AYUP 2:3 - Nanduk Ngget Tul Pidnak Wene

³ Yosoloma, Nagawan Indo-nen kin wok obosolar-e: ”Kar-e ndegel noboso nap Ayup indi iri na-ge kwara abut mbarigen, lak? Nggweyakma wi yu-nen ap mbi indi konak, mondok tugup lak at nggal mbi mondok worali bug-o. Ar-e an nak nerembel wanosolat, mondok meya mbi kwarusu bug-o. Kat-nen-e erem lag-et nde, an-nen at meya rak peyekluk nemengen mbarigen-et nde, ar-e pempa tugup lak an nimin kundik worasu-o” luk yij-o.

AYUP 2:3 ပူးပေါင်းရင်းမြစ်များ

NDAK WIRIDNAK WENE 6:9

Nu woraidnak wene-ge yu-o. Nde, Nu elirak ap nak kenan unnu-ge Sem min Am min Yapet min woraiga-o. Nde, Nu na woralar-e, meya mbi kwarigit lak irit woralar-e, at woragid tarem ereya-ge at arig-et nak konak nap irit woragij-o. Woralar-e, Mbal Pem Nagawan imin panggarak irit woragij-et nde,

AYUP 1:1

Nde, o Us nggweyak pem iri me-ge ap misik woragij-o. Iri unu-ge Ayup. At iri-ge Mbal Pem Nagawan imin kundik worasolar-e, imin tugup lak irit woragij-o. Nde, ar-e konak nap woralat, indi nggat nggat worak, meya na marig-et tet kwaroso buk irit woragij-o.

AYUP 1:11

Alat nde, kat-nen at arengge mende ereba oboksa nde wanosola-ge, wanosola ereya na-net kar-e imbiri lamut tak kubuwa-o!” luk yak tij-o.

AYUP 1:6

Nde, misik tarem-e aid arem woragwi ereba na Mbal Pem Nagawan eram ndok worogola-ge, at Sere na inmin-et wok yij-o.

AYUP 1:8

Yosoloma, Nagawan Indo-nen kin wok obosolar-e: ”Kar-e an ndegel noboso nap Ayup-nen worasu abage iri-ge kwara kaigen, lak? Yi wi ndi wi oboksa-nen mbi at Ayup iri nggal indi tugup lak, konak iri nggal mbi worali bug-o. At iri-ge an nak kek tak nobosolat, meya mbi mondok kwarusu bug-o” luk yak tij-o.

AYUP 2:2

Worala, Nagawan Indo-nen yak tosolar-e: ”Kar-e ngge me-nen lobok yigen-o?” yosoloma, at nen onggo yosolar-e: ”An-e nggweyak urugwe ombol yeba-t waring kil kil lobok yigi-o” luk yij-o.

AYUP 2:4

Alat nde, Sere iri na-nen onggo yosolar-e: ”Indi min enpe ki wolmomtak min iri-ge mondok nggok-nen yusu-o. Alat nde, enarengge mende iri-ge nggog-e lag-o. Nggweyakma nab-e enarengge mende iri lak tak purak iri-ge ndag-et nde, mondok nggog-e enpe unluk wolmomtak iri nak nggog-o.

NDAWI ENGGA 37:37

Konak nap, ondomok indi-net mot mot kwaroso nap iri na kwara lombot pi-o. Ap kona lambuk tak wolmomtak yebet kasu nab-e at-nen wigarak wolma-t nde,

NGGOMO WENE 13:6

Mot mot kwarugwi elem-nen-e lud tak nak kwarugwi nab-e nggetlel onposo-o. Meya kwarugwi elem-nen-e meya kwarugwi nab-e lak tak onposo-o.

NGGOMO WENE 15:8

Nagawan Indo-nen-e konak nap-nen tepan yili-ge kulusu-o. Alat nde, meya yugwi nap-nen at amanggim pidnak mende-ge isili rak nde pusu-o.

YOANES 9:3

Yogolikma-ge, Yesus-nen yosolar-e: ”Ap yu min at eid ija min-nen meya yidnak pem kwarij-e lag-o. Are, Mbal Pem Nagawan amawi-ge ap yu ebem-nen nam tak posola, ap-nen kujwakluk-nen at erengen ngguru ndet yid irir-o.

PILIPI 3:12

”An-e iri mende ludsa-t wanigi-o” luk, ”An-e iminep mbarak nap-nen yusu-o” luk yusu-ge lag-o. Are, Kerisut Yesus-nen an tena nibid nggal, iri nggal-et an-nen na tena beyekluk, muk kerenak worasu-o.

YAKOBUS 1:12

At indi ngarosola-t nde, mamak puruk wolma nab-e imbiringgat-nen yusu-o. Nde, indi kayekluk indi ngaruwa-t nde, ombol nggwe yuwa nap iri-ge Mbal Pem Nagawan abuwa kagwi nap enmanggim unlug-et wolmomtak kid kud Mbal Pem Nagawan-nen urul paga pidnak irit wanuwa-o.

1 PETERUS 1:7

Nde, kinndi ngaruwa iri-ge kit-nen ndemeret Nagawan Indo ebem kinndi angin tubu yigep, lak? luk kinndi kasolat-nen kinndi-t ngaruwa-o. Lak momtak mende emas posid iri perak nde abut mbaruwokluk kan ma pugwi-o. Nde, emas posid iri-ge onggo nggulok pugwi mende-t nde, marik-nen yusu-o. Nde, kit kinndi angin tubu yidnak iri perak nggulok-nen yusu me, tugup lak wolmakluk mondok kinndi ngaruwa-o. Iri lug-e, Yesus Kerisut lobok yuwa tarem-nen-e kentembel wanogolat, kunnu kek tak pogolat, nggok tak konpogolat ma-o.

1 PETERUS 5:10

Alat nde, kir-e we marig-et nak andi bandi kagolug-e, Mbal Pem Nagawan at nak-nen-e iminep mbarak konposolat, tugup lak tak konposolat, amawi rak konposolat, yogo konposolat ma-o. Nde, we wok ondoso mende pidsa elem Mbal Pem Nagawan-nen-e Kerisut ebem-nen at abinal pem-et woralik nalik momtak abinal worak irit yobokluk, wene mbo kinpij-o.