AYUP 40:12 - Nanduk Ngget Tul Pidnak Wene

¹² Inndi kek tak eneyarug-e, kat-nen mondok tebe rak unpurag-o! Nde, meya yugwi nab-e ondolma-net ndamera keya inpi-o.

AYUP 40:12 ပူးပေါင်းရင်းမြစ်များ

NGGOMO WENE 15:25

Nagawan Indo-nen-e ap inndi kek tak unuwi-ge langgona tud tak puwa-t nde, kweyap togwe onnggweyag-e imiri yoso-o.

AID WENE YOSO NAP 11:3

Ninggi kigit nggwe, lak? Kware nggwe, lak? E nde mbud marig-e, e iri-ge mbud ma iri na me-t mbud tak woraso-o. Nde, o nggan nggan talme kobong tak mom ki yosolar-e, talme nggok mboso-o.

YESAYA 63:3

”An nelem nap ennggendumu ap misik-nen mbi yongga nirigit lag-o. Narig-et nak anggut engen amburu mbulugwi sa nggwigirik, anggut engen amburu mbologolat yemen kagwi nggal, ap enlem oboksa nisilepma bem nuwok-nen yemen eneyasola, eneyabi-ge yik sik luwasolar-e, nusum-e eneyabi-nen ngin luk keya bamu-o.

NDANIEL 4:24

Nab-o. Nabi kaigen iri-ge ebe-ge yu-o. Nap kat kwat kuburak wene-ge Mbal Pem Nagawan Mondok Kek tak iri na-nen-e yu nggal mbarij-o.

NDANIEL 4:37

Iri yamu, yawo Nebukatnesat an-e aid arem woraso Nagawan iri na nak erembel wanosolat, kek tak obosolat, nggok tak obosolat kwarusu-o. At-nen kwaroso-ge ndemeret mot mot lud tak nak kwaroso-nen yusu-o. Nde, ar-e ap indi kek tak pugwi nap indi teberak purag-e ndak-net yusu-o” luk yigi-o.

NDANIEL 5:20

Alat nde, Nagawan Nebukatnesat iri na indi kek yosolat, wene koloso buk kwat yosolat, isilepma worak erengen lamburak nak kwaroso yosolat, kwarosola-ge, at-nen nagawan woraso iri na-ge lak tak ibij-o. Iri yosola-ge, at-nen nggok kek tak woraso iri na-ge lak yij-o.

MALEAKI 4:3

Nde, iri tarem-e an-nen kit kwat konposola-ge, kit-nen-e meya yugwi nab-e urugwe nggwe rak unpugub-o. Iri yugupmu, it iri-ge mabe unuwok-nen yomndogolat lul wurugwi nggal kwarak unpugub-o.

YIDNAK YIDNAK WENE 1:25

Yuras-e at ambik ondolma mborosolat-nen keya bidnak eyabu min at-nen wirik pidnak nap tak pidnak iri na min ap iri-nen wanuwak-nen-o” luk tepan yiga-o.

OROMA 16:20

Nde, lambuk tak onposo elem Mbal Pem Nagawan-nen-e ndaget nak kit kunuwok ma Sere iri na yigisa keya buwa-o. Nenagawan Indo Yesus-nen we wok ondoso elem-e kit kinmin wolmag-o.

1 SEMUEL 2:7

Ap ereb-e Nagawan Indo-net insilobulo lak ndak worak onposolat, nde, ap ereb-e insilobulo worak ndak wat onposolat kwaroso-o. Nde, ap ereb-e teberak onposolat, nde, ap ereb-e kek tak onposolat kwaroso-o.