AYUP 2:13 - Nanduk Ngget Tul Pidnak Wene

¹³ Iri kwarogolug-e, lengge tuju, kubu tuju irit Ayup eram nggweyak pem koreyak nak woraiga-o. It-nen yik kaiganggal-e, Ayup na-ge andi bandi kwiye worak irit worala karug-e, mondok enne mariget tet mondok wirik pigit lak irit woraiga-o.

AYUP 2:13 ပူးပေါင်းရင်းမြစ်များ

NDAK WIRIDNAK WENE 1:5

Iri rak purug-e, yaya na unu-ge ”Lengge” yarij-o. Nde, ndamuk iri na unu-ge ”Kubu” yarij-o. Nde, kubu woraruk, lak yosola-ge, lengge kwat yij-o. Iri-ge anggul anggul tarem-o.

NDAK WIRIDNAK WENE 1:8

Nde, yi menggesa abam nggwe rak pid iri na unu-ge ”Mbal” yarij-o. Kubu na woraruk, kuplila kwat yid iri-ge mberen pem tak posolat tarem-o.

NDAK WIRIDNAK WENE 50:10

Nde, it na-ge mbirigarik, nggandum mbato aboro mbilarugwi sa o Nggoren Atat, yi Yareren eyak ele bem mo luwaso (timur) ambigit nggwe irit wok yogolar-e, inndi puru-nen yip lenggu kamariga-o. Iri yogolar-e, Yusup-nen-e eid na tabun posolar-e, tuju nene yiga-o.

ESERA 9:3

Nde, an-nen wene iri kulurug-e, nindi abi kalok yosolar-e, nusum ndela keya buruk, nanggulsu min nondoksu min pena keya burug-e, nindi abi kalak yosolat koreyak woragi-o.

NEMIA 1:4

Yak norogoloma kulurug-e, an-e kore yosolar-e, yip tigi-o. Nde, ereya na tarem woralar-e, mondok nindi puru rak nak irit woragi-o. Woralar-e, nunggwi mende mondok ninggit lak, Mbal Pem Nagawan eram nak tepan yosolat woragi-o.

AYUP 3:1

Abok nggwe Ayup iri na ene yoso tel korosolar-e: ”Noluk-nen ndesa mbigi-o?” luk ndesa mbid iri na imbiri lamut tak pij-o. Iri yosolat-nen yosolar-e:

YESKIEL 3:15

Nde, wok nuburuk mberarig-e, Yi Kebat eyak pem o Tel-Abib mbo inpidnak nap nak ndok wosa o wosa inpidnak sa iri na me-t wok yigi-o. Wok yigirik, iri me tuju bem-e woralar-e, an-e mul mul-et kasolat, kolosolat kwarigi ereba na bem-e wendet yosolat, wi tenak woragi-o.