AYUP 1:3 - Nanduk Ngget Tul Pidnak Wene

³ Nde, ereb-e at-nen onnggo pidnak ndegel ubugwi nab-e kwarat woraiga-o. Nde, olomba wam-e 7.000, nde, unta wam-e 3.000, nde, esapi wam-e 1.000, nde, egelerai wam-e 500, nde, nggaruksa yosolar-e, o siri mo luwaso (timur) nggwe worali ereba ennggendumu-nen-e at yu nak aringgi arengge kwarat woragij-o.

AYUP 1:3 ပူးပေါင်းရင်းမြစ်များ

NDAK WIRIDNAK WENE 12:16

Nagawan iri na-nen Sarai na ebem-nen Abaram na konak nak kwat obosolar-e, lomba wam nde kambing wam nde sapi wam nde kelerai wam nde unta wam nde kwarat wok tij-o. Nde, ereba wok tosolat na at ndegel uburak nap na kwarat lena wok tij-o.

NDAK WIRIDNAK WENE 13:6

it onowam nak kwarat ala, o iri me it onowam-nen norak tusuangge lak nggal iri-nen ndowaga it mberen lambuksa wolmomtag-e meya agaij-o.

NDAK WIRIDNAK WENE 24:35

Nde, Nagawan Indo-nen-e an-nen ndegel oboso nap Abarakam iri-ge mondok imbiringgat wok tosolar-e, yi mende ndi mende kwarat ombo rak pij-o. Ombo rak posolar-e, lomba wam nde kambing wam nde sapi wam nde unta wam nde kelerai wam nde perak tol nde emas tol nde ndegel ubugwi nap kweyap nde ap nde mondok kwarat Nagawan Indo-nen ombo rak pij-o.

NDAK WIRIDNAK WENE 29:1

Yakup na mborosolar-e, o Kanaan-nen mo luwaso (timur) ambigit o ereba nggwe-t mbirij-o.

NDAK WIRIDNAK WENE 34:23

Iri-nen it-nen idnak onowam oro ereba na nit nenarengge yosolat, it enarengge mende na nit nenarengge kwat yosolat irit ma-o. Iri bem-e it-nen nit nennggendumu wolmakluk, it-nen yidnak wene irit kwarogolat wolmog-o” luk yiga-o.

2 SEMUEL 12:2

arengge kwarat worak nap iri na-ge olomba min owam erep min-et kwarat irit woragij-o.

AYUP 1:10

At iri-ge ogwela min ilirak min aringgi arengge min ereba-ge kat-nen pempa nggetlel unpuruk worasu-o. At-nen kwaroso iri-ge kat-nen imbiringgat tak posolat, owam na kat-nen kwarat tak posola, o iri me yebet yurak ndak irit wok tusu-o.

AYUP 1:4

Nde, Ayup ambararak tuju ereya na-nen pem kwarugwi-ge misik tarem-e at misik ama-nen nggok saguruk, iri nggal-et misik tarem-e at misik ama-nen nggok saguruk kwarugwi-o. Iri kwasa sakolar-e, intidtak kenan ereya na-ge ”Yi min nunggwi mende min lambuksa misik mu norag-o” luk yonggo unpugwi-o.

AYUP 31:25

An-e narengge mende bem-e nindi kek tak woraso bug-o.

AYUP 31:37

An-nen kwarosolat woraidnak ereba na-ge oboksa Mbal Pem Nagawan yak teleb-o. At eram wok yosolar-e, nalen min-et nerare yek tak pem-et wok yeleb-o.

AYUP 42:10

Nde, Ayup-nen anggamirak kenan iri na enmanggim tepan yij-o. Iri luk ombol nggwe Nagawan Indo-nen tuguruk Ayup iri na yi mende ndi mende ombo rak posola-ge, at aringgi arengge-ge nanduk ereba na nggal nag-et mberen pem nambena irit wok tij-o.

AYUP 42:12

Nde, Ayup iri na worala-ge, kwarat kobongsa irit imbiringgat tak posolat woragij-o. Nde, Ayup anggun panggun ebem mbigit lak ma-ge iri nggal-e imbiringgat tak pigit lag-et nde, yawo-nen wok tosolar-e, lomba wam-e 14.000, nde, unta-ge 6.000, nde, sapi-ge 2.000, nde, kelerai-ge 1.000 irit Ayup-e ombo yij-o.

WONARIDNAK WENE 23:7

Iri luk Mbileyam-nen abok-nen kwat momtak wene misik yosolar-e: ”O ndobo worak mo luwaso (timur) ambigit o Aram-nen Moap nagawan Mbalak-nen wene mbo nobosolat-nen yosolar-e: ’Yongga norosolar-e, wene yosolat, Isarael nap inmbiri lamut tak onposolat yonok-nen lobok yi-o’ yij-o.

WENE MBENARUGWI NAP-NEN KWARIDNAK WENE 6:3

Nde, ereb-e pempa Isarael nap-nen yabu waga yaguruk worakmu-ge, Mirian nap min Amalek nap min ap erep nembaga nggwe-nen na lobok yogolar-e, Isarael nap ondogolat woraiga-o.

WENE MBENARUGWI NAP-NEN KWARIDNAK WENE 6:5

Nde, ap ereba na-ge enpe-ge kwarat lobok yogolar-e, onowam nde unuwi lije nde imin-et nduguluk lobok yugwi-o. Nde, ir-e ap nde onowam unta wam nde lambuksa-ge wonarurak puk irit lobok yugwi-o. Nde, it lobok yogolar-e, Isarael nap unuwi-ge nggweyak min leraben waga keya bugwi-o.

WENE MBENARUGWI NAP-NEN KWARIDNAK WENE 7:12

Mbiganggal-e, Mirian nap min Amalek nap min ap erep nembaga nggwe-nen lobok yidnak nap min oboksa mbirikmu ereba na me mondok it nak tabuk tak worakmu eneyaiga-o. Mondok ubugwe nggal logo logo irit eneyaiga-o. Nde, onowam unta wam-e mondok wonarurak puk yi sisiri nggal irit kaiga-o.

WENE MBENARUGWI NAP-NEN KWARIDNAK WENE 8:10

Nde, iri na yogola-ge, Seba min Salmuna min ensan ombo oboksa inmin-e Karakot iri me woraiga-o. Nde, ap nembaga ereba woragwi nap san ombo oboksa-ge seratus duapulu ribu (120.000) indikma, enpe-ge lima belas ribu (15.000) nak iri me woraiga-o.

1 SEMUEL 25:2

Nde, o siri Maon iri me-ge elem Kalep nap misik woragij-o. Nde, unu-ge Nabal. Nde, ap iri onggweyak mbi-ge o siri Karamel koroga iri me woragij-o. At iri-ge yi mende ndi mende ombo irit woragij-o. Nde, olomba wam-e tiga ribu (3.000), nde, agambing wam-e seribu (1.000) irit ombo woragij-o. Nde, ogwe Abigail iri na mondok indi ngarak-nen erare konak irit woragij-o. Alat nde, Nabal iri-ge abage ket mbet tak indi ebebeyal worak irit woragij-o. Nde, misik tarem-e Nabal na-ge o Karamel iri me olomba ereba na usu mbarosolat woragij-o.