AYUP 42:8 - Nanduk Ngget Tul Pidnak Wene

⁸ Iri yigepndik me, nde, yawo-ge kusi nak sapi-ge tuju, lomba ge tuju waruk Ayup eram mburugupndik, wam ereba-ge kit meya yidnak pem kondomok kenmanggim wosa kan per-o. Kan pogola-ge, Ayup-nen-e kit kenmanggim tepan yuwa-o. Nde, Ayup-nen tepan yuwa iri-ge an-nen e kolosolar-e, kir-e onggo angin worak kenpem purag-et nde, an-nen-e kinnggiri rak pimin pug-o. Kir-e an nowene-ge ndemeret mot mor-e yigit lak yigepma-o. Nde, Ayup-nen perak ndemeret mot mor-et yamu-o” luk yak tij-o.

AYUP 42:8 ပူးပေါင်းရင်းမြစ်များ

NDAK WIRIDNAK WENE 20:17

Abimelek-nen Abarakam ogwe Sara waneyekluk yid iri na bem-nen ndowaga Nagawan Abimelek woraso sa woragwi kweyab-e Nagawan Indo-nen ibiri rak inpij-o. Iri ala karuk, Abarakam-nen Mbal Pem Nagawan emengen mbarosola-ge, Abimelek iri na ki rak obosolat, at ogwe min ndegel ubugwi kweyap min ki rak inpij-o. Iri yosola-ge, kweyap li ndakwi buk kwat yiga ereba na-ge tuguruk li ndakwi kwat yiga-o.

NDAK WIRIDNAK WENE 20:7

Alat nde, yawo-ge kwe iri-ge tuguruk un eram pil mbururag-o. Nde, kwe iri un-e an nene lomboksa yoso nap-nen yusu-o. At-nen-e kat wat yugun naru kamanggim tepan yuwa-o. Nde, kat-nen nde kwe iri nde un eram pil mbirigit lak yugun nggwe-ge kat min kat kuwokma woragwi min oboksa wat yugub-o” luk yak tij-o.

AYUP 1:5

Nde, sagurug-e, sagidnak ereba na irit wosa Ayub-e kubu kabu men yosolar-e, ilirak meya yidnak ereba na Mbal Pem Nagawan-nen amberam tak puwakluk pempa at ilirak ereba na enmanggim lombok wam wosa kan posolat woragij-o. Nde, iri kwaroso iri-ge Ayup-nen perasolar-e: ”It inndi-nen mboroksa-ge kwarigit lag-et nde, it-nen meya mbi kwarogolat, Mbal Pem Nagawan pesel pidnak worasu, lak?” luk-nen enmanggim wam wosa kan posolat woragij-o.

AYUP 1:8

Yosoloma, Nagawan Indo-nen kin wok obosolar-e: ”Kar-e an ndegel noboso nap Ayup-nen worasu abage iri-ge kwara kaigen, lak? Yi wi ndi wi oboksa-nen mbi at Ayup iri nggal indi tugup lak, konak iri nggal mbi worali bug-o. At iri-ge an nak kek tak nobosolat, meya mbi mondok kwarusu bug-o” luk yak tij-o.

AYUP 42:9

Nde, Nagawan Indo-nen wene iri na Elipas min Mbilndat min Sopat min-nen-e Nagawan Indo-nen yak indid ereba na-t kwarogola-ge, Ayup-nen tepan yosola-ge, Nagawan Indo-nen-e kulij-o.

NDAWI ENGGA 103:10

At-nen nit nenpem angin worak posolar-e, nit-nen kwaridnak ndak ndag-et nenpem poso bug-o. Iri-nen nit-nen meya kwaridnak onggo posolat na, nit-nen kwaridnak, nit-nen lugud tak kwarugwi ndak ndag-e poso bug-o.

MBIRIGA WENE 18:12

Iri luk Yitero-nen-e Mbal Pem Nagawan amanggim ebis-et kan pugwi mende min wosa mbara kan pugwi mende min siyak mbi Mbal Pem Nagawan amanggim pamu-ge, Arun min Isarael nap ennggendumu-nen enne kulugwi nap ereba na lobok yigarik Yitero imin lambuksa Mbal Pem Nagawan eram iri-nen ningga-o.

YESAYA 60:14

Kat anggun panggun tak kubugwi nap inlirag-e kat keram lobok yuwarik, keram entare nggwe tud ma-o. Kat pesel kibidnak nab-e kat keram tebe ma-o. Nde, kat kunu yarogolar-e: ’Nagawan Indo uwi siri-o’ luk, ’Sion iri-ge Isarael Embal Pem Nagawan Marak iri na uwi-o’ luk yuwa-o.

YEREMIA 14:11

Iri luk, Nagawan Indo-nen an yak norosolar-e: ”It iri yongga undurak pem-e kar-e an nemengen mbarurak pug-o.

YEREMIA 15:1

Nagawan Indo-nen an yak norosolar-e: ”Musa min Semuel min-nen an neram yu me mendak woragolat, it ap enlem yu an-nen enabuwa yuwakluk nemengen mbaruwa-t nde, an-e ap enlem yu-ge mondok enabuwa yimin pug-er-o. Ap enlem yu-ge an-nen yik iniyudtag-e mondok nimbir-o! ’Ndak mberer-o’ yak indi-o!

WONARIDNAK WENE 23:1

Mbileyam-nen Mbalak yak tosolar-e: ”Kar-e yu me-t wam wosa kan peyek-nen ondoro tuju an namanggim konurag-o. Konurug-e, sapi kusi tuju min lomba kusi tuju min mondok an namanggim waruk lobok yurag-o” luk yak tij-o.

WONARIDNAK WENE 23:14

Yak turug-e, Mbalak-nen Mbileyam iri na imin luk Piska ndobo bem Sopim karu me imin mbirij-o. Mberarik, iri me-nen wam wosa kan purak ondoro tuju konuruk, ondoro ndak wosa sapi kusi misik lomba kusi misik ondoro ndak wosa mberen lombok kan pij-o.

WONARIDNAK WENE 23:29

Nde, Mbileyam-nen Mbalak yak tosolar-e: ”Wam wosa kan purak ondoro tuju yu me konuruk, sapi kusi tuju, lomba kusi tuju wok niril lobok yi-o” yak tij-o.

MATIUS 3:17

Iri lug-e, ene misik aid arem-nen pil mbuwasolat-nen yosolar-e: ”Yu-ge an Nambara nindi kundik-nen yusu-o. At ebem an nalen kwarat yusu-o” luk yosola, kuliga-o.

EPESUS 1:6

Mbal Pem Nagawan-nen we wok ondoso elem abinal worak iri bem na, at Ambara abuwa worak iri na ebem—nen we wok nindid iri bem na at erembel wanuwog-o.

2 TIMOTIUS 4:14

Posid konoso nap Aleksandet na-ge an kwarat meya rak nibij-o. Nagawan Indo-nen at-nen kwaridnak ndak ndag-et kwat ubuwa-o.

IBERANI 10:4

Nde, sapi wam kusi eyabi min kambing wam kusi eyabi min-nen-e ap-nen meya yogolat woraidnak iri-ge korak unpurag-e mondok pem lag-o.

IBERANI 7:25

Iri bem-e ap Yesus ebem-nen Mbal Pem Nagawan eram lobok yili nab-e pem-et woralik nalik makluk, at-nen-e it inmiri yaga wok undurag-e ndak-nen yusu-o. Iri yusu iri-ge ar-e urug-et pem-et woralik nalik woraso me, it enmanggim-e Mbal Pem Nagawan emengen mbaroso-o.

YAKOBUS 5:14

Kit kennggendumu ap mbi kugi worak woralar-e, lambuk tak inpidnak nap-nen idnak ogore yidnak nap yonggo unpuwag-o. It-nen Nagawan Indo unu bem amburu anggul pem kilik puruk tepan ubuwak-nen.

YAKOBUS 5:16

Iri bem-e, kit ki rak kunpuwaklug-e, kit na kit-net meya yidnak pal kerak mbogolat, kit na kit-net tepan pegerak mbogolat wolmer-o. Lud tak nak kwaroso nap-nen indi angin tubu yosolat-nen tepan yusu iri-ge amawi kwarat-nen yusu-o.

1 YOANES 5:16

Ap mbi-nen at anggam aid wene wanidnak nap an-nen at lak tak uburak puk mende meya misik kwarosola-ge, Mbal Pem Nagawan-nen-e ap na urug-et wolmomtak elem wok tuwakluk anggam na amanggim tepan yuwag-o. Yu nggal kwarurak iri-ge it lak tak unpurak puk mende meya mbi kwarogola nak-nen kwarurag-o. Alat nde, it lak tak unpurak mende meya mbi kwarosoma-nen enmanggim tepan yurak yak kundusu-ge lag-o.

1 YOANES 5:6

Yesus Kerisut lobok yid iri-ge at yi ma purak yi min at wat momtak eyabi min imin lobok yij-o. Yi nak waruk lobok yigit lag-o. Are, yi min eyabi min-et waruk lobok yij-o. Konak Indi iri-ge lud tak nak yoso me, at-nen-e ”Wene yu-ge ndemerer-o” luk kunggurusu-o.

NAM PARA WENE 3:9

Kenaru wolmer-o! Sere ilirak iri-ge ir-e Yawuri nab-e lag-et nde ennesiget: ’Nir-e Yawuri nab-o’ luk yili-o. An-nen it iri kwat onposolar-e, kit kendam lobok luk, kentalu tud luk, kentembel wanugwi nap tak inpimin-o. Iri kwarogolar-e, an-nen kit kenabuwa kaso iri-ge enaru yuwa-o.

1 SEMUEL 25:35

Iri yosoluk yarig-e, Ndaut-nen-e Abigail-nen amanggim waruk mbirid mende ereba na-ge wanij-o. Wanuruk-nen yak tosolar-e: ”Kar-e kumud yurak pug-o. Kama yamuksa-t mbiri-o. Kat-nen nggi yigen ereba-ge abu kwar-et kibimin-o” luk yak tij-o.