AYUP 14:5 - Nanduk Ngget Tul Pidnak Wene

⁵ Ap unluk wolmomtag-e kat-nen: ”Olengen-e iri nggal wolma-o” luk wonarak pidnak worasu-o. Waneya na ”Iri nggal-et wolma-o” luk lud tak pidnak worasu-o. Kat-nen: ”Kir-e ereya bem nggal nak kunluk wolmomtag-o” luk kuri bidnak worasu-o. Iri bigen iri kwidsa ombol nggwe nggal unluk wolma bug-o.

AYUP 14:5 ပူးပေါင်းရင်းမြစ်များ

AYUP 14:14

Ap wat lug-e, tuguruk unluk yugwi-a? An-e andi bandi kerenak worasu yu-ge mepme-nen lak ma-o luk, kup nggal keyam nggal tag-et yik karok worasu-o.

NDAWI ENGGA 104:29

Kat-nen nden karuk, kombol wok ondosola-ge, ir-e kwiye kwarat yili-o. Kat-nen indisep wanosola-ge, ir-e wat yogolar-e, tuguruk ondolma nggweyak kwat yili-o.

NDAWI ENGGA 104:9

Kat-nen-e yi-ge nggweyak yu tuguruk kobong ma naru, ”Ya nggwe-ge mbururak pug-o” luk mondok kuri wosa pigenma-o.

NDAWI ENGGA 139:16

Kat-nen-e an-e nggeret niya arem kwat yosola, ereba-nen neyaigenma-o. Oboksa kat kengga bem mbarak worasu-o. An wolmomtak tarem-e nda yoso-ge misiget ter-o luk keya bigit lak, abuwokma-net kat-nen ludtak pigenma-o.

AID WENE YOSO NAP 3:2

Mbal Pem Nagawan-net wat tak posolar-e, ndesa mburak tarem min wat momtak tarem min yagurak tarem min ndagurak tarem min

NDANIEL 4:35

Nggweyakma yu me worali nap oboksa-ge ebe lak mende-nen yusu-o. Aid nap aid arem worali min ki nap nggweyakma yu me worali min-e Mbal Pem Nagawan inggem nak worali-o. Ap misiger-o luk mbi-nen Mbal Pem Nagawan indi-nen pidnak lugud tak purak iri-ge meya-nen yusu-o. Ap-nen ’Kar-e no kwarusu-o?’ luk, kwiye lag-et at yak turag-e meya-o.

NDANIEL 5:26

Nde, iri-ge ebe-ge yu nggal-o: ’Wonasa buruk’ yid iri-ge nap kat-nen nagawan woralat o tena worasu-ge Mbal Pem Nagawan-nen wonararik, lak tak pusu-o.

NDANIEL 5:30

Nde, iri na tarem-et kubu-ge Mbabilonia Nagawan Mbelsiasat iri na-ge wiriga-o.

NDANIEL 9:24

Olengen tuju kali tuju pulu ereya worarug-e, Mbal Pem Nagawan-nen kat kelem nap min kuwi siri marak iri min-e yi meya ndi meya kwarugwi min meya kwarugwi elem min arem-nen wesera keya unpurak irit wat tak pidnak worasu-o. Nde, yi meya ndi meya oboksa amberam tak posolat, pempa lud tak mot mot kwarugwi nak nggok tak puwa-o. Iri kwat yosola-ge, kat-nen nabi bem nggal kaigen iri na min ebe-ge iri nggal-nen yusu-o luk yidnak min-e ndak ndak irit kwat ma-o. Iri yosolar-e, Nagawan Indo uwi marak iri na-ge tuguruk Nagawan Indo erembel wanugwi rak puwa-o.

LUKAS 12:20

Iri peragaij-et nde, Mbal Pem Nagawan-nen at yak tosolar-e: ’Wid kindi worak wa-e. Yawo kubu-net wat yugun-o. Iri ala, kat-nen ndok wirigen mende silobulo yu-ge ta-nen nde winde ma-o?’ luk yak tij-o.

YIDNAK YIDNAK WENE 17:26

At-nen-e nggweyak yu ebem yi wi ndi wi pidsa wolmakluk, ap misiget ebem nak-net nde, ab-e ap enlem pidsa ndak worak inpij-o. Ndak worak unpurug-e, it wolmomtak tarem min it unuwi nggweyak min kuri wosa arik tak mbara wok indij-o.

IBERANI 9:27

Ab-e misiget pem nak wat yugwi-o. Nde, wat luk ombol nggwe-ge enpem wene mbarurak worasu-o.

NAM PARA WENE 1:18

An-e nuruk woraso-nen yusu-o. Ki-o. An-e wat yigi-t nde, nuruk yigirik, yawo-ge an-e nurug-et pem-et woralik nalik worasu-o. Wat yugwi elem min wat yugwi elem-nen tenagaidnak wi min tu mig worak pugwi-ge an ninggem worasu-o.

NAM PARA WENE 3:7

”Pilandelpia woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge ndemeret marak nap iri-nen yusu wene-o. Nde, at iri-ge Ndaud-nen idnak tu imig worak pugwi tena woraso-o. Nde, at-nen nde tu kuwarak posoma-ge, ap misiger-o luk-nen lerak purag-e meya-o. Nde, at-nen tu lerak posoma-ge, ap misiger-o luk-nen kuwarurag-e meya-o.