AYUP 5:19 - Nanduk Ngget Tul Pidnak Wene

¹⁹ Lak tak onposo mende-nen kebem mbosola-ge, pempa kimiri yosolat wolma-o.

AYUP 5:19 ပူးပေါင်းရင်းမြစ်များ

NDAWI ENGGA 34:19

Konak kwarugwi nap enpem mboso andi bandi elem-e kwarar-et nde, Nagawan Indo-nen andi bandi ereba na oboksa arem-nen inmiri yoso-o.

NDAWI ENGGA 34:20

At ebe-ge Nagawan Indo-nen kwara yik karok worala, at owag-e misiger-o luk mbi mondok kalak pigit lag-o.

NDAWI ENGGA 91:15

It-nen nde an neram wene pil luwagola-ge, an-nen enne erep nggarimin-o. Anggun panggun enpem mbidnak tarem na an-net yongga indimin-o. An-nen inmiri yosolat, kek tak onposolat yimin-o.

NGGOMO WENE 24:16

Mot mot woraso nab-e wosa mberenak wolma-t nde, pempa men yik tenag-et wolma-o. Alat nde, meya yugwi nab-e lak tak onposo mende-nen mondok yigisa lak tak unpuwa-o.

NGGOMO WENE 6:16

Wene tuju ya perak Nagawan Indo-nen mondok isili me, keya buwa bug-e yar-o: Inndi-nen kek yugwi enpage min ennesiget yugwi enemnde min meya kwarugwi buk nap undugwi ininggi min meya kwarurak yumnugwi inndi min meya kwarurak sa ndag-et mburugwi unuwok min ennesiger-et nde, kaidnak nggal ap enpem ennesiget wene pugwi nap min anggamirak ennggendumu sirid worak tak onposo nap min iri mende kwarugwi iri-ge Nagawan Indo-ge mondok isili-nen yusu-o.

YESAYA 43:2

Yi yi ndi yi ereba mbaril mborosola-ge, an-e kimin-et mbirimin-o. Kar-e anggun panggun ereba arem yubuksa mbugun pug-o. Kanduk arem kuwok pugun-et nde, kan-e nunggun pug-o. Angin worak nggok kebem mbuwa-t nde, konak nak woragun-o.

NDANIEL 3:17

Kan nggok mabidnak amare iri arem-nen na irit, kat kinggiyapma-nen na irit, nit-nen erembel wanugwi Nenmbal Pem Nagawan iri-nen nde ninmiri yek nde yosolar-e, ndemeret ninmiri-t yuwa-o.

NDANIEL 3:25

Yogoloma, nagawan iri na-nen yosolar-e: ”Alat nde, noluk-nen ap enpe-ge empat nde kanduk arem waring kagola, eneyasu-o? Ir-e kamarak lak, wisirik enpem ambut lak nde waring kali-o. Nde, kenan ereya ennggendumu misik iri abage-ge erembel wanugwi nggal irit kagi-o” luk yij-o.

NDANIEL 6:16

Nde, ap ereba na nagawan eram tuguruk wok yogolat-nen yogolar-e: ”Nagawan wa-e. Meria min Perisia min-nen pempa kwarogolat wolmomtak watsa pidnak wene ereba na bem-nen nagawan kat-nen wirik pidnak wene-ge nden kalik penden kalik yurak wene-ge lag-o yidnak iri na kindi yebet ki-o” luk yak tiga-o.

NDANIEL 6:17

Iri yogola karuk, nagawan-nen wene wirik posolar-e: ”Ndaniel iri na-ge tenaga singa emndam mbunmu mberak per-o” yij-o. Yurug-e, at-nen Ndaniel yak tosolar-e: ”Kat-nen pempa tugup lak kek tak poso Kembal Pem Nagawan-nen kimiri yuwag-o” luk yak tij-o.

1 KORINTUS 10:13

Kit kenarem woraga pil nggoso mende iri-ge arig-e lak, ap pidsa-nen kagwi mende-t kenpem mbusu-o. Alat nde, Mbal Pem Nagawan-e mot mot nak kwaroso me, kit kenmawi ndak ndag-e lak siyak terak menna kenarem woraga pil nggurak mende-ge kenpem mbuma naru, keya kunpuwa bug-o. Are, kenarem woraga pil ngguwa tarem-net at-nen-e mamak pobokluk wesera mbururak tula mirik kunpuwa-o.

2 KORINTUS 1:8

Nanggamirak wa-e. Nir-e o Asia woragola-nen anggun worak mende nenpem mbidnak na kenaru rak powog-o. Nit nenpem pidnak mende iri-ge mondok nggulok lombok angin worak me, nit-nen-e: ”War-et mul kagi” luk peragolat woraige-o.

2 PETERUS 2:9

Iri bem-e, Mbal Pem Nagawan-nen kwaroso nggal kwarugwi nap na it enarem woraga pil nggogola-nen inmiri yurag-e Nagawan Indo aru-o. Nde, lud tak nak kwarugwi buk nap enpem wene mbarurak tarem andi bandi rak unpuwakluk len unpurak na Nagawan Indo-ge aru-o.