AYUP 5:20 - Nanduk Ngget Tul Pidnak Wene

²⁰ Nogoro-nen wat yugun naru, at-nen kilusu kundik puwa-o. Nde, wim pem-e kabo emndam-nen kimiri yuwa-o.

AYUP 5:20 ပူးပေါင်းရင်းမြစ်များ

NDAK WIRIDNAK WENE 45:7

Nde an-e kwiye worak yu nggal kwasa kit kinmiri yosolat, kit-nen wigarak oboksa inmiri yurak amanggim-et Mbal Pem Nagawan-nen-e an-e kenabuwok yu me nibil lobok yamu-o.

1 NAGAWAN NAGAWAN-NEN KWARIDNAK WENE 17:6

Woralar-e, Elia na-ge yi iri na nok tenak worasoma-ge, kuplila-nen keyama-nen towe ijamu ereba na-nen oroti min uno min wok til lobok yosola, nasolat woragij-o.

NDAWI ENGGA 118:18

Nagawan Indo-nen-e an-e mondok kwarat andi bandi rak nibij-et nde, niminep wesera wat yugwi inggem nibigit lag-o.

NDAWI ENGGA 27:3

San ombo kwarat-nen an lop lop nuruwa-t nde, an-e kwiye kamin pug-o. Wim nab-e an nuruwokluk nimin wim ngaruwa-t nde, an nindi-ge kebem-et wat tak puruk woramin-o.

NDAWI ENGGA 33:19

It iri-ge wat yugwi inggiyapma-nen Nagawan Indo-nen inmiri yoso-o. At-nen nogoro bem unluk tak posolat woraso-o.

NDAWI ENGGA 37:19

Angin worak mende enpem lobok yuwa tarem-e ir-e andi bandi kujwa bug-o. Nogoro ennggendumu mbud ma tarem-e mondok ndak irit wolma-o.

NDAWI ENGGA 49:7

Ndemeret ap misiger-o luk mbi-nen anggam imiri yosolat, anggam iri na keya buwakluk onggo Mbal Pem Nagawan wok turag-e meya-o.

YESAYA 33:16

Kit-nen nde iri kwarogola-ge, kinmiri mbarak, konak irit woragub-o. Pak arem ngenwama woragwi nggal woragolat, nunggwi mende min yi min abu lud tak ma nak woragub-o.

YEREMIA 37:21

Yosolakmu, Nagawan Sendekia-nen yosolar-e: ”At yu-ge an woraso sa nuwi mborom yu me o kubu me purag-o” luk yak indij-o. Yak endamu, at-nen yid sa iri na me worala-ge, oroti-ge oroti konugwi sa iri na me-nen pempa mak norogolat worakmu, o siri ereba na me oroti oboksa lak yij-o.

OSEA 13:14

It enlem yu-ge wat yugwi elem ininggiyapma-nen inmiri yimin pug-o. Wat yugwi elem wa-e. Kat-nen idnak wat momtak kugwi-ge wigari-o! Kat keyabu yigisa lak tak poso iri na mondok wanosolat wolmin-o! An-e it enlem yu-ge tuguruk enabuwa yimin pug-o.

ABAKUK 3:17

E ara na engen pigit lak yosolat, anggut ari na engen pigit lak yosolat, saitun engen mbarugwi tarem wok yidnag-et nde, ebe kwara mbarugwi na lak yosolat, nggandum mbato yapmu yagidnak na kwara pigit lak yosolat, lomba wam ereba na oboksa wat yosolat, wam uwi ereba na ondoro nak yosolat ma-t nde,

MATIUS 24:6

Kit-nen-e wim pogolat san ene tup min kologolat-e, wim obok kologolat yugub-et nde, kwiye kudtak pug-o. Iri nggal kwat ma-t nde, i worok tak posolat-nen kwat ma-ge lag-o.