EPESUS 1:14 - Nanduk Ngget Tul Pidnak Wene

¹⁴ Konak Indi iri-ge Mbal Pem Nagawan-nen-e yi mende ndi mende at ilirak nit wok nundurak urul pidnak mende nanduk nanduk waga tena wolmakluk wok nindidnak Konak Indi-nen yusu-o. Nde, nonnggo puruk, Mbal Pem Nagawan arengge rak ninpid iri-ge at unu kek tak pidnak iri nak erembel wanuwakluk kwat ninpij-o.

EPESUS 1:14 ပူးပေါင်းရင်းမြစ်များ

LUKAS 21:28

Nde, an yigi yeba kwat yosola karug-e, ’Nit ninmiri yurak tarem na panggo yusu-o’ luk men luk kundugun pugaksa wolmer-o” luk yij-o.

YIDNAK YIDNAK WENE 20:28

Iri bem-e, kit na kit-net yik karok woragolat, Konak Indi-nen lomba wam ndok worak pidsa iri yik eneyarok wolmakluk mendak kinpidnak me, Mbal Pem Nagawan-nen at ambik Ambara eyabi bem-nen winde yidnak lambuk tak inpidnak nap iri na kit-nen-e lomba wam yik karok woragwi nap kwasa yik eneyarok wolmer-o.

YIDNAK YIDNAK WENE 20:32

Nde, yawo-ge an-e Mbal Pem Nagawan min at-nen we wok ondoso wene min inggem kegera kunpusu-o. At-nen-e tugup lak tak konposolat, marak inpidnak nap pidsa enmanggim lud tak pidnak imining angge iri-ge it inmin lambuksa wok kondosolat kwarurag-e ndak-nen yusu-o.

OROMA 8:23

Alat nde, ndak worak inpidnak mende it nak yane witli-ge lag-o. Nit-nen na ninndi arem-nen yane witli-o. Nde, Mbal Pem Nagawan-nen nandug-et we wok nindid Konak Indi wanige nap nir-e nenpe ebis-et weserak nunpuruk, Mbal Pem Nagawan ilirak tak nunpuwakluk yik karok woragolar-e, yane witli-o.

1 KORINTUS 1:30

Alat nde, Mbal Pem Nagawan ebem-e Kerisut Yesus imin kundik kinpidnak worali-o. Kerisut iri-ge Mbal Pem Nagawan-nen-e nit ninndi tenggerak elem tak obosolat, at ebem-et mot mot tak nonposolat, mbek tak nonposolat, nonnggo paga weserak nonposolat yij-o.

2 KORINTUS 1:22

at arengge rak nonposolar-e, yenggerak purak mende nenpem posolat, abok-nen kwat nunpurak wene urul pidnak nggal Konak Indi-ge nit nenarem wolmakluk wok nondosolat yij-o.

2 KORINTUS 5:5

Iri nggal nin tak nunpurak pem lid lud tak ninpid nab-e Mbal Pem Nagawan-net yusu-o. Nde, nit kwat nunpurak mende oboksa urul posolar-e, at Indi wok nindij-o.

NGGALATIA 4:6

Kir-e ndemeret at ilirak-nen yili-o luk mirik kenpeyeklug-e, Mbal Pem Nagawan-nen at Ambara Indi-ge nit ninndi arem ibil lobok yosola, at Indi na-nen wene mbo bosolar-e: ”Neid wa-e. Neid wa-e” yusu-o.

EPESUS 1:11

Nde, Kerisut iri na ebem-net nir-e at arengge winde rak ninpid iri-ge nanduk-net at indi-nen ”Irit mag-o” luk len ninpidnak pem yi mende ndi mende kwarosolar-e, at indi-nen ”Irit timin-o” peraruk kwaroso iri na bem-nen len ninpij-o.

EPESUS 1:12

Len ninpid iri-ge awo ma-net ninndi Kerisut ebem mbung mbung tak woraige nap nir-e Mbal Pem Nagawan unu kek tak pogolar-e, at erembel wanugwi rak ninpij-o.

EPESUS 4:30

Nde, Mbal Pem Nagawan-nen idnak Konak Indi iri-ge indi puru rak purak pug-o. Mbal Pem Nagawan-nen-e ”At ilirak-nen yili-o” luk, yenggerak kunpuwakluk, Konak Indi kenpem posolat, ”Kit kinmiri yurak tarem-e ndemeret wok ma-o” luk Konak Indi ebem-nen urul yak kondosolat yij-o.

1 PETERUS 2:9

Alat nde, kir-e len kinpidnak nap elem yogolat, nagawan-nen idnak tepan ombo yogolat, marale elem yogolat, Mbal Pem Nagawan ondomok ilirak yogolat yili-o. Ndamuk arem-nen at eyaya kwiye worak arem nggobokluk, Mbal Pem Nagawan-nen wene mbo kunpuruk, len kinpid iri-ge at-nen kwiye worak kwaroso wene iri na tomborobokluk, wene mbo kinpij-o.