AYUP 31:16 - Nanduk Ngget Tul Pidnak Wene

¹⁶ An-e enlengenma lak nab-e yongga undurak nisili-o luk keya onposo bug-o. Kweyap togwe na indi kabak yidnak woragola, keya onposo bug-o.

AYUP 31:16 ပူးပေါင်းရင်းမြစ်များ

AYUP 5:16

Mbal Pem Nagawan-e enarengge lak nap enmanggim na inndi ebem mbung mbung tak wolmomtak mende wok ondoso-o. Mot mot kwarugwi buk nab-e Mbal Pem Nagawan-nen enemnde tu nggelak poso-o.

NDAWI ENGGA 112:9

At arengge-ge we irit insilobulo lak nap tembesa wok undusu-o. Ar-e pempa konak nak kwarosolat me, at nak mondok kek tak obogolat wolma-o.

NDAWI ENGGA 119:123

Kat-nen nimiri yosolat yongga nurugun-o luk, yik keyarok mbot nerengen mep nggeyok yusu-o. An-e kat-nen ”Wisirik kibimin-o” yak nirigen iri na-t yik karok worasu-o.

NDAWI ENGGA 69:3

An-e yongga nururak pem wene mbo keberenak mbot nebabok lak yosolat, nurusu-ge manggo yagij-o. Nembal Pem Nagawan-nen yongga niril lobok yugun-o luk yik keyarok mbot nerengen mep worok yusu-o.

MBIRIGA WENE 22:22

Kir-e kweyap togwe min li mul ineid lak iniya lag-e lel unpurak pug-o.

NGGOMO WENE 22:22

At umbunu lak iri na karuk, insilobulo lak nap enarengge mengga wanurak pug-o. Ap enpem wene mbarugwi sa-nen enpem wene mbarogolar-e, ap enmawi lak anggun panggun arem woragwi nab-e lel mberel unpurak pug-o.

NGGOMO WENE 31:20

Ar-e ininggem lak nap na wok ondosolat, inndi kabak yidnak nap na indi konag-et yongga ondoso-o.

YESKIEL 18:16

ap misiger-o luk anggun panggun tak onposo buk, enarengge ndena wanoso buk, arengge namat wanidnak nap-nen arengge uwi yakola-ge, it enarengge at tena woraidnak iri na tuguruk wok ondosolat, ap nere woragola nunggwi mende mak ondosolat unsum lak ala sum yirik onposolat,

MATIUS 23:14

Kenesiget siget kwarugwi nap kit imiri mbarak pidnak wene kenaru nap nde Parisi nap nde wa-e. O, kenabuwa-o! Kit-nen-e nanongga kweyap togwe unuwi na yariya wanogolat ereya na-net ap-nen op-net yili-o yuwaklug-e, tepan mot pare yili-o. Iri bem-e kit kenpem wene mbarosolar-e, angin worak mende kwarat kenpem puwa-o!]

MATIUS 25:17

Iri nggal-et at tol mberen wanid nap na wene worosola-ge, orol na konogolar-e, tol mberen mbi nambena wanij-o.

LUKAS 16:21

Iri me woralar-e, ’Isilobulo worak nap-nen at naso sa-nen mburu abapno mbidnak pendaga namin-o’ luk peragaij-o. Nde, yengge lobok yosolar-e, at mama yeba na aben nasolat woragaij-o.

YIDNAK YIDNAK WENE 11:29

Kwat yosoloma-ge, Yesus ene wanugwi nap-nen-e Yurea woragwi ennggamirak tak inpidnak nap na yongga unduwog-o luk, it komondomok insilobulo ndak ndag-et menggasa enmanggim piga-o.

NGGALATIA 2:10

It-nen yogolar-e: ”Yu nak perak nde keya burak pug-o. It insilobulo lak nap iri-ge meme rak unpurak pug-o” luk yak nindiga-o. Nde iri-ge an-e iri kwarurak pem an namawi kondoso-t nde yak niriga-o.

YAKOBUS 1:27

Mbal Pem Nagawan erengen pem at erembel wanugwi ndemeret iminep mbarak, marak nak wolmomtag-e yu-o: li mul min kweyap togwe min anggun panggun woragola-ge, yongga ondogolat; iri-nen na nggweyak ma yu-nen meya rak unpuwa naru, it na it-nen kwil kwalsa wolmomtag-o.