AYUP 31:28 - Nanduk Ngget Tul Pidnak Wene

²⁸ Mbal Pem Nagawan Amawi Worak iri na-t nde, ”Worasu bug-o” yidnak me, meya iri nggal kwaridnag-e mondok lak tak unpurag-o.

AYUP 31:28 ပူးပေါင်းရင်းမြစ်များ

NDAK WIRIDNAK WENE 18:25

Lud tak kwarugwi nab-e lugud tak kwarugwi nap inmin undurag-e mondok meyog-o, Nagawan Indo wa-e. Nagawan Indo-nen nde lak tak onposolar-e, lud tak kwarugwi nab-e ndemeret lugud tak kwarugwi nap inmin-et lak tak unpugun me, mondok meyog-o. O yu oboksa enpem Wene Mbenaroso-nen-e wene kasa lugud tak enpem mbarurag-e meya-o” luk yij-o.

AYUP 31:11

Meya mbilaro ngin iri nggal nde an-nen nde kwaroso-nen-e iri-ge onggo angin worag-e il pem-et nebem purag-o.

AYUP 31:27

Iri kwarosolar-e, an nindi-ge mariget tet waga ebem na poso buk, kek tak obosolat tebek yoso buk-nen yusu-o.

NGGOMO WENE 30:9

Nde, an nde yi mende ndi mende ombo woralar-e: ”An-e abu mondok ndak worasu yu-t nde, no manggim-nen Mbal Pem Nagawan ukwe yimin-o?” luk nde yimin kwat ma-o. Alat nde, an-nen nde nisilobulo lak weralar-e, an-nen yariya wanosolat, Mbal Pem Nagawan kat kunu-ge emben to rak pimin nde ma-o.

TITUS 1:16

It-nen yogolar-e: ”Mbal Pem Nagawan-e nit nenaru-o” luk yili-t nde, it-nen kwarugwi iri bem-nen ar-e lak tak ibili-o. Ir-e meya nak kwarogolat, yidnak yidnak kwarigit lak yogolat, konak mbi kwarurag-e mondok meya-o.

IBERANI 12:23

Mbal Pem Nagawan ilirak manggu nderak, unnu-ge aid arem mbarak worali nap-nen enalin enalen yuwokluk ndok worogola, kir-e endam wok yigeb-o. Kir-e oboksa enpem wene mbaroso Mbal Pem Nagawan eram wok yogolat, lud tak nak woragwi nap iminep mbarak pidnak inndi endam wok yigeb-o.

YOSUA 24:23

Yogolikma, Yosua-nen yak ondosolar-e: ”Iri nde ala-ge, mondok kugwiwak nin nap-nen erembel wanugwi kendam worasu ereba-ge inggi mbara wirik puruk, ’Nir-e mondok tugup lak Nagawan Indo Isarael nap Nenmbal Pem Nagawan nag-et ndegel eberenak wulmul-o’ luk owak mbarer-o” yak indij-o.

YOSUA 24:27

Iri rak puruk, Yosua-nen Isarael nap oboksa yak ondosolar-e: ”Nagawan Indo-nen nit yak nindidnak oboksa-ge kerep yu eram-nen yak nindidnak me, ”Wene-ge iri yak indid nar-o” luk kerep yu-ge mondok aru wolma-o. Kit-nen Nagawan Indo Nembal Pem Nagawan imin eyak worogolat woragup naru, kerep yu-nen-e kinndi yeberak konposolat wolma-o” yak indij-o.

2 PETERUS 2:1

Nandug-e enesiget Mbal Pem Nagawan ene lomboksa yugwi nab-e Mbal Pem Nagawan elem nap ennggenggerak men yiga nggal, iri nggal-et enesiget siget mul undugwi nab-e kit kennggenggerak na men ma-o. Men yogolar-e, ap lak tak unpurak wene owak min enesiget wene owak min pil ngguwagolar-e, it weserak enpeyekluk wat yid nap amawi worak iri na imin-e: ”Nenaru bug-o” luk yuwa-o. Iri nggal kwarogolar-e, it ndaget lak tak unpurak enambikpebe enare pili-o.

1 YOANES 2:23

Ta-nen nde: ”Ambara na naru bug-o” yusu nab-e Eid na wok ubusu bug-o. Nde, ta-nen nde: ”Ambara iri-ge naru-o” yusu nab-e Eid na wok ubusu-o.

YURAS 1:4

Mbal Pem Nagawan enaru buk nap erep nit nennggendumu tirabo nggwiga iri-ge obi-net Mbal Pem Nagawan engga bem-nen it enpem mburak wene urul paga pij-o. It iri-nen-e it enaboro-nen ukwe ukwe yugwi mende kwaruwoklug-e, Mbal Pem Nagawan-nen we wok ondoso elem-e nden penden tak pili-o. Nde, nit-nen idnak amawi worak Yesus Kerisut, Nenagawan Indo iri-ge it-nen-e ndemerer-o luk eberagwi bug-o.