AYUP 42:6 - Nanduk Ngget Tul Pidnak Wene

⁶ Iri kwarosolar-e, an-nen yigi wene ereba na yebet kasolar-e, ’Niri nera-nen yigi-o’ luk ninggiri-nen o liri bem, mabe bem yeba koreyak worasu-o” luk yij-o.

AYUP 42:6 ပူးပေါင်းရင်းမြစ်များ

NDAK WIRIDNAK WENE 18:27

Yosoloma, Abarakam-nen tuguruk yosolar-e: ”Nagawan Indo wa-e. Kisili rak nuburak pug-o. An-e kwiye lag-et wene yu-net tuguruk erep kundusu-o. An-e ki nab-et me, yi wene ndi wene yurag-e meya-t nde,

1 NAGAWAN NAGAWAN-NEN KWARIDNAK WENE 21:27

Nde, Elia-nen wene iri na yuruk keya bosola karug-e, Akap na-ge ”Niri nera kwarigi-o!” yosolar-e, usum ndela keya buruk, sum-e karung ndelak meya ereba na yirij-o. Yutluk, nunggwi mende ninggit lak irit woragij-o. Nene yosolat na, karung iri na-t yutluk nene yosolat, nde tu mborosolat na erare yek tag-e nigit lag-o.

ESERA 9:6

Nuk karuk an-nen yosolar-e: ”Nembal Pem Nagawan wa-e. An-e kat kimbiri bem nanggul pugak yurak iri-ge mondok ninggiri meya-o. Nde, nit-nen meya kwatli-ge nenanggul pem tap mbal mbal lagaid lagaid mbal pem ndurum yij-o.

AYUP 2:8

Ayup iri na-ge iri kwarak eneyakngen mbo bidnak sa ereba na eralu koreyak nak woralar-e, piring telak pem aboro nggwat tenak woragij-o.

AYUP 42:5

Nanduk kat kowene-ge ap-nen yogola nak koloso-o. Alat nde, yawo-ge nentare mboma lambuk luk, kar-e kwara naru yusu-o.

AYUP 42:7

Nagawan Indo-nen wene ereba na ndegera Ayup yak turuk, Nagawan Indo-nen Elipas yak tosolar-e: ”An-e kat min kenggamirak mberen min mondok nisilepma kenpem pusu-o. An ndegel noboso nap Ayup iri-nen-e kit-nen yigep iri nggal-e yigit lag-et nde, kir-e an nowene-ge mondok ndemeret mot mor-e yigit lag-o.

NDAWI ENGGA 51:17

Nde, an-e Mbal Pem Nagawan kamanggim kan posolar-e, ”Niri nera-o” luk nindi abi kalok yusu irir-o. Indi nde kondok luk tebe yidnag-e kar-e keya bugun pug-o.

YESAYA 5:5

An-nen idnak anggut yabu yu-ge an-nen-e yu nggal kwat ibimin-o. Yabu iri leget iri-ge kona wabimin-o. At imiri mbarak worasu kerep leget iri-ge ndamera keya bimin-o. Iri rak pumu, nggwija-nen meya rak posolat, ijok liri rak puwakluk keya bimin-o.

YESAYA 58:5

Kit-nen nunggwi mende keya buruk, tepan yogolar-e, kondomok-nen andi bandi rak pogolat, tusuangge-nen kwaroso nggal kenanggul mbara ujo rak pogolat, kunsum abak yemarak puruk, mabe pil yaga keya buruk, ebem mbiring yili-o. Kit-nen nunggwi mende keya buruk, tepan nak yik tenak woragwi-ge iri kwatli irir-a? Kit kinndi-nen-e: ’Nit-nen iri kwatli iri-nen Nagawan Indo-ge indingen nenperasu-o’ luk perali-a?

YEREMIA 31:19

Kar-e abu nenmberam tak kibige iri na-ge niri nera iri kwarige-o luk yebet kaige-o. Kat-nen angin worak nenpem pigenma-nen perak ninndi puru yogolat, yandu wandu mbige-o. Nir-e nunsujwe bem-et meya kwarigerik me, nir-e ninnggiri yaga nenpa nggoso labuk yij-o’ luk yiga-o.

YESKIEL 36:31

Kit-nen-e kit kenpage meya kwarugwi min kit-nen lugud tak kwarugwi min ereba na kinndi-ge yebet kagolug-e, kit-nen meya kwarugwi min meya emben to rak mende kwarugwi ereba na min kit kondomok kenambikpebe yik karug-e, sok wururak nggal yugub-o.

NDANIEL 9:3

Karug-e, mondok kiri keresa Nagawan Indo Mbal Pem Nagawan emengen mbarosolar-e: ”Nenabuwa ki-o” luk yak tigi-o. Iri kwarosolar-e, inndi puru yogolat-nen yurugwi karung sum iri na yutluk, mburu ninggit lak, tepan nak yosolat mabe bem irit koreyak woragi-o.

MATIUS 11:21

”O Korasin woragwi min Mbetsaira woragwi min wa-e. Kenpem mbuma mende bem kenabuwa-o! Kit kendam woralat-nen kwiye worak mende kwarigi iri na-ge o Tirus min Siron min endam-nen kwatlep nggal-e, o iri me nap-nen-e obi-net it meya yidnak keya buruk kondok yogolar-e, sum meya yorogolat, mabe enanggul pem ndarogolat yeleb-o.

LUKAS 10:13

Yuruk, Yesus-nen yosolar-e: ”O Korasin woragwi min Mbetsaira woragwi min wa-e. Kenpem mbuma mende bem kenabuwa-o! Kit kendam-nen kwiye worak mende kwarusu yeba nde o Tirus min Siron min kwatlep nggal-e, o iri me nap-nen-e obi-net it meya yidnak keya buruk kondok yogolar-e, sum meya yorogolat, entare bem mabe mbo bogolat kwatleb-o.

YOSUA 7:6

Iri yogola-ge, Yosua min Isarael nap ennggendumu enne kulugwi nap ereba na min-e mondok inndi kalok luk, inndi kalok yogolat-nen kwarugwi mende unsum ndelabela keya buruk, mabe ndatluk, iri tarem-e aptusa tag-et Nagawan Indo-nen idnak labu mbarak iri na eralu entare nggwe tud tak nak woraiga-o.