AYUP 38:19 - Nanduk Ngget Tul Pidnak Wene

¹⁹ Yaya lobok yusu erem min ndamuk iri erem min-e ”Iri me-nen lobok yusu-o” luk kar-e karu, lak?

AYUP 38:19 ပူးပေါင်းရင်းမြစ်များ

AYUP 38:18

Kar-e ”O yu-ge wigaktag-e iri nggal-o” luk yebet kasu, lak? Kat nde karu-nen-e ”Iri nggal-o” luk onggo yak niri-o.

AYUP 38:20

Ndamuk min yaya min kat-nen kuri wosa purag-e ndak, lak? Are, lobok yosoma, ”Tuguruk mbiri-o” yak turag-e ndak, lak?

NDAWI ENGGA 104:20

Kat-nen ndamuk mberak pil mbuwasola-ge, o kubu yusu-o. Iri yosola-ge, urugup worak walma woraso-ge tu waring kil nusu-o.

NDAWI ENGGA 105:28

It-nen-e Nagawan Indo-nen enpem pidnak ndak ndag-et kwarogola-ge, Nagawan Indo-nen-e o ereba na me-ge mondok ndamuk tak pamu-o.

YESAYA 45:7

Yaya min ndamuk min-e an-net ndak woroso-o. Imbiri lamut min inmbiringgat min-e an-net enpem poso-o. Ereba oboksa kwaroso-ge Nagawan Indo an-net yusu-o.

AMOS 4:13

Mbal Pem Nagawan-net ndobo min o wija min ndak wirij-o. At-nen kwarurak indi-nen pidnag-e ki nap inmbiri bem nam tak poso-o. At-net lengge min kubu min kwarak pamu-o. Ar-e ndobo anggul pem waring kasu-o. Nde, at unu-ge Nagawan Indo Mbal Pem Nagawan Mondok Amawi worak irir-o!

MATIUS 27:45

Nde, mo enggendumu-net o iri me obok ndamuk luk woralar-e, keyama jam tiga agaij-o.

YOANES 1:9

Nde, ndemeret yaya na-ge nggweyak ma yu me mbuwasolar-e, ap pidsa yaya rak unpusu-o.

YOANES 8:12

Iri rak puruk, Yesus-nen tuguruk it yak ondosolar-e: ”An-e ki nap ennggendumu yaya-nen yusu-o. An nimin nuwa nab-e ndamuk arem nuwa bug-o. Are, unlug-et wolmomtak yaya irit tena wolma-o” luk yak indij-o.

TUGURUK YIDNAK WENE 4:19

Kit-nen kagwi mende mbal pem woraso: mo min waneya min wonaru min erembel wanogolat, ndegel obogolar-e, meya yurak pug-o. Nagawan Indo kit nen idnak Mbal Pem Nagawan-nen ap enlem ereb-e ereba-t erembel wanogolat wolmakluk keya inpij-et nde,