AYUP 39:5 - Nanduk Ngget Tul Pidnak Wene

⁵ Kelerai erengen kege iri-ge ta-nen lerak keya boso-o? Ta-nen we nijat ereba nuwakluk lerak keya boso-o?

AYUP 39:5 ပူးပေါင်းရင်းမြစ်များ

NDAK WIRIDNAK WENE 16:12

Alat nde, kat kambara iri-ge kelerai wam erengen kege nggal erengen mberen woralar-e, ap oboksa inmin wim mbarosolat wolma-o. Iri yosola, ap oboksa-nen na at imin wim mbarogolat wolma-o. Ar-e owe owot inmin-e kundik woragit lak, arig-et irit wolma-o” yak tij-o.

NDAK WIRIDNAK WENE 49:14

Nde, Isakat iri-ge kelerai wam amawi worak nggal kud turuk noso angin worak mende enggendumu nggal mbinggirik irit woraso-o.

AYUP 39:10

Kat nen-e nggweyak yaloso iri na ebem parik puruk, kamawi nak-nen watsa nggweyak yaloso rak poso-a? Kat-nen-e nggweyak ndamera keya buwakluk, watsa ebem poso-a?

AYUP 39:4

Amarik ereba na-ge nembaga ereba woralat, mondok nggok amawi luk, ija keya buruk, indigum noso-o.

NDAWI ENGGA 104:11

Iri kwarusu iri-ge, walma woraso towe mena yi nasolat, kelerai walma mende yi nere laksa ebem yamuk tak obosolat makluk, wirik pusu-o.

YESAYA 32:14

Iri-nen nagawan uwi-t nde, keya bogolat, o siri iminep ma-t nde, anengen kererak woraso iri na-ge kol luk, ap tubo yuwa-o. Nde, ap-nen ap lobok yuwa naru yik karok woragwi ndobo min o mot wiril laidnak min ereba na-ge ndamera nggweyak min panggara keya buwama, abu abu irit lak wolma-o. Nde, iri na me-ge kelerai wam erengen kege-t nde ijok posolat, lomba wam tusuangge taroso sa nde kwat ma-o.

YEREMIA 14:6

Nde, kelerai wam erengen kege ereba na-ge tusuangge lak me, ndobo bem ereba na erengen nak yubun subun tak puruk, serigala ndakngge-nen kwaroso nggal indisep nak kegerenak larok yil lobok yusu-o.

YEREMIA 2:24

Nde, unta iri na o lid ereba nggosolar-e, kugut ebem wok yosolar-e, mamak purag-e meya yoso-o. Nde, iye naso tarem-nen-e at iri-ge kugut kwindidnak worala me, kusi-nen-e kowak kore-ge noso bug-o.

NDANIEL 5:21

At iri-ge ki nap ennggendumu-nen sera wirik pamu, at indi-ge wam indi nggal kwat yij-o. Iri kwatlug-e, kelerai wam erengen kege ereba na min lambuksa woralat, sapi-nen kwaroso nggal tusuangge tarosolat, mbepme ereba-t nene yosolat, lilangen-nen piri rak posolat woragij-o. Alat nde, abok nggwe-ge at-nen yosolar-e: ’Mbal Pem Nagawan Mondok Kek tak iri-ge ki nap-nen tenagidnak wi iri-ge at inggem-net yusu-o. Nde ki nap-nen tenagidnak wi iri-ge at-nen lenak pidnak nap inggem poso-nen yusu-o’ luk para yij-o.