagolat-nen na irit, at nak kek tak pogolat wolmag-o! Amen.

NAM PARA WENE 7:12

yogolar-e: ”Amin-o! Nit Nenmbal Pem Nagawan iri-ge erembel wanogolat, at nak kek tak pogolat, indi nggat nggat worak-nen yusu-o. Nit Nenmbal Pem Nagawan iri-ge at nak wiwa-o yak togolat, at ambigit nak tebe yogolat yurak Mbal Pem Nagawan iri-ge o tena buruk wolmomtak amawi min amawi worak pem-et woralik nalik woraso Mbal Pem Nagawan-nen yusu-o. Amin-o!” luk yiga-o.